DABE 10:12 - Biblía Axweesantá Hhohho' ar Mungú 2004

¹² «Hám daxta kuungá' múk Israeli, AAKOÓ MUNGÚ, Munguúhúng gár i slai a milá dirhunge? Aqo har AAKOÓ MUNGÚ Munguúhúng un ilaiwawa/á', nee lohduuwós sleémeero kudá' i slai kiwa eehada', nee kuwa sla'a', nee AAKOÓ MUNGÚ, Munguúhúng kuwa sagadiyusa' ar munerhúng sleémeero, nee qeereemohúng sleémeero,

DABE 10:12 Iomraidhean Croise

1 WAAWITÁ 3:3

Solomon AAKOÓ MUNGÚ guri slaá', hara'ayár baabuúwós Daudi gana eehár, ala aqo har ilahhooár muruú ta tsu/i nee ar mooyángw nee ar mooyángw koom gana haniís wa/aameedár gongoamaá wa ale.

2 WAAWITÁ 10:31

Ala Yehu hara'ayár AAKOÓ MUNGÚ, Munguú múk Israeli gaa iialooeesiiká ar muunaáwós sleémeero, kitaangose inós loohidár Yeroboamu kudá' múk Israeli gwa qwaarees baraá tlakweema gana eehár.

2 WAAWITÁ 18:3

Inós geeraá AAKOÓ MUNGUHE hhooa gana tleéhh adór Daudi baabuúwós wa ale.

2 WAAWITÁ 18:6

Inós AAKOÓ MUNGÚ guna eehár ar inkihhimu, sleeme gwa geexayká, inós hara'ayaadá' AAKOÓ MUNGÚ aa haniís dír Mose gana óh.

1 QOM'I 28:9

Daudi Solomon guri báy, «Kuúng garmaaeé' Solomon, Munguú baabuúwók xueek, inós sagadiyuuseek ar muunaáwók sleémeero nee ar tsáp. Asma AAKOÓ MUNGÚ inslawoó muu sleémeero gun tsee/aarín, nee umuúqo gár ta qoomeemesi gan tsatsahhán. Barnaxes kuúng inós ugwa leeléhh u sleér, ala bar ugwa sí', inós un geexáy ay alhhe'eesay wasle.

2 QOM'I 15:12

Inooín alqado ngiri qaasiyé' ar AAKOÓ MUNGÚ, Munguú baabi'ii'ín, nguwa leelehhiitiya' ar muner'ín sleémeero, nee ar qeereemooín sleémeero.

YOBU 36:11

Bar naa axaasiyé' nguri sagadiyusiyá', slafingw'ín sleémeerowo nin diihhe'eesiyá', nee tan hoot ar qwala/ kureeri sleémeero.

WARA'AMI 119:2

Múk amohhoó' a kudá' axweesantá Mungú ngi iialooeemisá', kudá' ngu leelehhiitá' ar muner'ín sleémeero.

WARA'AMI 128:1

Heé amohhoó' a kudá' AAKOÓ MUNGÚ gu haratlintatií', kudaádá' lohdaá AAKOÓ MUNGÚ gi eeharahár.

WARA'AMI 145:20

AAKOÓ MUNGÚ kudaádá' sleémeero ngu sla'á' gin amohhe'eemiis, ala tlakuuse sleémeero gan qwaarees.

WARA'AMI 18:1

AAKOÓ MUNGÚ, án kuúng u slaá'. Kuúng a /uuruueé'.

WARA'AMI 34:9

AAKOÓ MUNGÚ ilaiwawa/aak kuungaásingaá mukós oo hhohhó', asma kudá' inós ilaiwawa/á' gár kiwa /aár i káhh.

WARA'AMI 81:13

A gár hhoo' geera bar muk'eé' kangw'eé' ngwa iiárií qaás, nee múk Israeli bar loohir'eé' ngaa slaiyé'.

WARA'AMI 81:14

Geeraawo alók wakuuser'ín aga baál ar gaanslaay, nee geeraawo wakuuser'ín aga daásl ar dakw'eé'.

TI'INAANGW 23:25

Kuungá' aqo AAKOÓ MUNGÚ Munguúhúng un sluufmisá', nee aníng muruú /aymarhúng nee ma'aá wahangwhunge in tsuúq, slám aníng tiqti an hingeés baraá tla/angwhunge.

DAHARUSMO 12:13

Alhhe'eesoó /aymi'i sleémeero awa taa axasi, gár ni oo' a tí, Mungú ilaiwaa/eek, nee hara'ayaarós na ooheek, asma an gár afhhamít dír heewo.

ESEKIELI 11:20

as kuungá' daber'eé' kawa eehada', nee tidá' naa káh kawa ilaiwa/a', kuungá' tari muk'eé', aníng tari Munguúhúng.

