DABE 12:11 - Biblía Axweesantá Hhohho' ar Mungú 2004

¹¹ naagáy didá' AAKOÓ MUNGÚ, Munguúhúng, i tsawaari, asma umuuwós iwa didá' wa hooti, kuungá' tidá' sleémeero aníng nu baw ka didií hubá', ilahhooarhúng ar da/a, nee ilahhooarhúng ar muruú ta tsu/i, nee ilahhooár gár wák baraá muruú mibaango, nee qeemu nee ilahhooár al'axweesani tidá' handá' taa slaé' AAKOÓ MUNGÚ i hanisaro.

DABE 12:11 Iomraidhean Croise

1 WAAWITÁ 12:27

Mukwí bira kumiít ilahhooár muruú ta tsu/i hanmisuwo baraá Doó AAKOÓ MUNGÚ kuduú baraá Yerusalemu i diriia, aluuwo inooín ta kii/ baraá waawuti'iimár Rehoboamu waawutmoó Yuda, nee aníng iri gaasiyá'.»

1 WAAWITÁ 8:13

Ar looeemaawo doó hotaawók ngwaa tleéhh, tawa dír hotaawók ay alhhe'eesay wasle.»

1 WAAWITÁ 8:16

‹Iimír baldá' muk'eé' kwí oo Israeli nguwa duúx baraá yaamaá Misriro, gixsár naa tsawaár baraá yaamaá Israeliro as dooeé' nguwa tleehh i káhh, tidá' daqaní umuueé' kuwa baraadá' wa sluufmiisi, aqo har Daudi una tsawaár muk'eé' oo Israeli nguwa sawaawuti'in.›

1 WAAWITÁ 8:29

Do'owí de'eemeek tlatla/aangw nee xweeraawo diirí kuúng tawa ó', ‹Diirí an dír muu umuueé' nguwa sluufmiisi.› Aníng iiárií qaasáng, bar aga diirí hardáh uwa fiririim.

2 WAAWITÁ 18:22

«Ala tam i beera, ‹Atén AAKOÓ MUNGÚ, Munguúrén un harahhifaán,› xuaak adór munguúsíng tar kudá' Hesekia kiteeriwós kudá' gawaá gongoama' awa ilahhooa hanmis ngira fe/iít, múk Yuda nee oo Yerusalemu guri báy, ‹Mungú sluufmisaak dír geeraá kitangwduú ilahhooa oo baraá Yerusalemurí dirií'.›

1 QOM'I 22:1

Daudi iri oó', «Diirí an didá' Doó AAKOÓ MUNGÚ kway tleehhi. Kitaangwí an kitángw múk Israeli ilahhooár da/a kawa hanmiisi.»

2 QOM'I 6:20

Do'ók xuumeek tlatla/aangw nee xweeraawo. Do'ók kwí al'axweesani kawa ó' ar mukók uwa diirí wa sluufmiisi nee firór mukók kawa diirí wa axamis. Anuú sagadiyusmoowók firor'eé' uwa diirí wa firiim axaseek.

2 QOM'I 7:12

AAKOÓ MUNGÚ guna i xáy xweeraawo, iri oó', «Aníng firoorók aga axás nee aníng Do'owí ugwa tsawaár as tawa dír aníng tiwa ilahhooárí hanmiisi ar muruú ta tsu/i.

ESRA 6:12

Nee Munguúwí adoorí gaa tleehh umuuwós iwa dirqá' hooti, inós waawutmo laqaá muu gaalá kudá' dabaaín ngi tleesá' as /aymuuwí nguwa warqeesiya' nee do'owí oo Mungú oo baraá yaamaá Yerusalemu ngu hhaamiisá' ngi suquy. Aníng Dario tí ngaa oó', masók ta ilakaaharees hara'ayarí kawa iialooeesi.»

WARA'AMI 100:2

AAKOÓ MUNGÚ sa gadiyusaak ar qwal/amaaye, qwalaasé' dír geeraawós ar daa'aangw.

WARA'AMI 116:17

Aníng kuúng un sluufiís ar ilahhooár muruú ta tsu/i, nee AAKOÓ MUNGÚ un fiririím.

WARA'AMI 66:13

Aníng a dáh baraá do'ók nee ilahhooár da/a, al'axweesante'eé' ngari boo/eés diroge.

WARA'AMI 78:68

Ala tlahhoó Yuda guna tsawaár, tloomár Siyoni tidá' i ló'wa slai.

