DABE 1:29 - Biblía Axweesantá Hhohho' ar Mungú 2004

²⁹ «Ala aníng ngiri báw, ‹Kuungá' mada'ayumiitaara' laqaá ma amoqwaqwadimara' as mukdá'.›

DABE 1:29 Iomraidhean Croise

2 QOM'I 20:15

Yahasieli iri oó', «Iia qaasaak, kuungaá múk Yuda nee yaamuloouusér Yerusalemu dinkwa nee waawutmo Yehoshafati! AAKOÓ MUNGÚ i kaahi, ‹Ma da'ayuumitaara', laqaá ma amoqwaqwadimara' as slaqwaruuseerí yaariir. Slaqwararí a toohungeeká, slaqwaraarí ar Mungú.

NEHEMIA 4:14

Ngiwa ár adór muu ir daimiít, múk urén nee geeraharuuse nee muu sleémeero una báw, «Ma da'ayuumitaara' tam adór niiná, Aako na iinslawaak, adór kur úr, nee ir dae tlaáq, ala hhaeehúng na sageslaqwaak nee daaqayhunge nee dasuuhunge nee tlaawayhunge nee marayhunge.»

NEHEMIA 4:8

Nay dinkwár wa axweesiyé', tawa haratlay ay Yerusalemu, as tawa slaqwi nee tlaahhi ngiwa huwiya' baraá gixsarí ale.

FAARO 14:9

Axáy kuungá' AAKOÓ MUNGÚ mu siaara', laqaá yaamuloousér yaamuudá' ma da'ayumiitaara'. Asma atén inooín i naanúr /ayanaaká, baqamor'ín kaa qaroó hingeés, nee AAKOÓ MUNGÚ i dinkwa nee atén, ma da'ayumiitaara'.»

DABE 1:28

Ahaá waáy, gár tas baraá yaamuudá' kawaan? Asma gur'eerén ma'aay ngaa dalaa/iyé', as kangwdá' mukdá' naa atén báy, tawa kaahi, múk amoodá' ku ló'wa dirén, slám ku tlét ta atene, nee gixsaduuín ki ló'wa diren nee koo/i ka ló'wa tlerantleer ay gawaá doori. Slám ta kaahi, mukwí dirén a kuduú xwaylár Anaki una araán.

DABE 1:30

AAKOÓ MUNGÚ, Munguúhúng kudá' kuungá' nu geerahaar inós kuungá' nu aleeslaaqw adoodá' aáng aa dír geeraahúng wa tleéhh baraá yaamaá Misriro, nee

DABE 20:1

«Kuungá' barnaxes aga slaqwarár eeré' amór wakuuserhúng, naxés farsuuín nee gardaá slaqwarar'ín, nee slaqwaruuser'ine bira aandé' toohúng ka baa/ uraywo, kuungá' inooín mi da'ayutara'. Asma AAKOÓ MUNGÚ, Munguúhúng kudá' kuungá' naa baraá yaamaá Misrír wa duux i dinkwa nee kuungá'.

DABE 31:6

Kuungá' /atlé', nee munehhe'eesé'. Mada'ayumiitaara', laqaá munduwa dae tlaaqiyé'. Asma AAKOÓ MUNGÚ, Munguúhúng nee kuungá' tin alkoondá', inós i surukiiká dirhunge nee nu geexayká.»

DABE 7:18

Mi da'ayumiitaara', inslawaak adoodá' AAKOÓ MUNGÚ, Munguúhúng aa tleéhh dír Farao nee yaamu sleémeero awa xoorór Misri.