DAA'AANGW 8:13 - Biblía Axweesantá Hhohho' ar Mungú 2004

¹³ Kiíngadá' baraá qaymoórí dirii', mulqer'eé' afoorók gaa axás áx gimáy na'ás aníng sleeme a axaás.

DAA'AANGW 8:13 Iomraidhean Croise

WARA'AMI 45:14

Kay huuw amór waawutmo ar tlabaawós kudá' taa parootuús. Nee /amaatliitedár mulqeerós iri eehariín aluuwós wa ale.

WARA'AMI 50:15

Án ateetáng deelór slahh'amaayeero. Án kuúng u ba/amís, aníng iri xirfayés.»

DAA'AANGW 1:7

Aá sla'aarusmooeé' oo muuná, áx axweesáng, amór bee/aangók kway tles a amá? Dír tlaatla/ango kway tlahhas a diimá? Ahaá asma aníng ma har adór heé tawo hi'iimiít, dír bihhaá bee/ángw mulqeeroge?

DAA'AANGW 4:16

Fur'ár bihhaá /iikú daahh, fukuku'uutáng. Qwaláng, fur'ár bihhaá basa, fukukuú' ar gawaá asalmooeé'. Mooyángw tsuú' yaamuuká' ngi aleetsati. Sla'aarusmooeé' ni hardihi baraá asalmoowós i aleeró, mamuuwós kudá' hho' ngi /aymár ay.

DAA'AANGW 6:11

Aga dáh dír asalmoó xaa'aá ta babay miloósi as niwa harma/ór baraá qaymór artá aw. As ngiwa ar axáy xaa'aá sabiíbu naa /ayusií'i, nee axáy xaa'aá komamaánga naa /ayusií'i.

DAA'AANGW 6:2

Sla'aarusmooeé' aa baraá asalmoowós káy. Didaádá' /ayór ta bay rihaáni ki dahaás. Inós i bee/aangós de'én nee i /ayór waariídír burumburín.

DAA'AANGW 8:12

Qaymor'eé' ar sabiíbu a te'ér kilá'. Eeít, a te'ér kilá'. Gimáy kuúng Solomon, iwiít ar peésarók ar kumuú wák, nee umuú xumusmoó mamuuwo i iwiiti ar peésaaro ar tsiire tsár.

Matayo 18:20

Asma dír múk tsár laqaá tám i dirii'i, barnaxes taa burumburiít ar baraá umuueé', aníng a baraá tla/angw'ín i dirií'.»

Matayo 28:20

Muruudá' sleémeero naa kuungií intsaahhatimís, dir'ínií intsaahhatisak ku oohi. Ga/aawaak aníng a dinkwa nee kuungá' deelo sleémeero ay alhhe'eesoó yaamu.»

Yohana 15:7

Kuungá' barnaxes a baraaeé' wa hotá', nee axweesanay'eé' bira baraahúng wa hoót, umuúqo gár ta sla'a'a firiimaak, kingi haniis.

Yohana 16:24

Ay hamí gár taa firiindé' i káhh ar umuueé'. Fiririimé', a sleerá', as qwal/uuhúng iwa boo/i.»

HAR'OHUUSE 11:38

Baabuúwós iri ya/án afiqoomár slahheeraá tsár gari haniís. Inós iri tleér dinkwa nee mulqeerós as gwa'ararós ar duwe ngiwa sa tsuunqumiisiya'.

HAR'OHUUSE 14:11

Qoomár muu ngiwa ár, masoombár mibeeraá tám kari didií burumbuúr as Samson nguwa hhaawisiyá',