DABE 11:9 - Biblía Axweesantá Hhohho' ar Mungú 2004

⁹ Daqaní slafíngw tleér u sleerá' baraá yaamaá hatsá' dihhooár ilwa nee dane, yaamuudá' aáng AAKOÓ MUNGÚ aa lo'ór wa /aáy ngiwa haniisi dír baabi'iihúng nee xwaylar'ín.

DABE 11:9 Iomraidhean Croise

TI'INAANGW 20:12

«Baabuúwók nee aayoorók ilaiwawa/eek as slafíngw kureeraá yaariir kuwa sleer baraá yaamuudá' AAKOÓ MUNGÚ Munguúwók ni kuúngí haniisi.

TI'INAANGW 3:8

Aníng nina hardáh asma inooín ngiwa tuu/ baraá dabaá múk Misri wa alé, nee in huúw ay baraá yaamaá hhooá', yaamaá iintlaaxw, yaamaá diihooár ilwa nee dane, yaamuudá' ta hooti nee xoorór Kana'ani, nee ar Hiti, nee ar Amori, nee Perisi, nee Hifi, nee ar Yebusi.

AXWEESANOÓ SAGALOOA 10:27

Slafíngw heé AAKOÓ MUNGÚ ilaiwawaá/ ku tleerees, ala hotaá heé tlaákw ki hartsaat.

AXWEESANOÓ SAGALOOA 3:16

Slafíngw tleér gu koón ar dákw doó /iyáy, nee ar dákw doó basayhe gár i koon a daqaari'iima nee ilaiwa/ame.

AXWEESANOÓ SAGALOOA 3:2

Asma intsaahhatisar'eé' u slafíngw kureeraá yaariír i hanís, nee diihhooár yaariir a sleér.

AXWEESANOÓ SAGALOOA 9:11

Ar alee/isay'eene kuúng an hotaatiín, nee kureeraá slafiingók nari tlahhiyá'.

ESEKIELI 20:6

Baldá' lo'o ngiwa /aáy ina báw, ‹Aníng kuungá' nu duúx yaamaá Misrír wa alé nee nuri geerahaár ay baraá yaamaá naa kuungá' i tsawaár, yaamaá ilwa nee dane, yaamaá ak hhoohhoo' ta yaamaá hatlá' sleémeero.›

DABE 1:8

Ga/aawaak, yaamuuká' sleémeero nga geeraahúng i qaás. Gimsé', yaamuuká' aalaak, anuú AAKOÓ MUNGÚ lo'o aga /aáy yaamuuká' ngiwa haniis dír baabi'iihúng, Abrahamu, nee Isaka, nee Yakobo, nee xwaylar'ine.› »

DABE 11:10

Asma yaamuudá' ti hotaá eera' a adór yaamaá Misriroká, kudá' ta dahha', kudá' handá' balaangw una dahaasiindé', nee ma'aay kiri wa/amisé' ar ya'aahúng adór asalmoó naanú.

DABE 11:21

as kuungá' nee na/iihunge hotaá tleerá' kiwa sleera' baraá yaamaá AAKOÓ MUNGÚ, Munguúhúng aa lo'ór wa /aáy ngiwa haniisi dír baabi'iihúng, deelo sleémeero ar doori iwa hootiia.

DABE 4:40

Gawaá adoorihe, kaahirós nee hara'ayaarós oohaak, tidá' laarí aníng naa haniís dirhúng as diihhooa kawa sleera', kuungá' dinkwa nee na/iihúnge, as kahhó' tawa hota' deelór yaariire baraá yaamuudá' AAKOÓ MUNGÚ, Munguúhúng ni kuungá' i haniisi ay alhhe'eesay wasle.»

DABE 5:16

«Baabuúwók nee aayoorók ilaiwawa/eek adoodá' anuú AAKOÓ MUNGÚ, Munguúwók, una hara'ayiím, adoorí tleehheek as slafíngw kureeraá yaariir kuwa sleer, nee diihhooa kawa sleer baraá yaamuudá' AAKOÓ MUNGÚ Munguúwók ni kuúngií haniisi.

DABE 5:33

Kangwdá' sleémeero AAKOÓ MUNGÚ, Munguúhúng naa hara'ayín eeharaak, as tidá' sleémeero kuungá' ta tlehha' iwa qoon, nee deelór hotaahung kiwa sleera' baraá yaamuudá' ta sleera'a, tawa aalirhúng.»

DABE 6:18

Gár AAKOÓ MUNGÚ gu sla'atamis na tleehhaak, daqaní kuungá' diihhooa a sleerá'. Kuungá' daqaní yaamuudá' hhoohhoo' AAKOÓ MUNGÚ aa lo'ór wa /aáy dír baabi'iihúng i ala'.

DABE 6:2

Qooma sleémeero ar kuungá' tawa slafa', a hariindá' AAKOÓ MUNGÚ, Munguúhúng kuwa ilaiwawa/a' nee dabeerós sleémeero kawa iialooesa', nee hara'ayaadá' aníng naa dirhúng i hara'ayiím. As kahhó' kuungá' nee na/iihúng nee na/aá na/iihúng hotaá tleerá' kiwa sleera'.

DABE 6:3

Gawaá adoorihe, kuungá' múk Israeli, ilakaaharu tleehhaak, as diihhooa kawa sleera' nee tawa ló'wa doogiinda' baraá yaamuudaá diihhooár ilwa nee dane, adoodá' AAKOÓ MUNGÚ, Munguú baabi'iihúng ngira al'axweés.

DABE 8:7

AAKOÓ MUNGÚ, Munguúhúng inós kuungá' nu dahaas baraá yaamuudá' hhoohhoo', yaamaá yau, nee tsinqaá ma'aay, nee kutloó ma'aay, kudá' ti'imiít baraá xatsoó wa aleeró, nee gawaá tlom'i.

DABE 9:5

Yaamuuín kuungá' i ala'aaká as kuungá' tawa hota gana'a', laqaá munerhúng kawa hhohhó', ala AAKOÓ MUNGÚ, Munguúhúng mukwí gun geeraahúng wa gusiisín, asma inooín kiwa tlákw, nee axweesantós tidá' aa lo'ór wa /aáy dír baabi'iihúng, Abrahamu, nee Isaka, nee Yakobo gan gawdeesár wa slaa'.