DABE 1:19 - Biblía Axweesantá Hhohho' ar Mungú 2004

¹⁹ «Naagáy adoodá' AAKOÓ MUNGÚ, Munguúrén ngira oó', aaiirén ina iimu/uumaán iimír tloomár Horebúr wa tleemu, tari waarahhaán ar baraá xaanxaydá' úr kudá' dae tlaaq, kuungá' u xuá', tari waarahhaán ar loohidár yaamaá tlom'i awa múk Amori. Tawa hardahaán didá' ta bay, Kadesh-barnea,

DABE 1:19 Iomraidhean Croise

YEREMIA 2:6

Inooín taa yaahasi'iiká, ‹AAKOÓ MUNGÚ kudá' atén taa baraá yaamaá Misrír wa duux i amá? Kudá' atén taa geeraharahaar baraá darmuuwo nee yaamaá xaanxaay nee boh'e, baraá yaamaá kaahaar nee awa ma/ami, yaamaá muu ira waaraahhiiká nee awa ta hootiiká.›

FAARO 10:12

nee múk Israeli loohaay guri iimu/ún amór xaanxoó Sinai wa ale. Huunkidá' iri sihhít baraá xaanxoó Parani.

FAARO 13:13

Baraá tlahhoó Asheriwo a Seturi garmoó Mikaeli.

FAARO 13:26

Tari kií/ amór Mose, nee Aroni nee amór dinkwaadár múk Israeli sleémeero, tidár Kadeshi baraá xaanxoó Parani, kangwdá' naa baraadá' wa ariyé' nguri ooiyé' dír muu sleémeero, nee mamuudaá xaai ngiri laqané'.

FAARO 14:14

yaamuloouusér yaamuuká' kan kaangwí báy. Inooín ngaa qaroó axaasiyé' adór kuúng AAKOÓ MUNGÚ tar dinkwa nee atén, asma kuúng AAKOÓ MUNGÚ tina laqaán ar uhumoó huunki iwa gawaá daanduú heémarí sihhiít, nee kuúng tina geeraahát tlatla/ango ar uhumoó huunki nee xweeraawo ar uhumoó asla.

FAARO 32:8

Adoosíng an adoodá' baabi'iihúng naa tleehhiyé' qoomár ngiwa ya/aáw baraá Kadesh-barneár wa ale as yaamuká' ngiwa tsawtsawuusiya'.

DABE 1:2

Diirí saweemaawo a har afiqoomár hi'iinór deelo mibaá nee wak, amór tloomár Horebu wa tleemu ay Kadesh-barnea, bara loohír tloomár Seirírárár ót.

DABE 1:20

aníng kuungá' nuri báw, ‹Hám daxta aga hardaté' baraá yaamaá tlom'i awa múk Amori, kudá' AAKOÓ MUNGÚ, Munguúrén naa atén i haniís.

DABE 1:7

Hám daxta xafaay fee/aak, aaiwo geeray kumiitaak. Tlawsé', baraá yaamaá tlom'aá koomá' awa xoorór Amori, nee yaamuudaá inslaawaay, kudaá baraá yaamaá Araba, baraá tlom'iidá' nee baraá xatsoodaá amór Negebu, nee yaamuudaá afaá tlawi, ta tleerá' ay yaamaá Kana'ani, nee yaamaá Lebanoni ay yaaeedá' ur ar Eufrate.

DABE 2:7

«Gimsé', inslawaak adór AAKOÓ MUNGÚ, Munguúhúng kuungá' nura tsuúq baraá umuú gaaro ar taa tlehhi'i. Kuungá' nuna de'én qoomár tawa baraá xaanxaywí úr wa tongaanusa'. Inós ina hoót dinkwa nee kuungá' har afiqoomár kureeriiká' mibeeraá tsiyahhe, nee kuungá' gár nuwa /aaruur i káhh.

DABE 32:10

Inooín gina baraá yaamaá xaanxáy áy, darmuú tawo oo fur'ár xaraasl ga koóm, giri baqamín, giri amohhe'eemiís, giri xún adór maamár iltós.

DABE 8:15

Inós an kudá' kuungá' naa geerahaar baraá xaanxoó úr oo dae tlaaqa. Xaanxaydá' dayshér qarkú koom ga koóm nee xireeri, baraá yaamuudá' ma'aá kooma'aakahe. Inós ma'aay ngina baraá tlaa/ár gawít wa duúx.

YOSHUA 10:41

Yoshua inooín giri baál iimír Kadesh-barnea wa ale, ay gixsár Gasa, nee yaamu sleémeero awa Gosheni, iri puruúts ay yaamaá Gibeoni.