DABE 10:4 - Biblía Axweesantá Hhohho' ar Mungú 2004

⁴ AAKOÓ MUNGÚ axweesanoó adór kuduú geera guri gawaá tlaa/eedá' parereehhayenií gooín, hara'aydudá' mibaangw, kudá' aa káh bál iwa gawaá tloomár wa axweés, baraá tla/ángw asla. Aluuwo AAKOÓ MUNGÚ tlaa/eedá' parereehhayen ngiri haniís.

DABE 10:4 Iomraidhean Croise

TI'INAANGW 31:18

Qoomár Mungú axweesantá dír Mose ngiwa hhe'eés gawaá tloomár Sinairo, Mose guri tlaa/eedá' tsáp awa parereehhayénií haniís, kudá' Mungú aa hara'ayaarós i gooín ar dakós oo kilá'.

TI'INAANGW 34:1

AAKOÓ MUNGÚ Mose guri báy, «Tlaa/aá parereehhayen awa tsár tleehheek awa slaqás nee kudaá geera, daqaní aníng axweesantadá' baraá tlaa/eedá' parerhhayenií dirii', kudá' kuúng taa giqeér, a baraá kwisíng i gooiím.

TI'INAANGW 34:28

Mose iri gawaadá' wa iwiwiít dinkwa nee AAKOÓ MUNGÚ deelo mibeeri tsiyáhh tlaatla/aangw nee xweeraawo. Mose muruú /ayma gu /a/ayiiká nee ma'aay gi wahahanká, nee inós /aymi'iidá' alqado giri gooín gawaá parhheemoodá' tsár awa tlaa/e. Gár taa gooín an hara'ayadaá mibaangw awa Mungú.

DABE 18:16

«Gaarí an gadaádá' kuungá' taa baraá Horebúr wa firiindé' dír AAKOÓ MUNGÚ, Munguúhúng, baalaadá' tawa burumburité' tari oé', ‹Afór AAKOÓ MUNGÚ Munguúrén, mawa male axaasaán, laqaá tam asltá ur ar adór tiqá' mawa male araán as kahhó' mawa qatlaán.›

DABE 9:10

Naagáy aluuwo AAKOÓ MUNGÚ parhheemaá tsár awa tlaa/e ngiri haniís, awa aa diitsarós ar gooín. Gár taa gawaadá' i gooín a axweesani sleémeero ar AAKOÓ MUNGÚ aa baraá asltá wa káh dír mukdá' aa burumburiit dír gamuú tlooma.