DABE 1:17 - Biblía Axweesantá Hhohho' ar Mungú 2004

¹⁷ Sakwasleema ma barqaantír ar tlehhiitara', muu iiárií qamimaak ar barqaanti wasle, hee tam gaalá. Nee hee munduwa dae tsaát, asma kuungá' kwasleema an tlehhitá' kitángw Mungú wa ale. Ala barnaxes kwasleemár gawit aga sleeré', dir'eénií huwaare' as ngiwa iiárií qaas.›

DABE 1:17 Iomraidhean Croise

IIMU/UUNGW 18:25

Aasla'áy, adoosíng ma tleehhaar, heé hota ganaá' nee tlakusmo kiwa alqwaares. Heé hota ganaá' tawa adór heé tlakusmo, Aasla'áy, sakwasleemusmoó yaamu sleémeero gan'amu gu tleehhikáhe?»

2 SAMUELI 14:14

Atén tam ado gaalá aqo an qatlaán. Atén a adór ma'aá naa ku'utiyé', ki ki/mamisiiká. Tam Mungú a barqantusmoowooká dír heewo, kwí nee kuqae. Inós loohi gan leelehhiit, as kudá' taa sií' niri gowiyé', niwa ki/iya'.

2 QOM'I 19:5

Inós har'ohuuse gana qaás baraá umuúqo gixsadaá Yuda sleémeero kudá' koo/i gawden.

2 QOM'I 19:6

Giri báy, «Ti harmagahhe' baraá gadiyér ta tlehha'a, asma gadiyeérí a daanduú heekoó wa tlehhita'aaká, ala an daanduú AAKOÓ MUNGÚ wa tlehhá', nee inós a dinkwa nee kuungá' qoomár bar kwasleemadá tlaqá'.

YOBU 31:34

Asma boo/oó muu nguwa da'ayumiit, nee waaqaséngw mar'eefooeé' nguwa da'ayumiit, niri dir'eénií xasliít tari kilooeé' doó haratseék.

WARA'AMI 82:2

«Ay xaylá sakwasleemár hara/uuntsa ka tlehhaahhita', nee axweesanoó múk tlakuuse kuwa ya/a/aanda'?

TI'INAANGW 18:18

Looeemaawo kuúng gadiyeésíng u slaaqatís dinkwa nee mukdá' ni amoorók kakáw sleeme. Asma gadiyeésíng ka iiloo' diroge, kuúng kilók a tu/ká.

TI'INAANGW 18:22

Inooín qaa/oó muksíng kun tlaaq umuú daqto, axweesanaydá' gawdén ngun amoorók i waarahhamisiye', ala axweesanaydá' ninákw ngu kilooín tlaaqiye'. Adoorí bar aga tléhh, kuúng hiinsla u gú/, asma inooín kuúng u alee/iisiyá' baraá gadiyeésinge.

TI'INAANGW 18:26

Inooín kwasleemadaá muu ngina tlaaqiyé' umuú daqto. Qaa/oó ninákw sleémeero nguna tlaaqiyé', ala qaa/oó aa gawduy inooín nguna huwiyé' amór Mose.

AXWEESANOÓ SAGALOOA 18:5

Heé tlakweemaá tlehhiít kuwa ilamurut i qoondaaká, tam hariímár heé ganaá' kawa /itiin i qoondaaká.

AXWEESANOÓ SAGALOOA 24:23

Axweesanaywí sleeme oo múk sagelooén, baraá kwasleemaro barqaanti i qoondaaká.

AXWEESANOÓ SAGALOOA 28:21

Muu kuwa barqantus i qoondaaká Tam hee ila' ngiwa gaasi as gwa'amír fa/a i qoondaaká.

AXWEESANOÓ SAGALOOA 29:25

Muu bur da'ayumít a dát baraá tsaxwa Ala heé AAKOÓ MUNGÚ gu harahhiíf ku amohhoó'.

YEREMIA 1:17

Hám daxta kuúng Yeremía, ti amohhe'es siinotaywók tseegeek. Tláw tí u babaw ooeek, inooín mi da'ayumitaar, as kahhó' aníng kuúng muwa de'eérí tleés dír geeraaine.

TLAHHOÓ LAÁWI 19:15

«Bar kwasleemár tlaqá', tlaaqaak ar gan'amu, narkutmo mu barqantuusara', tam heé ilaiwa/amér koóm mu da'ayumiitara'. Ala a gár hariim inslaawmo kuwa sakwasleemár ganaá' i tlehh.

MALAKI 2:9

«Gawaá adoorihe aníng kuungá' naa gár waaqa'atiit tleéhh, nee daqatlaakw, dír geeraá muu sleémeero, ar adoodá' hara'ayar'eé' kawa gaárí xua'aaká, ala muu una barqaantusé' baraá hara'ayar'eene.»

