DABE 12:10 - Biblía Axweesantá Hhohho' ar Mungú 2004

¹⁰ Ala qoomár yaaér Yordani barnaxes aga waarahhé', nee tari hotá' baraá yaamaá AAKOÓ MUNGÚ, Munguúhúng, i kuungá' i haniisi, nee qoomár burna hungu/uús, kuungá' mutunduwa dawitamiís nee wakuuserhúng sleémeero, tidá' kuungá' naa harwet, as kuungá' tawa hota' ar amohhooa,

DABE 12:10 Iomraidhean Croise

1 WAAWITÁ 4:25

Xoorór Yuda nee ar Israeli tari hoót ar saxareemo umuú heewo dír sabiíbuuwós nee dír /aantsírós, iimír Danír wa oohang ay Be'er-sheba, deelo sleémeero ar Solomon tawa waawutmo.

1 WAAWITÁ 8:56

«AAKOÓ MUNGÚ i xirfuuti, kudá' mukós oo Israeli gwaa amoohhooár i haniis, adór al'axweesantós sleémeero i diri'. Al'axweesantós tidá' hho' aa oó' ar loohír sagadiyusmoowós Mose gaa boo/eés.

1 QOM'I 22:18

Daudi iri oó', «Ahaá AAKOÓ MUNGÚ, Munguúhúng, i dinkwa nee kuungáeéke? Ahaá kuungá' naa waydií haniisikáhe bihhe sleémeero? Inós yaamuloouusér yaamuuká' ngina qaás baraá dabaeé', daxta taa hanisiyé' dír AAKOÓ MUNGÚ nee mukós.

WARA'AMI 4:8

Aníng an qaát, nari guú' ar wayda, asma kuúng, AAKOÓ MUNGÚ, aníng iga de'eén niwa hoot ar amohhooa.

TI'INAANGW 33:14

Mungú iri oó', «Anínguú kilá' ti koomaán nee kuúng, aníng kuungá' u amohhooár i haniís.»

AXWEESANOÓ SAGALOOA 1:33

Ala umuúqo heé aníng i iiárií qamiima ku diihhoó', inós iri yaandahhe'ees tam gár gu dae tsaat i káhh.»

YEREMIA 23:6

Qoomár waawuti'iimarose múk Yuda ku ba/amis, nee múk Israeli i saxareemár hoot. Inós umuuwós ku bay, ‹AAKOÓ MUNGÚ an gan'amuurén.›

YEREMIA 32:37

ga/aaweek, aníng inooín in baraá yaamu sleémeeró wa burumbuúr, amoodá' ngay guús as buhhtaaeé' nee xarasleemaeé' as niwa qa/iít. Inooín in malé diirí ki/ís. Aníng inooín ngiri waydúr hootiís.

YEREMIA 33:11

afór qaseengw nee ar bara/ a malé axasá', nee afór ni/imár /ayla, nee afór daa'ángw múk ilahhooár sluufoó huwahuúw dír doó AAKOÓ MUNGÚ ar kah, ‹AAKOÓ MUNGÚ Aleesleemusmo sluufmiisaak, asma AAKOÓ MUNGÚ ku hhoó'. Sla'aarirós ar warqawaaká in kumaamít ay alhhe'eesay wasle.› Aníng yaamuuká' i diihhooar'ín tidár aángií ki/ís. Anuú AAKOÓ MUNGÚ tí ngina oó'.»

ESEKIELI 28:26

Inooín tari baraaká' wa hoot ar saxareema, maray'ín ngiri tleehhiyá' nee xaa'aá sabiíbu ngiri dahaasiyá'. Inooín tari hoot ar saxareema, asma xoorduudá' inooín ngi slahh'eemiisá' aníng i sakwasleemuút. Daqaní inooín ngiri tsaahhiyá' adór aníng tar AAKOÓ MUNGÚ, Munguúín.»

ESEKIELI 34:25

Aníng nee inooín alqadór wayda ngiri qaasaán. Aníng makaá xaraaslá' in faák baraá yaamuwo as bee/angw'eé' iwa baraá darmú xatsoó wa hooti ar amohhooa, nee iwa gui baraá sla/atá wa ale.

ESEKIELI 34:28

Inooín ki baloó slakaatiiká nee xoorór hatlá', laqaá tawa /aymár makaá sla/a. Inooín in hootiyá' ar saxareemo, nee heé gi baloó dae tsaát i kaahh.

