DAA'AANGW 7:5 - Biblía Axweesantá Hhohho' ar Mungú 2004

⁵ Slamángw sagók a adór tloomár Karmeli se'eengw ku bó/ adór tsawa, hhohhoartá se'eengók tam waawutmo gun uuruxuún.

DAA'AANGW 7:5 Iomraidhean Croise

IIMU/UUNGW 32:26

Heedaádá' Yakobo guri báy, «Án geemawáng ni tláw, asma iimi aa /awaakuúr.» Ala Yakobo guri báy, «U geemawaaká ay dír án i tsuq.»

WARA'AMI 68:24

Mungú, muu kuúng ugwa ár nee mukók tawa al bar/a', kuúng Munguúeé', waawutmooeé', ta ár nee muu tawa tsa/aanda' ay dirók tidá' hhoohhoo'.

WARA'AMI 87:2

AAKOÓ MUNGÚ gixsár Siyoni ga ak slaa', ta yaamu sleémeero awa Israeli.

AXWEESANOÓ SAGALOOA 5:19

Inós ka hhoohhoo' adór tlaaqati, i sla'atamís adór saaragi; kuúng deelo sleémeero masók a dirós wa bu'umít, nee masók umuú daqto an amoorós i bará/ as kuúng uwa sla'.

DAA'AANGW 1:17

Uheemaá doorén a sahhta, nee xaa'aá ta bay beroóshi an hhaftá doorén.

DAA'AANGW 4:1

Ga/aaweek, sla'aaruso'or'eé', kiíng ti ló'wa hhoohhoó', sla'aaruso'or'eé'. Ti ló'wa hhoohhoó', ilaawók baraá sheélaro a adór kuqaá hhooki, Se'eengók a adór daqtá aara ar /e/etiim gawaá tloomár Gileadiro.

DAA'AANGW 4:4

Istók a adór doó gáwtí tleér oo Daudi, kudá' taa tleéhh as xooslár slaqwara babats. Handá', gaambudaá kumuú wák kaa tarereé'. Sleémeero awa múk slaqwarár xuú'.

DAA'AANGW 5:11

Sagós ku ló'wa hhoohhoó' adór sahaábu se'eengós a adór makookí, ku bó/ adór boo/ár xwaa'ari.

ISAYA 35:2

/Ayór yaariir adór tiqár wariídi gari /ayuus, Iri baraa/, iri daa' ar qwal/uú yaariír, xaanxaay xirfuú adór kuduú Lebanoni guri sláy, xirif sleémeero oo Karmeli nee oo Sharoniro, muu xirfuú AAKOÓ MUNGÚ guri ar, nee adór Munguúrén kur úr ngiri ariyá'.

MIKA 7:14

Aakoó Mungú, mukók de'eemeek ar hhartók, daqtók tidá' taa tsawát. Inooín tam ta kilooín hooti baraá sla/atá wa alé, ala yaamuuín kaa harweér nee yaamaá gitsór hhó' koomá'. Daqtók i qawór eer baraá qawtantadá' hhoo' ar baraá yaamaá Bashani nee Gileadi, adoodár aáng wa alé.

FAARO 21:26

Heshboni qoomaadae a gixsár waawutmo Sihoni oo xoorór Amori, kudá' aáng geeraawo taa slaaqw nee waawutmoó xoorór Moabu, yaamuuwós sleémeero giri hayóh ay digimuú yaaér Arnoni.

Matayo 18:20

Asma dír múk tsár laqaá tám i dirii'i, barnaxes taa burumburiít ar baraá umuueé', aníng a baraá tla/angw'ín i dirií'.»

Matayo 28:20

Muruudá' sleémeero naa kuungií intsaahhatimís, dir'ínií intsaahhatisak ku oohi. Ga/aawaak aníng a dinkwa nee kuungá' deelo sleémeero ay alhhe'eesoó yaamu.»

Efeso 1:22

Mungú mura' sleémeero gwa gawaá dabaawós i qaás. Slám inós gun uráy haniis, as inós tawa ságw mukdá' inós gwa haratlintii',

Kolosai 1:18

Múk kríshaanáy a slaqwtós, nee inós a saga. Inós an iimu/úngw kríshaanáy. Inós an kudá' naa geerií waaslee/ baraá múk aa qaátl wa ale, as inós iwa iimu/úngw umuúqo gaa tleehhiti.

Kolosai 2:19

Inooín ta aldinku'uumisiiká nee Kristo, kuduú saga. Asma baraá geerahartá Kristowo slaqwa sleémeero kan /aymiis, nee diqiyaawós sleémeero, kin dinkwár i nigihhitis ar kane. Adoorihe slaqwa sleémeero /uuru gun sleér, iri uraareér adoodá' Mungú ngir slai.

Geehhoeemaá 1:14

Se'éngw sagós ku ló'wa /awák adór se'éngw bee/aangw, nee adór tlaa/aá tluwaay. Nee ilaawós i gwa/aatiyá' adór tsángw asltá wa ale.