TI'INAANGW 25:8

Inooín dír hotaaeé' ngi tleehhiye', as kahhó' niwa baraá tla/angw'ín wa hoot.

TI'INAANGW 29:45

Aníng nari hoót baraá tla/ángw múk Israelír wa alé. Aníng tari Munguúín.

YEREMIA 7:12

Axáy hamí tlawsé' ay dir'eé' tidár baraá Shilo, didá' aáng geeraawo umuueé' ngway qaás, adoodá' didá' ngira hhitiím araak, asma tlakweemaá muk'eé' oo Israeli.

TLAHHOÓ LAÁWI 17:4

kitángw ngiwa huwi dír afkú heémár Mungú didá' hhoohhoo' as ngiwa AAKOÓ MUNGÚ i haniisi, heedaádá' i dakuúsár kón ar tseere ngiwa ku'uús, nee inós kun baynitis dír xooroorós ar Israeliro.

DABE 12:13

Ti harmagahhe', ilahhooár da/a ma tawo duxuumara' umuú dír taaqo sleeri'i,

DABE 12:14

ala aqo har didá' AAKOÓ MUNGÚ aa tsawaár baraá tlahhoó wák wa ale baraá tlahhi'iihunge, diirí an didá' ta ilahhooár dá/tí hanisá', nee an didá' muruuduú hatlá' sleémeero kuwa tlehhita', kudá' naa kuungá' báw.

DABE 12:18

Ala kuungá' muruuwí sleémeero dír kuwa /aga' a dír geeraá AAKOÓ MUNGÚ, Munguúhúng, didá' inós i tsawaari. Kuungá' ta al/ayiindá' nee daaqayhúng nee dasuuhúng, sagadiyuuserhúng, nee lawaalerhúng ar hhawaate nee ar /ameenaaro, nee múk tlahhoó Laáwi kudá' baraá gixsaduuhúng wa hoót.

DABE 12:21

Barnaxes didá' AAKOÓ MUNGÚ, Munguúhúng i tsawaari, dirhunge ka saaw, nee kuungá' hikwaahúng, laqaá bee/angwhúng kudá' AAKOÓ MUNGÚ nura tsuúq, iga tsu/é', adoodá' ngira hara'ayiím, i ya/aán fu'unaydá' kiwa /aga' umuúqo dír ti diria'a baraá yaamuhunge.

DABE 12:26

Ala qeemuudá' hhohhó', kudá' ta hanmisa' nee ilahhooadár al'axweesanto, ki hubá' didá' AAKOÓ MUNGÚ aa tsawaár.

DABE 12:5

Ala tlawé' ay didá' AAKOÓ MUNGÚ, Munguúhúng i tsawaari baraá tla/ángw tlahhi'i sleémeero, as umuuwós kuwa xirfayeesa', nee dír hotaawós kawa tlehha', amoodá' an amór kuungá' ta keera'.

DABE 14:23

Aluuwo daqaní ta tleerá' ay didá' AAKOÓ MUNGÚ, Munguúhúng aa tsawaár as kawa umuuwós ar ateeti, nee bar geeraawós i diriá', ilahhooár balaangw ka /agá', nee ar difaái, nee ar di/iywo, nee ar barsuú hikwahunge, nee oo bee/angwhunge, adoorí tleehhaak as tawa intsahhaada' AAKOÓ MUNGÚ, Munguúhúng, kuwa ilaiwawa/a' daqisleém.

DABE 15:19

«AAKOÓ MUNGÚ, Munguúhúng awér hikwaahúng nira barisiyé' nee gwaandaawér bee/angwhúng ira barís ti hanise', aweerí mar gadiyuusara', nee gwaandaaweesíng ma se'eengw tlaaqara'.

DABE 15:20

Umuuqo kurko kuúng nee múk do'oge fu'unaá makayká' in dír geeraá AAKOÓ MUNGÚ, Munguúhúng wa /agá' didá' AAKOÓ MUNGÚ aa tsawaár.

DABE 17:8

«Siwarkaaro i ya/aán qaa/oó gawít niwa ti'iiti baraá gixsarhunge, oo har'ohuuse i aleesleeraaká tsatto, kwasleemár daanduú hee kuwa gaás laqaá daanduú hariimár hee kawa hara/uuntsín, laqaá hee kuna slahh'eés, daqaní ta tleerá' didá' AAKOÓ MUNGÚ Munguúhúng i tsawaari, as umuuwós kuwa ateetin.