ESEKIELI 38:11

‹Aníng a slaqwarár áw amór yaamuudá' koo/ír kooma'aaká, yaamuuká' muk'ín in waydúr hoot. Inooín sleémeero dír ta hooti a baraá gixsadaá koo/ír kooma'aaká nee awa afer'ín taa tsegitiiká ar gadaádár peehhír afkú do' tsegit.

ESEKIELI 38:8

Alaá deelór yaariir bira waaráhh tu ateet, yaamaá muu kway húp as kiwa i haratleer nee hamí daxta tawa hooti daér slaqwara i káhh. Tlom'aá múk Israeli in i haratleér, kudá' aáng awa xaanxaay nee taangu har afiqoomoó deelór niinawe, ala hám daxta muu i hoot ar saxareema.

DABE 11:31

Kuungá' yaaér Yordani an waarahhá' tari datá' yaamuudá' AAKOÓ MUNGÚ, Munguúhúng naa haniís. Naagáy kuungá' yaamuudá' kiri alá' tari baraadá' wa hotá'.

DABE 3:27

Tsa/ám ay gawaá tsitsinír tloomár Pisga, ta ló'wa qaytsita hhe'és bihhaá /uwa, nee /iya, nee basa, nee bihhaá da/aáw, yaamuudá' ki xuuxú', ala kuúng yaaér Yordani a waarahhká.

DABE 33:12

Daanduú tlahhoó Benyaminiwo ina oó', «Sla'aaruusér AAKOÓ MUNGÚ. Inooín tan hoot ar amohhooa dirós wa ale, Munguú Gáwtí dirii' tlatla/aagw sleémeerowo gin harwediit nee sla'aarusmooín iri baraá tla/angw'ín wa hoot.»

DABE 33:28

Gawaá adoorihe, múk Israeli iri saxareemár hoot, xwaylár Yakobo gár ga daawitis i káhh dír yaamaá balaangw nee difaái, yaamaá doori i har'ií paahhamisiya'.

DABE 4:22

Aníng an yaamuukií gwaá', tam yaaér Yordani a waarahhaaká, ala kuungá' hám a tsaxwaá tawa waarahha' nee tawa data' baraá yaamuudá' hhoohhoo'.

DABE 9:1

«Aá xoorór Israeli, kuungá' iia qaasaak, laarí kuungá' aga naka/é' yaaér Yordani kawa waarahha', as yaamaá xoorduudá' uren nee awa /uureemaá koomá' ta kuungae kiwa ala'. Kudá' gixsaduuín ló'wa uren, nee koo/ír gixsaduuín ka tlet ay gawaá doori.

YOSHUA 11:23

Yoshua yaamu sleémeero gina hayóh, ar adoodá' AAKOÓ MUNGÚ aa oó' dír Mose. Inós yaamu gay qasiís dír tlahh'aá Israeli, nee umuúqo tlahhaywo guna dirósí sláy. Múk Israeli iri hoót ar wayda.

YOSHUA 14:1

Xoorór Israeli yaamaá kay ka'amiís baraá Kana'aniro an kuká': Múk gaa ka'amiis a kaahamusmoó Mungú Eleasari nee Yoshua garmoó Nuni, baraá ka'amisuuwo tina alee/imisiyé' nee bariisér uren ar tlahh'aá xoorór Israeli.

YOSHUA 3:17

Qoomár kaahamuuseedá' sandakmoó alqadór AAKOÓ MUNGÚ gu loohiis iwa sihhít baraá ma'aáy, ma'aá didá' niri /oné', inooín nina didá' wa sihhmamitiyé' ay qoomár muu sleémeero iwa faakiís warahhuuwo ar baraá yaamaá kaahaar.

YOSHUA 4:12

Hhawaataá tlahhoó Reubeni nee awa Gadi nee tlaqtá tlahhoó Manase tina amohhe'eesiyé' slaqwaraaro, niri geerií waaraahhiyé' dír muu sleémeero, inooín adoodá' Mose ngaa báy ngiri tleehhiyé'.

1 SAMUELI 7:12

Aluuwo Samueli tlaa/ano guri óh, guri sihhtís tla/ángw Mispa nee Sheni, umuuwós guri báy, Eben-eseri, iri oó', «Tam hamí AAKOÓ MUNGÚ taa alee/iís.»