DABE 1:10 - Biblía Axweesantá Hhohho' ar Mungú 2004

¹⁰ AAKOÓ MUNGÚ, Munguúhúng, kuungá' naa tlahhás, hám laarí tundu ló'wa yaariír adór tsatse/uú gawaá doori.

DABE 1:10 Iomraidhean Croise

IIMU/UUNGW 15:5

Mungú Abramu guri tsee/ií huúw, iri oó', «Gawaá doori i qaytsiteek daxta, tsatse/ faareek, bur aleesleér faarooro.» Guri malé báy, «Adoorí an adór xwaylarók i diri'.»

IIMU/UUNGW 22:17

án daxta kuúng u ló'wa tsuúq, nee xwaylarók an ló'wa tlahhás, tari adór tsatse/uú doori nee adór hhasángw afaá tlawi. Nee xwaylarók wakuuser'ín gari bál, nee gari sawaawuti'iín.

IIMU/UUNGW 28:14

Xwaylarók ka yaariir adór teerír yaamu, nee xwaylarók tsee/a gin tsát, kuúng an tsiiyayaaxát ay /uwa, da/aáw, /iya nee basa. Múk yaamu sleémeero ku tsuuq as kuúng nee na/iiwók.

1 QOM'I 27:23

Ala waawutmo Daudi múk Israeli oo kureeri mibeeri tsár gaa ayká gwaa faariiká. Asma AAKOÓ MUNGÚ al'axweesani gana oó', adór múk Israeli ngur tlahhás adór tsatse/uú gawaá doori.

NEHEMIA 9:23

Xwaylar'ín kari tlahhás adór tsatse/uú doori, kiri húp ay baraá yaamuudá' taa baabi'ii'ín i al'axwés as ngiwa aaliya'.

WARA'AMI 107:38

Mukós guri tsuúq, tari ló'wa laqwaál, muruu'ín oo de'eengw iri tleemaá'.

TI'INAANGW 12:37

Xoorór Israeli aai giri iimu/uún dirká ta bay Ramesesír wa alé ay Sukoti. Faarór hhawaate kilooín a kume tsiire lahhoó'.

TI'INAANGW 32:13

Sagadiyuuseerók Abrahamu nee Isaka nee Yakobo inslaweegáy, kudaádá' kuúng lo'o kasa /ák ar umuuwók nee kiri beér, ‹Aníng xwaylarhúng a tlahhás adór tsatse/uú gawaá doori, nee yaamuuká' sleémeero aníng naa dirhúng i al'axweés, aníng i haniís dír xwaylarhúng i ale, inooín kiri aal ay alhhe'eesáy wasle.› »

ISAYA 51:2

Baabuúhúng Abrahamu ga/aawaak nee Sara tidá' kuungá' naa laqwal. Qoomár án Abrahamu nguwa ateét na/aay gu konká, Ala aníng nguri tsuúq, na/iiwós ngiri ló'wa yaareés.

ESEKIELI 16:7

‹Slaáf nee uráw adór sla/ito'ór baraá qaymór wa ale.› Kiíng tari ureér, tari tleeruúr adór dasi. /Aami iri tsaxát, iseemaawók nari kiki'iné' nee se'eengók niri uraaráy, ala kiíng a /aankwetsuú kilá'.

FAARO 1:46

dinkwaaro sleémeero a kume tsiire lahhoó' nee tám, nee tsiire kooán nee mibeeri kooán.

FAARO 10:36

Nee umuú daqto bar sandakmo aa sihhiít, Mose in ooi, «Aá AAKOÓ MUNGÚ, mukók kwí oo Israeli oo kumér yaariir i ki/eek.»

DABE 1:11

AAKOÓ MUNGÚ, Munguú baabi'iihúng kuungá' nu ló'wa tlahhasi ay sagáwa kumér yaariir, adoorí hám tay diria' ba/a, nee nu tsuuqi adoodá' aáng ngira al'axweés.

DABE 10:22

Baabi'iihúng qoomár niwa baraá yaamaá Misrír i tlayé', inooín an muu mibeeri faanqw kilós, ala hám daxta AAKOÓ MUNGÚ, Munguúhúng naa tlahhás adór tsatse/uú gawaá doori.»

DABE 26:5

/Aymi'iiká' kiri dír geeraá AAKOÓ MUNGÚ, Munguúwók wa ó', ‹Baabuúeé' a heé Aramu, kudá' aa tonganuumamiis amorqá' nee tiqae, aluuwo iri tláy ay yaamaá Misri, iri amoodá' wa hoót adór dahaaymo. Inós nee múk do'ose, qoomaadae a múk ló'wa niiná, aluuwo inooín niri tlahhiyé' tari xoorór yaariir, nee ar /uuruú koom.

DABE 28:62

Tam geeraawo kuungá' tundu ure adór tsatse/ú gawaá doori, ala kuungá' an faká', asma afór AAKOÓ MUNGÚ, Munguúhúng aga iiárií qaasi'iiká.

DABE 7:7

«AAKOÓ MUNGÚ kuungá' naa slaiiká nee naa tsawaariiká as kuungá' tunduwa yaariír ta xoordaá hatlae, kuungá' tundun ló'wa niiná ta xoordaá hatlae, kuká' gawaá daanduú yaamií diriiá'.