DABE 1:38 - Biblía Axweesantá Hhohho' ar Mungú 2004

³⁸ Ala alee/isusmoowók Yoshua garmoó Nuni in dah baraá yaamuudá'. Gimáy, inós i axweeseek miwa mune sií', asma inós múk Israeli gun baraá yaamuudá' i hardahaas as ngiwa aaliya'.›

DABE 1:38 Iomraidhean Croise

TI'INAANGW 24:13

Mose nee alee/isusmoowós Yoshua tari tláy. Mose iri tsa/án gawaá tlooma amór Mungú.

TI'INAANGW 33:11

Adoorí an adór AAKOÓ MUNGÚ nee Mose tar axweemaamisi ar afe, adór hee nee heewós tar axweemaamisi. Aluuwo Mose iri kii/ baraá xafaay. Ala alee/isusmoowós Yoshua garmoó Nuni a masoomo, ina meét baraá heémadár Mungú.

AXWEESANOÓ SAGALOOA 22:29

Heé baraá gadiyeérose fuqurángw koóm ugwa aándi? Heé adoorí i dír geeraá waawitá i sihhiit, inós u dír tla/ángw múk amoowásl i eeraaká.

YEREMIA 40:10

Aníng a hoót baraá gixsár Mispa wa alé, an daanduhúng wa sihhiít dír geeraá múk Kaldayo kudá' amoorén káw, ala kuungá' difaái na burumburaak nee mamaá qoomár age, nee di/to, hooté' baraá gixsaduudaá aalirhunge.»

FAARO 13:16

Umeerí ar mukdá' Mose aa ya/aáw yaamaá Kana'ani ngiwa tsawtsawuusiya'. Mose Hoshea garmoó Nuni guna umií tsaát, guri báy Yoshua.

FAARO 13:8

Baraá tlahhoó Efraimuwo a Hoshea garmoó Nuni.

FAARO 14:30

oo dáh baraá yaamuudá' naa lo'ór wa /aáy ngiwa dirhúng haniis i kaahh, aqo har Kalebu garmoó Yefune nee Yoshua garmoó Nuni.›

FAARO 14:38

Ala Yoshua garmoó Nuni nee Kalebu garmoó Yefune, an múk aa slafíngwí meet baraá mukdá' yaamu gaa tsawtsawusár ayi.

FAARO 26:65

Asma qoomaadae AAKOÓ MUNGÚ ina oó', «Kuká' sleémeero i qatliyá' baraá xaanxáy ale.» Ar ló', tam heé wák i kaahh oo aa gwaaiiká, ala aqo har Kalebu garmoó Yefune, nee Yoshua garmoó Nuni.

FAARO 34:17

«Gaarí an umér múk yaamu gi qasmiís dír muu as kiwa aali: Kaahamusmo Eleasari nee Yoshua garmoó Nuni.

DABE 3:28

Ala kuúng Yoshua ku hara'arií ó', miwa mune sií' nee i /atli, asma inós mukwí gu geerahaar ay gayuqá', nee yaamuuqá' kuúng taa aán ngiwa aaliya'.›

DABE 31:14

Naagáy AAKOÓ MUNGÚ, Mose guri báy, «Deeloorók ar tawa kahhut naa tseewuúr. Yoshua ateteek, hardaharé' baraá heémár Mungú as nguwa kaangwí baw.» Mose nee Yoshua tari tláy ay dír heémár Mungú.

DABE 31:23

Naagáy AAKOÓ MUNGÚ Yoshua garmoó Nuni guri báy, «Gám piíhh, nee ilakaahareés, asma kuúng múk Israeli un geerahát, baraá yaamuudá' aníng naa lo'ór wa /aáy ngiwa haniis dír baabi'ii'ín. Aníng a dinkwa nee kuúng.»

YOSHUA 1:1

Sagadiyusmoó AAKOÓ MUNGÚ kudá' ta bay Mose iwa gwaá', AAKOÓ MUNGÚ Yoshua garmoó Nuni alee/iisusmoó Mose, guri báy,

YOSHUA 11:23

Yoshua yaamu sleémeero gina hayóh, ar adoodá' AAKOÓ MUNGÚ aa oó' dír Mose. Inós yaamu gay qasiís dír tlahh'aá Israeli, nee umuúqo tlahhaywo guna dirósí sláy. Múk Israeli iri hoót ar wayda.

1 SAMUELI 16:22

Saulo iri ya/abín amór Yese iri oó', «Na'ás Daudi haniisang, i dír dooeé' wa hooti, gadiyér'eé' ngi wa tleehhi. Asma aníng ugwa waatlakweés.»