DABE 12:12 - Biblía Axweesantá Hhohho' ar Mungú 2004

¹² Amoodae kuungá' an qwalala/á' dír geeraá AAKOÓ MUNGÚ, Munguúhúng wa aleeró. Kuungá' nee na/iihúng awa daaqaay nee awa dasuuwo, nee lawaalerhúng ar hhawaate nee ar /ameenaaro nee múk tlahhoo Laáwi, kudá' nee kuungá' alhootá'. Asma inooín dír i aaliya' ngi kon'aaká baraá tla/angwhunge.

DABE 12:12 Iomraidhean Croise

1 WAAWITÁ 8:66

Bál dakaate Solomon muu guna deelór báy, inooín waawutmo kuri tsuúq. Tari waátl amór maraay ar bara/, nee qwal/uú úr, asma hhooeemaadá' AAKOÓ MUNGÚ aa tleéhh dír sagadiyusmoowós Daudi, nee dír mukós Israeli.

2 QOM'I 29:36

Waawutmo Hesekia nee muu sleémeero tari ló'wa qwalaá/ asma adoodá' Mungú aa tleéhh, asma adoorí ina gaanslár tleehharút.

NEHEMIA 8:9

Nehemia kuduú ga/aawusmo nee Esra kaahamusmoó Mungú nee goousmo, nee múk tlahhoó Laáwi kudá' muu gwaa intsaahhatis, muu sleémeero kuri báy, «Baalaarír laarí ka hhoohhoo' dír AAKOÓ MUNGÚ, Munguúhunge, ma tsuunqumisaara' laqaá sleeme ma /aa/amimaara'.» Asma muu sleémeero ina /aá/ /ayma'aá baraá kitaábuuduú dabe kiwa axaás.

WARA'AMI 147:1

AAKOÓ MUNGÚ xirfayeemisaak! Asma ka hhoo' Munguúrén kuwa i daa'aan. Asma inós ku gurhhoó', nee kuwa xirfayeemisaan i ganá'.

TLAHHOÓ LAÁWI 23:40

Bál deelór geera mamaá xaaihúng awa tsuuá' ki lehhá', nee haleemaá xaa'aá loo/o yaariir nee haleemaá ti'imaamitá' baraá afaá yaaér wa ale, kuungá' deelór ur kari tlehhá' deelo faanqw geeraá AAKOÓ MUNGÚ, Munguúhúng wa ale.

FAARO 18:20

AAKOÓ MUNGÚ Aroni guri báy, «Kuúng aalír ta sleer i káhh, baraá yaamuuine, laqaá tawa garká koon baraá tla/angw'ine, aníng an gár kuúng ta koon, nee an aalirók baraá tla/ángw múk Israeliwo.»

FAARO 18:26

«Slamí tlahhoó Laáwi kaangwí ti beer, ‹Qoomár ilahhooár gár wák baraá muruú mibaango bara ilaaoté', tidá' múk Israeli i hanimiisi as tawa aalirhúng, kuungá' baraá muruudá' taa sleeri'i gár wák baraá muruú mibaango ngin anuú AAKOÓ MUNGÚ i haniisá' tawa ilahhooarhúng.

Yohana 13:8

Petro iri oó', «Kuúng ya'aaeé' i baloó hamtlaká.» Yesu iri oó', «Án bar ya'aawók i hamaatlaaká, án nee kuúng alqaati i káhh.»

Tlehhema'aá ya/Abuuse 8:21

Dinku'uumár kuúng nee atén i káhh gawaá kaangwihe, asma muunaáwók ku hhoohhooeeká dír geeraá Munguhe.

DABE 10:9

Gawaá adoorihe, múk tlahhoó Laáwi yaamaá ta aali i kahhiyá' dinkwa nee hhaeeín, inooín gár ta slay a ilaiwa/amér tawa kaahamuusér Mungú, adoodá' AAKOÓ MUNGÚ, Munguúhúng ngira al'axweés.

DABE 12:18

Ala kuungá' muruuwí sleémeero dír kuwa /aga' a dír geeraá AAKOÓ MUNGÚ, Munguúhúng, didá' inós i tsawaari. Kuungá' ta al/ayiindá' nee daaqayhúng nee dasuuhúng, sagadiyuuserhúng, nee lawaalerhúng ar hhawaate nee ar /ameenaaro, nee múk tlahhoó Laáwi kudá' baraá gixsaduuhúng wa hoót.