MIKA 6:8

Aá heewí, AAKOÓ MUNGÚ gár kuúng wa hariim tlehhmuuwo ngaa laqán. AAKOÓ MUNGÚ gár i slai a tí: Gan'amu kuwa tlehh, hhooeema kiwa sla', nee tawa hot dinkwa nee Munguúwók ar tiwa niinaweemis dír geeraawose.

SEFANIA 3:9

«Asma qoomaadae tsifrír xoordu an warqeés, tari axweesantá hhooár axwees as sleémeero anuú AAKOÓ MUNGÚ iwa firiirina', nee iwa sagadiyuusiya' ar muunuú wák.

Matayo 22:37

Yesu iri oó', «Aakoó Munguúwók na slaeek ar muunaáwók sleémeero, nee ar qeeruuwók sleémeero, nee ar fuquraangók sleémeero.

Luka 10:27

Intsaahhatusmooduú hara'ayár Mose iri oó', «Ar taa gooín a tí, ‹Aakoó Munguúwók slaeek ar muunaáwók sleémeero, nee ar qeeruuwók sleémeero, nee ar /uuruuwók sleémeero, nee ar fuquraangók sleémeero›, nee ‹Inslaawmoowók slaeek adoodá' kuúng tir kilók sla'.› »

Luka 11:42

«Kuungá' múk Farisayo, a tsaxwaahúng. Asma ilahhooár manákw nee sugdáy nee da'awemo sleémeero awa naanú in duxuundá', ar wák baraá mibaango tawa ar Mungú, amorqaáqae gan'amu nee sla'aarír Mungú iga sié'. Gár tunduwa hariím a tír geera an tlehhá', dinkwa nee tír tsár sleeme.

Tlehhema'aá ya/Abuuse 9:31

Múk kríshaanáy amohhooa gari sláy baraá yaamaá Yudeawo nee Galilayaro, nee yaamaá Samaria. Tari gawdúy gawaá loohír Aakoowo, Aako kuri ilaiwawaá/, Qeeruú hhoohhoó' oo Mungú gina gurkwa/amís, nee faaror'ín iri doogigiín.

Rumi 1:9

Asma Mungú kwí án ni sagadiyuus ar muunaáeé', Ya/abtoorí hho' ar Garmaawós ngiwa alki/iít, inós a lamabu'usmooeé' adór kuungá' nur inslasláw baraá firooro umuúqo daqto, ga xuu' adór kuungá' án nur aleefiririím umuúqo daqto.

Rumi 8:28

Atén a xuaán adór dír mukdá' Munguú sla'a, mura' sleémeero tir alee/iimiisi, as mukdá' nguwa muruú hhó' i slaslay. Mukwí an kudá' Mungú aa ateét ar sla'aarirós ar kilá'.

DABE 10:11

Naagáy iri báy, ‹Tláw, muu geerahareek baraá aaiiwo, as tawa dahi baraá yaamuudá' naa lo'ór wa /aáy ngiwa dír baabi'ii'ín i haniis.›

DABE 10:13

nee hara'ayduuwós kiwa ota' nee dabér AAKOÓ MUNGÚ, Munguúhúng tidá' laarí nuwa hara'ayiim, as kuungá' diihhooa kawa sleera'.

DABE 11:1

«Gawaá adoorihe AAKOÓ MUNGÚ, Munguúhúng sla'aak, nee alqaduuwós oohaak umuú deelooro, nee hara'ayarose harmagahhaak, nee kaahirose nee dabeerose.

DABE 11:13

«Naagáy kuungá' hara'ayduueé' kuká' laarí ni hanmiis bira iialooesé', nee AAKOÓ MUNGÚ, Munguúhúng bura slaé', nee bura sagadiyusé' ar munerhúng sleémeero, nee qeereemoohúng sleémeero.

DABE 26:16

«Laarír kilá' AAKOÓ MUNGÚ, Munguúhúng nun hara'ayiyín, kaahirós nee dabeero kawa ota'. Gawaá adoorihe harmagahhaak ar ilakaahara ar munerhúng sleémeero nee qeeremoohúng sleémeero.

DABE 27:10

Gawaá adoorihe afór AAKOÓ MUNGÚ, Munguúhúng iialooeesaak, hara'ayaarós nee kaahirose oohaak, tí laarí naa kuungií hara'ayiím.»

DABE 30:16

Barnaxes hara'ayár AAKOÓ MUNGÚ, Munguúwók aga ilaiwá/, tidá' laarí ni kuúng babaw, kuúng AAKO MUNGÚ Munguúwók kuri slá', loohirós kari eehát, kaahirós kari ót, nee dabeerose, nee hara'ayarose, kuúng daqaní a hót tari doogiín. Nee AAKO MUNGÚ, Munguúwók, kuúng turi tsuuq baraá yaamuudá' tay hotaá eer as kiwa al.

