DABE 11:13 - Biblía Axweesantá Hhohho' ar Mungú 2004

¹³ «Naagáy kuungá' hara'ayduueé' kuká' laarí ni hanmiis bira iialooesé', nee AAKOÓ MUNGÚ, Munguúhúng bura slaé', nee bura sagadiyusé' ar munerhúng sleémeero, nee qeereemoohúng sleémeero.

DABE 11:13 Iomraidhean Croise

1 WAAWITÁ 3:3

Solomon AAKOÓ MUNGÚ guri slaá', hara'ayár baabuúwós Daudi gana eehár, ala aqo har ilahhooár muruú ta tsu/i nee ar mooyángw nee ar mooyángw koom gana haniís wa/aameedár gongoamaá wa ale.

WARA'AMI 119:2

Múk amohhoó' a kudá' axweesantá Mungú ngi iialooeemisá', kudá' ngu leelehhiitá' ar muner'ín sleémeero.

WARA'AMI 119:4

Mungú, kuúng tina hara'ayarók i hanís, as kawa oohaan ar inkihhimu.

YEREMIA 17:24

AAKOÓ MUNGÚ i kaahi, «Ala barnaxes aníng iga iiárií qasé', nee huwa ngi dahmisa'aaká baraá gixsa baalaarír Sabaátoro, ala deelór Sabaáto kari hhohhoesé', nee gadiyeedu kiri meeré' baalaadae,

ESEKIELI 34:26

«Aníng ngiri hootiís bihhaá tloomar'eé' tidá' hhoohhoó' wa ale, nee nguri tsuúq. Tluwaay nguri huúw ar qom'aá hariimá', nee tluwaaywí a tluwoó tsuuqaá koóm.

TLAHHOÓ LAÁWI 26:3

«Barnaxes daber'eé' aga eehadé' nee kaahir'eé' kay oté',

TLAHHOÓ LAÁWI 26:4

aníng nun tluwáy haniís ar qoomoó hariím, yaamu nay bu'úngw yaariír i laqwaaliyá', xaa'aá baraá qamuuhúng na/ii ngiri laqwaaliyá' sleeme.

DABE 10:12

«Hám daxta kuungá' múk Israeli, AAKOÓ MUNGÚ, Munguúhúng gár i slai a milá dirhunge? Aqo har AAKOÓ MUNGÚ Munguúhúng un ilaiwawa/á', nee lohduuwós sleémeero kudá' i slai kiwa eehada', nee kuwa sla'a', nee AAKOÓ MUNGÚ, Munguúhúng kuwa sagadiyusa' ar munerhúng sleémeero, nee qeereemohúng sleémeero,

DABE 11:1

«Gawaá adoorihe AAKOÓ MUNGÚ, Munguúhúng sla'aak, nee alqaduuwós oohaak umuú deelooro, nee hara'ayarose harmagahhaak, nee kaahirose nee dabeerose.

DABE 11:22

«Kuungá' ti harmagahhe', hara'ayar'eé' sleémeero ar naa kuungií hara'ayiím kawa ota' ar ilakaahara. AAKOÓ MUNGÚ, Munguúhúng sla'aak, nee adoodá' inós i kaahi sleémeero kawa ota', nee tawa alhota' nee inós.

DABE 11:8

«Hara'ayduuká' sleémeero laarí nuy hara'ayiim iialooeesaak, as daqaní /uuru kuwa sleera' oo tawa data' baraá yaamuudá' ta keera' as kiwa ala'.

DABE 28:1

«Kuúng barnaxes afór AAKOÓ MUNGÚ, Munguúwók aga iialooés, nee aga ilakaaharés, hara'ayaarí laarí ni kuúngií hara'ayiyiim bara harmagáhh, inós kuúng u iiatleerees baraá xoordaá daanduú yaamuwo.

DABE 4:29

Baraá yaamuudaá kilae kuungá' AAKOÓ MUNGÚ, Munguúhúng kuri leelehhitá', nee kuungá' un sleerá' bura leelehhité' ar munerhúng sleémeero nee ar qeeremoohúng sleémeero.

DABE 6:17

Tí na ló'wa harmagahhaak, dabér AAKOÓ MUNGÚ, Munguúhúng na ló'wa oohaak, nee lamabu'uungose, nee kaahirós tidá' naa hara'ayín.

DABE 7:12

«Kuungá' kaahirí bara oté' ar ilakaahara, nee adoodá' kari tlehhé', AAKOÓ MUNGÚ, Munguúhúng alqadoorós ga oh daanduhunge, nee sla'aarirós ar warqawaaká ngin laqán, adoodá' aáng ngira lo'ór wa /aáy dír baabi'iihúng.