DABE 10:21 - Biblía Axweesantá Hhohho' ar Mungú 2004

²¹ Inós an xirfuuhúng, an Munguúhúng kudá' naa muruuwí urén i tleehh, nee oo waa/oo/amo kudá' taa aandé' ilahunge.

DABE 10:21 Iomraidhean Croise

2 SAMUELI 7:23

Slám baraá yaamuwo muu a gaalá oo ta slaqasi nee mukók oo Israeli? Kudá' Munguúín aa ba/amisár áy as tawa mukós. Muruú urén oo waa/oo/amo guri tleéhh baraá yaamuuwose dír geeraá mukose, umuuwós iri xu'utiít. Giri ba/amisár áy baraá Misri as inós, xoordu giri geeraaín wa guús nee mungui'ine.

WARA'AMI 109:1

Aníng a kuúng xirfayeemiís, Mungú, ma xasliitaar!

WARA'AMI 145:6

Muu tlehhmi'iiwók kudá' dae tlaaqá' kiri kah, nee án kángw uraywók u alki/iít.

WARA'AMI 148:14

/Uuruú mukós ngwa bariilooeés, xirif gwa mukós oo hhohhó' i haniís, mukós Israeli, múk tseéw dirós i alé. AAKOÓ MUNGÚ xirfayeemisaak!

WARA'AMI 22:3

Ala kuúng aqo kudá' hhoohhoó', kuúng a waawutmoó ta xirfayeemisi nee múk Israeli.

TI'INAANGW 15:2

AAKOÓ MUNGÚ an /uuruueé' nee an daa'angw'eé'. Inós ina ba/amar'eé' tleehhiít. Inós an Munguúeé', aníng un diidi'iís. Inós an Munguú baabuúeé', aníng un xirfayeés.

TI'INAANGW 34:10

AAKOÓ MUNGÚ iri oó', «Ga/aaweek, aníng hamí alqado a tleéhh. Muruú waa/oo/amo oo aa baloó tleehharutiiká baraá xoorduwo, laqaá tam baraá yaamu sleémeero u tleéhh dír ilaá muk'eé' sleémeero wa ale. Nee muu sleémeero, kudá' nee kuúng alhootá', gadiyér AAKOÓ MUNGÚ gari ar, asma gár waa/oo/amo ngi kuúngií tleéhh.

ISAYA 60:19

Tsee/amá tlaatla/aango u baloó yaahaská tam gwa/aateemaá slahhaangw sleeme qoomár xweeraawo. Ala AAKOÓ MUNGÚ an gwa/aateemaawók awa alhhe'eesay wasl. Anuú AAKOÓ Munguúwók an xirfuuwók.

ISAYA 64:3

Qoomaadá' kuúng muruú waa/oo/amo kudá' taa harahhifaniiká kuwa tléhh, niwa yaamií awét tlom'i niri daaraxatiyé' kuúng uwa ariyé'.

YEREMIA 17:14

AAKOÓ MUNGÚ án hungu/uusáng, daqaní aníng a hunguú/. Ba/amisáng, daqaní aníng a ba/ám, asma kuúng an xirfuueé'.

Luka 2:32

tawa gwa/aateemaá gwa/aatá' dír xoorduuwo, nee tawa xirif dír mukók oo Israeli.»

YOSHUA 24:18

Nee slám AAKOÓ MUNGÚ xoorduudá' sleémeero gina geeraarén wa tlatlahhaás, ín xoorór Amori, kudá' baraá yaamuuká' ngaa hootiye'. Gawaá adoorihe atén sleeme AAKOÓ MUNGÚ un sagadiyusaán, asma inós an Munguúrén.»

Geehhoeemaá 21:23

Tsee/amá nee slahhaangw gixsarí gár ngis i gwa/aatiya' i káhh, asma xirfuú Mungú i baraadá' wa gwa/aat, nee tsaa'astós an Deelmoó bee/i.

1 SAMUELI 12:24

AAKOÓ MUNGÚ kilós na ilaiwa/aak kuwa sagadiyusa' ar inkihhimu, nee ar munerhúng sleémeero, inslawimé', adór nura muruú urén i tleéhh.