Matayo 22:16

Eeharuuser'ín dinkwa nee múk Herodewo, kiri ya/aáw amór Yesu tari oó', «Intsaahhatusámo, atén a xuaán adór kuúng tar heé ló', nee loohír Mungú adoodá' ir gana' tinar intsaahhatimís, tam kángw uroó hee u yaahamiská, asma hhohhoartá muu a ga/eeraaká.

Marko 12:14

Tawa dirós i hardáh, kuri báy, «Intsaahhatusámo, a xuaán adór kuúng tar heé ló', tam kángw uroó hee u yaahamiská, tam hhohhoartós, ala loohír Mungú adoodá' ir gana' tinar intsaahhatimís. Xáy, i ganá'a waawutmoó múk Roma kuwa koódírií hanisaan, laqaá i gan'aká?

Luka 20:21

Yesu kuri yaahaás, kuri báy, «Intsaahhatusámo, atén a xuaán kuúng tidá' ganaa' an kát nee an intsaahhatimís. Slám kángw uroó hee u yaahamiská, ala loohír Mungú adoodá' ir gana' tinar intsaahhatimís.

Rumi 2:11

Asma Mungú i barqaantusiiká.

Efeso 6:9

Kuungá' daqaáre, gár tunduwa hariím sleeme, aqo tí an tlehhá' dír lawaalerhunge. Lawaalerhúng ma dae tlaaqara'. Nee xuaak adór kuungá' nee inooín Aakoohúng tar wak. Inós i gawaá doorií dirii'. Dirose barqaanti i káhh.

DABE 10:17

Asma AAKOÓ MUNGÚ, Munguúhúng inós an Munguú munguaá hatlá' gi baál, nee inós an Aakoó bariise. Inós an Munguú úr nee oo /uuruú koóm nee oo dae tlaáq, inós i barqaantír konká laqaá i slukumár /ayiiká.

DABE 16:19

Gár heé wa hariim ma qwaareesara', nee muu mu barqaantusara', tam slukuma ma /ayaara', asma slukuma heé gár ganaa' ga tsatsahhaám gun iimigiwísh, nee hariimár heé ganaá' gan qwaarés.

DABE 24:17

«Kwasleemár hoomoó ayaahúng hoót ma paslisara', nee ar na/aá panaay. Kuúng tlawuú kwaalo'o mu arhaánír wa oohaar.

DABE 25:1

«Barnaxes múk tsár taa áy tari kwasleemár áy, har'ohuuse qaa/ay'ín ngu tsat, heé gan'amuú koóm gana'amuwós ngu slay, nee kuduú dakuúsár koóm ku sakwasleemuuti.

Kolosai 3:25

Ala umuúqo heewo oo tidá' ganaa' gaa tleehhiiká, inós slaasláwarós ar hariim gan sláy, slám ar barqaanti wasl.

1 Tesalonike 2:4

Ala Munguúdá' muneerén ga xuú', inós Ya/abtór hho' ngina atén i saayín. Atén Ya/abtoorí an alki/iitaán ar adoodá' inós i slai. Atén heé ta sla'atimisaan i kaahh, ala heé ta sla'atimisaan a Mungú kudaádá' muneerén ga xuú'.

Yakobo 2:9

Ala bar kuungá' muu ugwa barqaantusé', tlakweema iga tlehhé', nee dabe nuri sakwasleemút, tawa adór múk dabe gaa sii' eeharto.

1 Petro 1:17

Kuungá' Mungú bur firiiriindá', un Baabár ateetiindá', inósuudá' umuúqo heewo gu sakwasleemuút ar qoomoó tlehhemi'iiwós ar barqaanti wasle. Gawaá adoorihe, kuungá' hooté' ar Mungú kuwa ilaiwawa/a' baraá qoomaarí tawa hota' baraakaá yaamuú wa ale adór dahaaye.

1 SAMUELI 16:7

Ala AAKOÓ MUNGÚ Samueli guri báy, «Gitsee/awós laqaá tlenaangós mi i qaytaar, asma aníng ugwa sií'. AAKOÓ MUNGÚ adór ir xumiisi a adór mukoká, asma muu gár i ga/ay a gitsee/a, ala AAKOÓ MUNGÚ gár i ga/ay a muuná.»

1 SAMUELI 2:25

Asma hee bar kuqá' ngwa sadakuús, Mungú gu aleekalaa/, ala hee bar AAKOÓ MUNGÚ ngwa sadakuús, heé gu alefiriím a heemá?» Ala afór baabuúín ngaa axaasi'iiká, asma AAKOÓ MUNGÚ gina wa tsabín ngiwa tsu/i.