DABE 18:6

«Heé tlahhoó Laáwi birngi slaa' iwa loohi, baraaá gixsadá' i hooti baraá Israeliwo, aqo in loh amoodá' i slai AAKOÓ MUNGÚ aa tsawaár.

DABE 23:16

I dír do'ók wa hooti, didá' aa tsawaár hotaawo, didá' kuúng ta hot, tidá' inós gu sla'atamis. Mu hara/uuntsimaar.

DABE 26:2

bu'úngw geera oo ta baraá yaamuudá' wa bu'uun, kudá' AAKOÓ MUNGÚ, Munguúhúng naa kuungá' i haniís, bu'ungwdá' un húp ar lakwaanti ay didá' AAKOÓ MUNGÚ, Munguúhúng aa tsawaár tawa didá' umuuwós kuwa ateetin.

DABE 31:11

qoomár múk Israeli sleémeero birna hardáh dír geeraá AAKOÓ MUNGÚ, Munguúhúng didá' handá' inós aa tsawaár, kuúng dabeerí soomuseek dir geeraá múk Israeli sleémeero wa ale.

YOSHUA 18:1

Alaá xoorór Israeli yaamu ngiwa ót, looár wake nina burumburitiyé' Shilórí ale, heémár Mungú ngiri kiki'iyé'.

YOSHUA 22:11

Kaangwí iri hardáh baraá iaá tlahhi'iidaá hatlá' awa xoorór Israeli, adór tlahh'aá Reubeni nee Gadiwo nee tlaqtá tlahhoó Manase kitángw yangaariír oo ilahhooa ngura tleehhiyé' dír digmuú yaamaá Kana'ani afaá yaaér Yordani, gayuú yaamaá múk Israeli.

YOSHUA 22:16

«Alqaati sleémeero ar múk AAKOÓ MUNGÚ i kat, ‹Ahaá gár tlaakw ar adór tí masa tlehhé' dír Munguú Israeli? Kuungá' laarí masa dee/aanuté', AAKOÓ MUNGÚ kway meeré' eeharto, as kitangwhúng oo ilahhooa kawa hanmiisi kuwa tlehhé'. Adoorihe kuungá' aga dee/anuti'iikáhe, AAKOÓ MUNGÚ kway meeré' eeharto?

YOSHUA 22:23

Barnaxes atén kitángw ilahhooár da/a/aangw kawa hanmiisaan una tleehhaán, nee ilahhooár balaango, nee ilahhooár wayduwo, daqaní AAKOÓ MUNGÚ li/aywós ngu bui diréní ale.

YOSHUA 22:27

Ala una tleehhaán as tawa laya tla/ángw atén nee kuungá', nee tla/ángw xwaylarén ar aluú wa hi'iit, adór inooín ir hariná' AAKOÓ MUNGÚ nguwa sagadiyuusiya', ar ilahhooár da/a/aangw nee ilahhooár muruú ta tsu/i nee ilahhooár wayda, as kahhó' na/iihúng koorén mingiwa bayé', ‹Kuungá' dirhúng i káhh dír AAKOÓ MUNGUHE.›

YOSHUA 22:29

Kangwsíng atén tiwa pa/i, oo atén niwa dee/aanutaan, nee niwa warqawaan dír AAKOÓ MUNGUHE, atén kitángw hatlá' oo ilahhooa kawa da/aa/an kuwa tleehhaan laqaá oo ilahhooár bu'uungw, laqaá oo ilahhooár muruú ta tsu/i ta kuduú AAKOÓ MUNGÚ, Munguúrén, oo baraá heémarósí dirií'.»

YOSHUA 9:27

Alaá deelór niinawe Yoshua múk Gibeoni guri lawaale tleéhh ar migír feehhamis, nee ar ma'aay hhekw awa múk Israeli, nee awa kitángw ilahhooa kawa hanmiisi. Ay laarí inooín i kumamitiyá' gadiyeérihe, didá' AAKOÓ MUNGÚ aqo tsawaari as sluufmis.

1 SAMUELI 1:21

Elkana, nee múk do'ós sleémeero, tari tsa/án, AAKOÓ MUNGÚ kuwa ilahhooár muruú ta tsú/í haniisi ar umuú kuru, nee al'axweesantadá' aa tseék kawa boo/eesi.