DABE 10:18 - Biblía Axweesantá Hhohho' ar Mungú 2004

¹⁸ Inós gan'amu guna tlehhiít dír na/aá panaay nee kwaeeli, inós sleeme heé dahaaymo gun slaa', nee guri muruú /ayma nee tsitáy hanmiis.

DABE 10:18 Iomraidhean Croise

2 QOM'I 19:7

AAKOÓ MUNGÚ na ilaiwawa/aak, ti ló' wa harmagahhe', asma AAKOÓ MUNGÚ, Munguúrén, qitla gu aleeslayká dír kudá' gan'amuú tlehhita'aakahe, laqaá kudá' barqaantír tlehhiitá', laqaá dír kudá' slukmár /ayá'.»

WARA'AMI 10:18

Kuúng panaay nee kudá' ta baramaanuusi in aleekal/aán as hariímar'ín kawa slay. Heé taa tléhh ar hhape miwa kumiít /aytaaro.

WARA'AMI 103:6

AAKOÓ MUNGÚ kwasleema gan tleehh ar loohír ganaa'. Mukdaádá' ta baramaanuusi gun hariimar'ínií ki/is malé ale.

WARA'AMI 145:9

AAKOÓ MUNGÚ ku hhoó' dír muu sleémeero. Nee gurtleemuwós i gawaá umuúqo gár aa tleehhi.

WARA'AMI 146:9

AAKOÓ MUNGÚ dahaaye ga amohhe'eemiis, panaay nee kwaeeli gin /uurií qamín. Ala múk gana'aaká gun qwaarees.

WARA'AMI 68:5

Mungú baraá do'ós kudá' hhoohhooe an baabuú panaay nee har'ohusmoó kwaeeli.

WARA'AMI 68:6

Mungú kudá' dewawa'á' gin dír hotáy sláy, awa taa tsegiít gin gweer tawa iwiiwiti ar amohhooa. Ala awa naa dee/aanutiye' tan iwiwiit baraá yaamaá kaahaár wa ale.

TI'INAANGW 22:20

«Heé ilahhooár muruú ta tsu/i ga hanmiís dír munguaá hatlá' ala a dír AAKOÓ MUNGÚ kiloseeká aqo gaasa.

TI'INAANGW 22:21

«Dahaaymo mu baramaanusaar laqaá mu slahh'eemisaar asma kuungá' aáng sleeme dah'iima ana /agé' baraá yaamaá Misriro.

TI'INAANGW 22:22

Kwaalo'o ma slahh'eemisaar, laqaá na/oó panmo.

TI'INAANGW 22:23

Barnaxes mukwí ugwa slahh'eemís, inooín niri amor'eé' /aa/iyé', looeemaawo án /aa/eeín i axaás.

ISAYA 1:17

Tlehhma'aá hho' tlehhtuuwo na intsatsaahhaak, sakwasleemár ganaa' tlehhitaak. Awa ta baramaanuusi alee/imisaak, panaay aleeslaqwaak. Kwaalo'o aleekala/aak.»

YEREMIA 49:11

Na/iihúng awa panaay mawaak aníng ngi /aymiís, kwaeelihúng aníng i harahhifiye'.»

HOSEA 14:3

Múk Ashuru atén ti ba/amisiiká. Atén sleeme farsuú slaqwara u malé harahhifanaaká, nee gadiyér dabaarén a male bawanaaká, ‹Kuungá' a munguúrén.› Asma diroge panaay gurtleemu gu sláy.»

TLAHHOÓ LAÁWI 25:35

«Barnaxes hhiyaawók a narkutmoó ti aleeslawaaká amohhe'eemisuuwo, a gár hariim kuwa amohhe'es as iwa kumiiti slafiingo, amohhe'eemiseek tawa adór dahaaymo nee aausmo diroge.

FAARO 10:32

Slamí atén birta alkoomaán nee kuúng tidá' hhoo' AAKOÓ MUNGÚ ni atén i tleehhi an tidá' atén ni dirók i tleehhaan.»

Matayo 5:45

as kahhó' kuungá' tawa na/aá Baabuúhúng kuduú gawaá doori tleehhita'. Asma inós tsee/amá gun gwa/atimis dír múk tlákw nee oo hhoe, slám tluwaay gun hanmiis dír múk gan'amuú koóm nee oo ngu kooma'aakahe.

Tlehhema'aá ya/Abuuse 14:17

Ala muu gwa tawó mayká, ala adór muu inós ngur tsaahhi i deer. Inós hhooeemaawós gaa dirhúngí laqán ar tluwaydá' ni gawaá doorí wa hanmamisi, nee bu'uungw nguwa hanmamisi ar qoomaarós. Slám gur'erhúng ga aaxamiis muruú /aymaro, nee munerhúng ga qwal/atimis.»

DABE 27:19

«Umuúqo heé hariímár hoomoó ayaahúng hoót, laqaá ar na/oó panmo, laqaá ar /ameenír kwaalo'o gaa paslis, kwaa lu'ús.» «Nee muu sleémeero ta ooi, ‹Amin.»