DABE 30:20

AAKOÓ MUNGÚ, Munguúhúng sla'aak, nee afoorós iialooeesaak, nee inós i naga'ataak. Asma adoorí bara tlehhé' an slafingwhúng nee an hotaahúng awa tleerá' baraá yaamuudá' AAKOÓ MUNGÚ aa lo'ór wa /aáy ngiwa haniisi dír baabi'iihúng Abrahamu, nee Isaka nee Yakobo.»

DABE 4:29

Baraá yaamuudaá kilae kuungá' AAKOÓ MUNGÚ, Munguúhúng kuri leelehhitá', nee kuungá' un sleerá' bura leelehhité' ar munerhúng sleémeero nee ar qeeremoohúng sleémeero.

DABE 5:29

Hám geera a tsiní barnaxes i meetiyá' gawaá inslawaydá' aníng iwa ilaiwawa/iya', nee hara'ayar'eé' ngiwa oohiya' umuu daqto. Geera muruuín sleémeero oo ta tlehhiiti iri ganaa' umuú daqto dir'ine nee dír na/ii'ine ay alhhe'eesay wasle.

DABE 5:33

Kangwdá' sleémeero AAKOÓ MUNGÚ, Munguúhúng naa hara'ayín eeharaak, as tidá' sleémeero kuungá' ta tlehha' iwa qoon, nee deelór hotaahung kiwa sleera' baraá yaamuudá' ta sleera'a, tawa aalirhúng.»

DABE 6:13

AAKOÓ MUNGÚ, Munguúhúng ilaiwawa/aak, inós kilós sagadiyusaak, nee lo'o /ayaak ar baraá umuuwós kilós.

DABE 6:2

Qooma sleémeero ar kuungá' tawa slafa', a hariindá' AAKOÓ MUNGÚ, Munguúhúng kuwa ilaiwawa/a' nee dabeerós sleémeero kawa iialooesa', nee hara'ayaadá' aníng naa dirhúng i hara'ayiím. As kahhó' kuungá' nee na/iihúng nee na/aá na/iihúng hotaá tleerá' kiwa sleera'.

DABE 6:24

Naagáy AAKOÓ MUNGÚ atén tina hara'ayín, dabeerí sleémeero kawa iialoeesaan nee AAKOÓ MUNGÚ, Munguúrén kuwa ilaiwawa/aan as atén awa kilá' hotaá hho' kiwa slawaan, nee as kahhó' atén tiwa de'en umuú daqto adoodá' tira de'én tam ay laarí.

DABE 6:5

AAKOÓ MUNGÚ, Munguúwók slaeek ar muunaáwók sleémeero, nee ar qeeruuwók sleémeero nee ar /uuruuwók sleémeero.

1 Timoteo 1:5

Gár hara'ayaarí ngisa oó', masók sla'aari i doogigiín, tidá' baraá muunuú hhoohhoó' daahh, nee afór hho' ar baraá muuná, nee haratlintaaór waaqoodár koomaaká.

Ebrania 12:28

Waawuti'iimár atén ta slawaan a tidá' ta diingisiiká. Gawaá adoorihe atén gár tiwa hariím, a Mungú un sluufmiisaán ar adoodá' inós i slai, ar tiwa niinaweemisaan nee kuwa ilaiwawa/aan.

YOSHUA 22:5

Ala ló'wa ilakaahareesé' hara'ayár AAKOÓ MUNGÚ nee dabeerós kiwa ooha hhe'esa', tidá' Mose sagadiyusmoó AAKOÓ MUNGÚ nuwa hara'ayín iwa káh, ‹AAKOÓ MUNGÚ, Munguúhúng na sla'aak, tidá' i kaahi na tlehhiitaak, hara'ayaarós na oohaak, dirós i naga'ataak, nee sagadiyusaak ar mune sleémeero nee ar qeereemo sleémeero.› »

YOSHUA 24:14

«Gimsé', AAKOÓ MUNGÚ ilaiwawa/aak nee sagadiyusaak ar muunuú /awaák nee ar inkihhimu. Munguiidá' baabi'iihúng naa sagadiyusiyé' gayuú yaaér Eufrátér wa ale, nee baraá yaamaá Misriro, amoosíngí kwahhaak, daqaní AAKOÓ MUNGÚ ku sagadiyusá'.

1 Yohana 2:15

Yaamu mi sla'aara', tam muruú baraá yaamií dirií'. Hee bar yaamu gaa slaá', sla'aarír Baabá baraawose i káhh.

1 Yohana 5:5

Heé yaamu gir baá/ a heemá, aqo har kudá' aa haratlintí'iíke adór Yesu tar Garmoó Mungú.

1 SAMUELI 12:20

Samueli giri báy, «Ma da'ayumiitaara', a ló' tlaákwarí sleémeero aga tlehhé', ala ma warqawaara' AAKOÓ MUNGÚ kuri meerá' eeharto, i hariín AAKOÓ MUNGÚ kuwa sagadiyusa' ar munerhúng sleémeero.