DABE 12:19

Ala tí inslawaak qooma sleémeero ar tawa hota' baraá yaamuuhúng kukae, hariímár múk Laáwi ma gunqareesara'.

DABE 12:7

Amoodae kuungá' an /ayiindá' dír geeraá AAKOÓ MUNGÚ, Munguúhúng wa ale, tari qwalala/á', kuungá' dinkwa nee múk marayhunge, as diihhooadá' AAKOÓ MUNGÚ, Munguúhúng, nura tsuúq.

DABE 14:29

Muruuwí daqaní an oo múk tlahhoó Laáwi, asma inooín gár ta kon i káhh, laqaá aalír ta kon baraá tla/angwhunge i káhh, sleeme ar dahaaye nee panaay, nee /ameenár kwaeeli, tidá' hoot baraá gixsarhúng wa aleeró. Kuká' sleémeero ni hardihiye' as niwa /aymár aya' niri aaxiyá'. Adoorí tleehhaak, daqaní AAKOÓ MUNGÚ, Munguúhúng nu tsuuq baraá gadiyérhúng sleémeero ar taqo tlehhita'a dabaahunge.»

DABE 16:11

Kuungá' tari dír geeraá AAKOÓ MUNGÚ, Munguúhúng wa qwalala/á', kuungá' dinkwa nee na/iihúng awa daaqaay nee awa dasuuwo, nee lawaalehúng ar hhawaate nee ar /ameenaaro, nee hoomár ayaahúng hoota, nee dahaayero, nee na/aá panaay nee /ameenár kwaeeli ar ar alhootá' nee kuungá'. Adoorí tleehhaak didá' AAKOÓ MUNGÚ, Munguúhúng aa tsawaár as umuuwós kuwa didá' wa ateetin.

DABE 16:14

Kuungá' deeloosíng ur ka saqwalala/á' dinkwa nee na/iihúng awa daaqaay nee awa dasu, nee lawaalerhúng ar hhawaate nee ar /ameenaaro, nee múk Laáwi, nee dahaaye, nee na/aá panaay nee /ameenár kwaeeli nee hoomár baraá ayaahúng hoota.

DABE 18:6

«Heé tlahhoó Laáwi birngi slaa' iwa loohi, baraaá gixsadá' i hooti baraá Israeliwo, aqo in loh amoodá' i slai AAKOÓ MUNGÚ aa tsawaár.

DABE 26:11

Kuúng nee múk do'oge hhooeemaadá' sleémeero AAKOÓ MUNGÚ, Munguúwók nuy tleéhh, saqwalalaa/aak dinkwa nee tlahhoó Laáwi nee hoomoó ayaahúng hoota.

DABE 26:12

«Umuúqo kurkú tame, umuúqo heewo dirhunge baraá bu'ungós sleémeerowo, ar wák baraá mibaango gan haniis as tlahhoó Laáwi, nee hoomoó ayaahúng hoót, nee na/aá panaay nee /ameenár kwaeeli, as inooín muruú /ayma, nee umuúqo gár taqo slai kawa slay, qoomár barta baraá yaamuuhúng i dirii'.

DABE 27:7

Inós ilahhooár muruú ta tsu/i ti hanise', nee ka didá' wa /agá', nee ta qwalala/á' dír geeraá AAKOÓ MUNGÚ, Munguúhúng wa ale.

YOSHUA 13:14

Múk tlahhoó Laáwi aalír yaamu nga slayi'iiká, ala gar'ín aqo ilahhooadár da/a/aangw ta hanmaamisi dír AAKOÓ MUNGÚ, Munguú Israeli. Tí an gár naa aaliyé' ar adoodá' AAKOÓ MUNGÚ Mose ngwa báy.

YOSHUA 13:33

Ala tlahhoó Laáwi Mose gwa yaamií ka'aasiiká, asma AAKOÓ MUNGÚ, Munguú Israeli, inós an aalir'ín, ar adoodá' inós ngira dir'íní al'axweés.

YOSHUA 14:4

Xwaylár Yosefu tlahhi'iiwós a tsár, tlahhoó Manase nee oo Efraimu, ala tlahhoó Laáwi aalír yaamu gaa slayká, ala aqo gixsadaá maray'ín ngi tleehhiya', nee wa/ángw hikwaaín ngiwa de'ena', nee dír muruú /aymar'ín nguwa amohhe'eesiya'.