DABE 10:17 - Biblía Axweesantá Hhohho' ar Mungú 2004

¹⁷ Asma AAKOÓ MUNGÚ, Munguúhúng inós an Munguú munguaá hatlá' gi baál, nee inós an Aakoó bariise. Inós an Munguú úr nee oo /uuruú koóm nee oo dae tlaáq, inós i barqaantír konká laqaá i slukumár /ayiiká.

DABE 10:17 Iomraidhean Croise

2 QOM'I 19:7

AAKOÓ MUNGÚ na ilaiwawa/aak, ti ló' wa harmagahhe', asma AAKOÓ MUNGÚ, Munguúrén, qitla gu aleeslayká dír kudá' gan'amuú tlehhita'aakahe, laqaá kudá' barqaantír tlehhiitá', laqaá dír kudá' slukmár /ayá'.»

NEHEMIA 1:5

Niri oó', «Un firiím kuúng AAKOÓ MUNGÚ, Munguú doori, Munguúdá' Úr, kudá' ta da'ayumiiti, kudá' alqadoorós ga gawdemiís nee sla'aarirós ar warqawaaká dír kudá' inós ngu sla'a'a, nee awa hara'ayaarós nga oohi'i.

NEHEMIA 4:14

Ngiwa ár adór muu ir daimiít, múk urén nee geeraharuuse nee muu sleémeero una báw, «Ma da'ayuumitaara' tam adór niiná, Aako na iinslawaak, adór kur úr, nee ir dae tlaáq, ala hhaeehúng na sageslaqwaak nee daaqayhunge nee dasuuhunge nee tlaawayhunge nee marayhunge.»

NEHEMIA 9:32

«Gawaá adoorihe, aá Munguúrén, Munguú úr oo /uuruú koóm nee oo dae tlaáq, kuúng alqadorók an ohiín nee sla'aarirók i warqeeraaká, slahh'amaayedá' atén taa sleer nee waawitaárén, nee múk urén nee kaahamuuseero nee aaruseerene, baabi'iirén nee mukók sleémeero iimír qoomár waawituú Ashuru ay laarí, kuúng ma gár niiná wa araar.

YOBU 34:19

Inós geeraharuuse ga ilaamurutiiká as adoodá' kawa urén, sleeme daqaare ga hhasliitiiká ta narkuuteero. Asma mukwí sleémeero a gadiyér dabaawós.

WARA'AMI 99:3

Inooín umuuwós kudá' úr oo dae tlaáq, nee kudá' hhoohhoó' ku sluufmiisi.

TI'INAANGW 23:8

Kuúng slukuma ma /ayaar, asma slukuma heé muruú tsatsahhaám gun iimi giwís, nee kwasleemár ganaa' ar hee gan hhitiín.

ISAYA 37:16

«Aá AAKOÓ MUNGÚ Aleesleemusmo, Munguú Israeli kudá' aleesleemuú koóm daanduú keruúbiro, kuúng kilók an Mungú daanduú waawuti'iima sleémeero ar barakaá yaamu, kuúng an tleehharusmoó doori nee yaamu.

ISAYA 9:6

Asma na/aay kwaa xwaylúy as atén, na/oó garma kunguna haniís. Inós aleesleemuú waawuti'iima gu kón. Umuuwós kuri bay, Hara'ayusmoó waa/oo/amo, Munguú /uuruú koóm, Baabuú alhhe'eesay wásl, Waawutmoó Wayda.

YEREMIA 20:11

Ala kuúng AAKOÓ MUNGÚ a dinkwa nee aníng. Dir'eene kuúng a adór migusmoó dae tlaáq. Gawaá adoorihe kuká' aníng i baramaanuusá' i dukuutsiyá', baaliro i aleeslay'aaká. Ki ló'wa mureekees, asma i baalina'aaká. Murér alhhe'eesay wasle ngin slayá', ar taqo baloó gunqareesiiká.

YEREMIA 32:18

Kuúng gár ta harslaaqat i káhh, nee múk kumér yaariir ugwa sla'aarirók ar warqawaakií laqaán, ala sleeme kuúng muu un múx as tlakweemaá xwayliitér'ín. Kuúng an Munguú úr oo /uuruú koóm, nee umuuwók an AAKOÓ MUNGÚ Aleesleemusmo.

DANIELI 11:36

«Waawutmoó /iya adoodá' i slai gan tleehh. Inós ti kilós xirfayees nee tiri gáwtí tleés iri ooi inós ku úr dír mungui sleémeero. Munguú mungui guri /oosliislín. Iri kumiit ay dír har afiqoomár buhhtaawós i fakiya'. Asma qoomaadá' taa qaás iwa bo/ i hariín.

DANIELI 2:45

Tlaa/a ana aán ar naa kilós tsatit gawaá tloomár wa alé, ar hee aa kwatitiiká. Muqslír aáng gana suwaawá', nee muqslír sirdaa/aate nee tleeiro nee muqslidár peesaaro nee sahaábuwo. Gawaá adoorihe Munguúdá' úr kaangwí ngwa dirógí xu'utís, waawutámo, a kángw tlehharuút aluúwaá ale. Tlataaká' awa ló', nee gár i kaahiya' ar ló' sleeme.»

