DABE 10:20 - Biblía Axweesantá Hhohho' ar Mungú 2004

²⁰ AAKOÓ MUNGÚ, Munguúhúng ilaiwaa/aak, inós sagadiyusaak, ti alkoomakonde' nee inós, nee lo'o ka /agá' ar umuuwós.

DABE 10:20 Iomraidhean Croise

2 WAAWITÁ 18:6

Inós AAKOÓ MUNGÚ guna eehár ar inkihhimu, sleeme gwa geexayká, inós hara'ayaadá' AAKOÓ MUNGÚ aa haniís dír Mose gana óh.

WARA'AMI 63:11

Ala waawutmo Mungú gun sa qwalalaa/, kudá' sleémeero al'axweesani nga qaasiye, ar umuuwós ta qwalalaa/, ala afér lamuuse kan xasltis.

TI'INAANGW 20:7

«Umuú AAKOÓ MUNGÚ, Munguúwók, mu tawo axweesaar, asma AAKOÓ MUNGÚ heé umuuwós gu tawo axweés gu gan'amií harafaariiká.

DAHARUSMO 12:13

Alhhe'eesoó /aymi'i sleémeero awa taa axasi, gár ni oo' a tí, Mungú ilaiwaa/eek, nee hara'ayaarós na ooheek, asma an gár afhhamít dír heewo.

ISAYA 45:23

Aníng lo'o aga /aáy kilooeé', asma baraá afkueene /ayma'aá ti'imiitá a axweesanoó ganaá'. Axweesante'eé' i tawo ki/ká. Umuú heewo ni dir'eenií tumbarara'aat. Umuú heewo lo'o gan /aay kuwa inkihhím dir'eene.

YEREMIA 4:2

Barnaxes lo'o aga /ák ar looeema nee ar sakwasleemár ganaa' nee ar hotaá ganaa'á', tari ó', ‹Ar adór AAKOÓ MUNGÚ ir hotaatina,› daqaní xoordu tsuuqa ngiri dir'eé' wa slayá', tari xirfayeemisiyá' as aníng.»

Matayo 4:10

Yesu iri oó', «Neétlaangw, quútl. Asma kaa gooín, ‹Aakoó Munguúwók na sluufmiseek, nee inós kilós ku sagadiyús.› »

Luka 4:8

Yesu iri oó', «Kaa gooín, ‹Aakoó Munguúwók na sluufmiseek nee ku sagadiyús inós kilós.› »

Tlehhema'aá ya/Abuuse 11:23

Qoomár inós iwa hardáh, tsuuqaá Mungú ngiwa ár, ina qwalaá/, giri báy, «Aako ooha hhe'eesaak baraá munerhunge.»

Rumi 12:9

Sla'aarirhúng masók i hhaahhafíngw koondaaká. Tidá' tlaakw aahhaak, nee tidá' hhoo' eeharaak.

DABE 11:22

«Kuungá' ti harmagahhe', hara'ayar'eé' sleémeero ar naa kuungií hara'ayiím kawa ota' ar ilakaahara. AAKOÓ MUNGÚ, Munguúhúng sla'aak, nee adoodá' inós i kaahi sleémeero kawa ota', nee tawa alhota' nee inós.

DABE 13:4

AAKOÓ MUNGÚ, Munguúhúng un eehadá', nee inós kilós un ilaiwawa/á' nee hara'ayaarós an otá', nee afoorós an iialooesá'. Inós un sagadiyusá', nee an dirósí naga'atá'.

DABE 30:20

AAKOÓ MUNGÚ, Munguúhúng sla'aak, nee afoorós iialooeesaak, nee inós i naga'ataak. Asma adoorí bara tlehhé' an slafingwhúng nee an hotaahúng awa tleerá' baraá yaamuudá' AAKOÓ MUNGÚ aa lo'ór wa /aáy ngiwa haniisi dír baabi'iihúng Abrahamu, nee Isaka nee Yakobo.»

DABE 4:4

Ala kuungá' inkihhimu una tlehhé' dír AAKOÓ MUNGÚ, Munguúhunge, an gár tas slafa' ay laarí.

DABE 5:11

«Umuú AAKOÓ MUNGÚ, Munguúwók mu tawo axweesaar, asma AAKOÓ MUNGÚ, heé umuuwós gu tawo axweés, gu gana'amií harafaariiká.

DABE 5:29

Hám geera a tsiní barnaxes i meetiyá' gawaá inslawaydá' aníng iwa ilaiwawa/iya', nee hara'ayar'eé' ngiwa oohiya' umuu daqto. Geera muruuín sleémeero oo ta tlehhiiti iri ganaa' umuú daqto dir'ine nee dír na/ii'ine ay alhhe'eesay wasle.

DABE 6:13

AAKOÓ MUNGÚ, Munguúhúng ilaiwawa/aak, inós kilós sagadiyusaak, nee lo'o /ayaak ar baraá umuuwós kilós.

YOSHUA 23:7

Kuungá' nee xoorduuká' naa meetiye' ma aldinku'uumisaara', tam muruudá' taa tleéhh hariimár Mungú ló' wa ale, mu sluufmisuú awaara', nee umer'ín ma ateetimaara', laqaá lo'o ma /ayaara' ar umer'ín, laqaá mi sagadiyuusara', nee sleeme mi i tumbarara'amitara'.

YOSHUA 23:8

Ala kuungá' AAKOÓ MUNGÚ, Munguúhúng, na alnag'ataak ar adoosír kilá' hamí ta tlehhita'.

1 SAMUELI 7:3

Samueli múk Israeli sleémeero guri báy, «Barnaxes aga ki/é' ar munerhúng sleémeero amór AAKOÓ MUNGÚ, gimsé' munguaá dahaaye hingeesaak, nee slaqsi'iidá' ta babay Ashtaroti, dirhunge kwahhaak. Munerhúng amohhe'eesaak dír AAKOÓ MUNGÚ. Inós kilós ku sagadiyusá', daqaní inós kuungá' nu ba/amis baraá dabaá xoorór Filistiro.»