DABE 10:5 - Biblía Axweesantá Hhohho' ar Mungú 2004

⁵ Niri alií warqáw niri aweér gawaá tloomaro, nee adoodá' AAKOÓ MUNGÚ ngira oó', tlaa/eedá' parereehhayen ngiri qaás baraá guruú sandakmoodá' naa tleéhh, adoodá' AAKOÓ MUNGÚ ngira hara'ayín.»

DABE 10:5 Iomraidhean Croise

TI'INAANGW 25:16

Daqaní parhheemoodá' tsár awa tlaa/e awa hara'ayar'eé' koomá' ni kuúng i haniis ki qás baraá sandakmoodá'.

TI'INAANGW 25:21

Kitangwduú gurtleemu qaaseek gawaá daanduú sandakmo, daqaní tlaa/eedá' tsár awa parereehhayen, kudá' ni haniis awa hara'ayar'eé' koomá', ki baraadií qás.

TI'INAANGW 32:15

Naagáy Mose iri harawarqáy iri gawaá tloomár wa aweér, tlaa/e parereehhayen tsaraawo, kudá' hara'ayár koomá', gi kón dabaawose kaa gooín bihhe tsaraawo.

TI'INAANGW 34:28

Mose iri gawaadá' wa iwiwiít dinkwa nee AAKOÓ MUNGÚ deelo mibeeri tsiyáhh tlaatla/aangw nee xweeraawo. Mose muruú /ayma gu /a/ayiiká nee ma'aay gi wahahanká, nee inós /aymi'iidá' alqado giri gooín gawaá parhheemoodá' tsár awa tlaa/e. Gár taa gooín an hara'ayadaá mibaangw awa Mungú.

TI'INAANGW 34:29

Nee qoomár Mose niwa gawaá tloomár Sinaír wa aweér, gawaá dakose i parhheemoodá' tsár awa tlaa/aá kón, kudá' hara'ayár Mungú koomá'. Qoomár Mose niwa awdiiti gaa xuiiká adór kaahartá gitsee/awós ir qwiirí/, asma adoodá' inós nee Mungú tawa axweemamiís.

TI'INAANGW 40:20

Tlaa/eedá' parereehhayen awa tsár awa hara'ayár koomá' giri qaás baraá sandakmo, xaaidá' sandakmo kur loohisi giri qaás baraá dungáydá', kitangwduú gurtleemu guri gawaá daanduú sandakmoó i qaás.

DABE 10:2

Aníng /aymi'iidá' gawaá tlaa/eedá' parereehhayen awa geerá, kudá' kuúng taa giqeér i gooiím, daqaní tlaa/eedá' parereehhayen ki báts baraá sandakmo.›

DABE 9:15

«Naagáy niri alií warqáw, niri gawaá tloomár wa aweér, gawaá dabaaeene parhheemoodá' tsár awa tlaa/e u koóm, kudá' taa alqadoórí gooín. Slám asla i gawaá tloomár wa ót.

YOSHUA 4:9

Yoshua tlaa/aá mibaá nee tsár giri qaás baraá tla/ángw yaaér Yordani, didá' kaahamuuseedá' sandakmoó alqadór loohiis iwa sihhmit. Tlaa/eedá' i dayá' tam ay laarí.