DANIELI 2:47

Waawutmo Danieli guri báy, «Ar ló', Munguúhúng ku úr ta munguaá hatlae, nee a baalusmoó waawitá, kángw baraá naaqo gu aleesláy geehhooeesaro, asma kuúng kángw naaqoorí ugwa aleesleér geehhooeesaro.»

Marko 12:14

Tawa dirós i hardáh, kuri báy, «Intsaahhatusámo, a xuaán adór kuúng tar heé ló', tam kángw uroó hee u yaahamiská, tam hhohhoartós, ala loohír Mungú adoodá' ir gana' tinar intsaahhatimís. Xáy, i ganá'a waawutmoó múk Roma kuwa koódírií hanisaan, laqaá i gan'aká?

Tlehhema'aá ya/Abuuse 10:34

Aluuwo Petro axweesani gari iimu/ún, inooín giri báy, «Daxta aníng aga tsaáhh adór Mungú ir barqaantír konká.

Rumi 2:11

Asma Mungú i barqaantusiiká.

Galatia 2:6

Ala mukdá' tawa kaahi a geeraharuuse, inooín gár hatlá' taa doók i káhh gawaá tidá' aníng naa intsaahhatimisi. Ala inooín tam i uroó kon'a a gaarooká dir'eene, asma Mungú i uroó heé fadiitiiká.

Efeso 6:9

Kuungá' daqaáre, gár tunduwa hariím sleeme, aqo tí an tlehhá' dír lawaalerhunge. Lawaalerhúng ma dae tlaaqara'. Nee xuaak adór kuungá' nee inooín Aakoohúng tar wak. Inós i gawaá doorií dirii'. Dirose barqaanti i káhh.

DABE 1:17

Sakwasleema ma barqaantír ar tlehhiitara', muu iiárií qamimaak ar barqaanti wasle, hee tam gaalá. Nee hee munduwa dae tsaát, asma kuungá' kwasleema an tlehhitá' kitángw Mungú wa ale. Ala barnaxes kwasleemár gawit aga sleeré', dir'eénií huwaare' as ngiwa iiárií qaas.›

DABE 16:19

Gár heé wa hariim ma qwaareesara', nee muu mu barqaantusara', tam slukuma ma /ayaara', asma slukuma heé gár ganaa' ga tsatsahhaám gun iimigiwísh, nee hariimár heé ganaá' gan qwaarés.

DABE 24:17

«Kwasleemár hoomoó ayaahúng hoót ma paslisara', nee ar na/aá panaay. Kuúng tlawuú kwaalo'o mu arhaánír wa oohaar.

DABE 27:25

«Umuúqo heé ta bui as heé dakuúsár koomaaká nguwa gaasi, kwaa lu'ús.» «Nee muu sleémeero ta ooi, Amin.»

DABE 7:21

Gimsé', mi da'ayumiitaara', asma AAKOÓ MUNGÚ, Munguúhúng i baraá tla/angwhúng i dirii'. Inós an Munguú úr nee kudá' dae tlaaq.

Kolosai 3:25

Ala umuúqo heewo oo tidá' ganaa' gaa tleehhiiká, inós slaasláwarós ar hariim gan sláy, slám ar barqaanti wasl.

1 Timoteo 6:15

Asma qooma bira bó/, inós kungu geehhooees nee Mungú. Mungú a baalusmo, kudá' ta xirfayeemisi, inós kilós an baalusmo, Waawutmoó waawitá nee Aakoó bariise.

YOSHUA 22:22

«Munguúduú Aleesleemusmo inós an AAKOÓ MUNGÚ kilós! Munguúduú Aleesleemusmo inós an AAKOÓ MUNGÚ kilós! Inós gár naa tleehhaán ga xuu', nee dirhunge sleeme ngi ooaán, barnaxes atén ana dee/aanutaán, laqaá AAKOÓ MUNGÚ haratlintaaoro una siaán, daqaní ti tsu/e', tam panmo miwa meét.

1 Petro 1:17

Kuungá' Mungú bur firiiriindá', un Baabár ateetiindá', inósuudá' umuúqo heewo gu sakwasleemuút ar qoomoó tlehhemi'iiwós ar barqaanti wasle. Gawaá adoorihe, kuungá' hooté' ar Mungú kuwa ilaiwawa/a' baraá qoomaarí tawa hota' baraakaá yaamuú wa ale adór dahaaye.

Geehhoeemaá 17:14

Inooínaká' ta slaaqw nee Deelmoó bee/i. Ala Deelmoó bee/i inooín gi ar baa/, asma inós a Aakoó bariise, nee slám inós a Waawutmoó waawitá. Nee mukós kudá' taa ateét nee oo taa tsawaár nee oo inkihhím, inooín baali ngi slayá' dinkwa nee inós.»

Geehhoeemaá 19:16

Nee inós baraá inqwaarirose nee gawaá kutl/umoowose kwaa umií gooín tawa kaahi, «Waawutmoó waawitá nee Aakoó bariise.»