DABE 1:15 - Biblía Axweesantá Hhohho' ar Mungú 2004

¹⁵ Gawaá adoorihe aníng geeraharuuse tidá' sageeloen nee fuqureeraá koom, nee mukdá' xu'utír koóm nguri qaás, kudá' kuungá' naa tsawdé' baraá tla/ángw tlahhi'iihunge, nguri qaás geeraharuuserhúng wa ale. Bahh'ale ngiri qaás as tawa geeraharuusér daqooró kume, nee múk tsiire, nee múk mibeeraá kooán, nee ar múk mibaangw. Muu bahh'ale una qaás as tawa geeraharuusér umuú tlahhaay.

DABE 1:15 Iomraidhean Croise

TI'INAANGW 18:21

Ala muruú hatlá' dír kwihe, muu na leelehheek baraá tla/angw'ín wa ale, masók a múk aleesleemuú koóm, múk Mungú ilaiwawaá/, múk inkihhimuú koóm, múk slukmár /ayaaká. Waawiti'iimárí haniseek, bahh'ale múk kumuú wák ngu geeraharahariye', bahh'ale múk tsiiru, kooko múk mibeeri kooán, kuqá' múk mibaangw.

TI'INAANGW 24:1

Aluuwo AAKOÓ MUNGÚ Mose guri báy, «Kuúng nee Aroni nee Nadabu, nee Abihuwo, nee bariiseedá' mibeeri faanqw ar Israeliro, qwalaasaré', tsa/amare' amor'eé' anuú AAKOÓ MUNGÚ, aníng sluufmisuú awaaré', ala mi i tseewuwara'.

FAARO 1:4

Nee hhawaatuú wák baraá umuúqo tlahhaywo masók a dinkwa nee kuungá', kuduú geeraharusmo baraá guruú doó baabuúwose.

FAARO 31:14

Mose ina buúhh amór geeraharuusér slaqwaruuse, tidá' naa baraá slaqwarár wa watl, tidá' slaqwaruusér kume nee ar tsiire gaa geerahat.

Efeso 4:11

Inós aleesleemuú Qeeru ngwa haniís, bahh'alé tawa ya/abuuse nee bahh'alé tawa aaruuse, nee kookaariya' tawa múk Ya/abtór hhó' alki/iít. Nee slám awa hatlá' tawa de'eemuuse nee intsaahhatuuse.

DABE 1:14

Kuungá' aníng iri adoorír mu/aywatsé', ‹Gár taa ó' i qoón.›

DABE 1:16

«Qoomaadae har'ohuuserhúng ana kaangwí báw, ‹Qaa/oó mukhúng iiárií qamimaak, kwasleemár mukhúng tlaaqaak ar adór ganaa', nee ar hoomaadá' baraá ayaahúng hoota.

DABE 16:18

«Kuungá' har'ohuuse nee geeraharuuseero tsawaaraak baraá tlahhi'iihúng wa ale, baraá gixsaduhúng kudá' AAKOÓ MUNGÚ, Munguúhúng naa haniisi, inooín qaa/oó muu ngu tlaaqiye' ar adór ganaá'.

1 SAMUELI 17:18

Nee geeraharusmooduú slaqwaruusér múk kumuú wák di/tá /awak ti hup. Hhaeewók ngi aán adór i diri'iya', áx ki amohhoóe, kangwsíng daqaní ngu ar kí/ amor'eé'.»

1 SAMUELI 22:7

Saulo sagadiyuuseerós tidá' gwaa harwet gari báy, «Iia qaasaak hamí, kuungaásingá' awa múk Benyamini, kuungá' ka xua' garmoó Yese umuúqo heewo dirhunge gu qaymoórií haniísi, laqaá nu geeraharuusér múk kumér wa qaási, laqaá qamaá sabiíbu, laqaá tawa geeraharuusér múk tsiiru?

1 SAMUELI 8:12

Inós bartaka gari qaas daanduuwós wa ale tawa geeraharuusér slaqwaruusér múk kume, nee tawa geeraharuusér slaqwaruusér múk mibeeri kooán, nee barakarka gan qaas qaymoorós ngiwa doosliya', nee balaangós nguwa bu'una' nee xoslaá slaqwara ngiwa tlehhiitiya', nee xooslaá gaarduuwose.