DAA'AANGW 7:4 - Biblía Axweesantá Hhohho' ar Mungú 2004

⁴ Istók a adór doó taa xareemaá daaweér ar tleéhh, ilaawók a adór tlahhesaá ma'aay awa gixsár Heshboni kudá' bihhaá afkú gixsár Bet-rabi i tseewá'. Duungaawók ki hhoohhoo' adór /aampár Lebanoni, tidá' nee gixsár Damasko ti ga/aawá'.

DAA'AANGW 7:4 Iomraidhean Croise

IIMU/UUNGW 15:2

Abramu iri oó', «Aá Aakoó Mungú, gár ni aníng i hanis a milá? Aníng baraakaá yaamu in geexáw tam na/aay u koomaaká. Nee heé dooeé' gu aál, a Elieseriwí oo Damasko.»

2 SAMUELI 8:6

Naagáy Daudi xafoó múk slaqwara guri tleéhh baraá gixsár Aramu ar Damasko. Múk Aramu tari lawaaleerós, kuna koódirí huwahuúw. AAKOÓ MUNGÚ Daudi guri baalirií haniís umuú dír aqo kayi.

1 WAAWITÁ 10:18

Waawutmo kitángw waawuti'iima guri tleéhh sleeme oo xareemi, guri parootuús ar sahaábuú hhohhó'.

1 WAAWITÁ 10:22

Asma waawutmo miringér Tarshishír kakaw ngiwa kon baraá tlawto nee ar Hiramu in al'aa'aá kakeér. Baraá kureeraá tame daqeemu ngu hhe'es wak. Gár ni huwahuwiya' a sahaábu nee peésa nee xareemi nee poohám nee tsir/orká ta bay tausi.

1 WAAWITÁ 22:39

Tlehhma'aá hatlá' awa waawutmo Ahabu adoodá' do'ós ngura tleéhh nee ngway paarootuús ar xareemaá daawe, nee gixsaduudá' aa tlehhiít, sleémeero kaa gooín baraá kitaábuú qom'i oo waawituú Israeli.

1 WAAWITÁ 7:2

Do' guna tleéhh baraá gartá Lebanoni, tlenaangós a miíta mibeeri tsiyáhh nee tsiyáhh, bihheero a miíta mibeeri tsár nee tsár, tlenaangós oo gawa a miíta mibaá nee tám nee tlaqi. Waqasuú tám oo sahhta guna gáwtá wa hhaáf nee waqasuú sahhta i gawaá uheemi.

1 WAAWITÁ 9:19

nee gixsadu sleémeero awa daqaari'iima kudá' Solomon aa tleéhh, nee gixsadaá gaarduuwós kudá' ta uuruxun, nee awa mukós oo farasuú i tsa/aa/ám, nee umuúqo gár Solomon aa slaá' tleehhamooro baraadaá Yerusalemuro, nee baraá Lebanoniro, nee baraá yaamu sleémeero awa waawuti'iimarose.

2 QOM'I 8:6

Sleeme gixsár Balati gana tleéhh, nee didár xooslu ki babatsi, nee gixsár gaardu kudá' ta uuruxun nee faras, nee múk farasú i tsa/a/ama, nee umuúqo gaaro tidá' aa slaá' tleehharo baraá Yerusalemu, nee Lebanoni, nee baraá yaamuuwose, gay hhe'eés tleehharo.

WARA'AMI 144:12

Daaqayrén masók in adór hhoó' ar uraaráy, adór dahaasíngw naa ti'iit oo ti'ina hhó'. Dasuurén a adór uheemiidaádá' Doó Mungú, kudaádá' taa parootuús ar adoodá' Doó Mungú wa hariim.

WARA'AMI 45:8

Tsiitaywók sleémeero i tlatláy mooyángw manemanero, nee oo udi nee oo xaa'aá mdalasiniro. Kuúng taa qwal/atís nee afór daa'ángw mariímba, ar baraá maraá waawutmo awa taa parootuús ar xareemaá daawe.

DAA'AANGW 1:10

Tlaaqarmaawók ki hhohho' as parooti, Nee istók ka hhoohhoo' as himtuú taa tleéhh ar tla/aá tlaxo gawden.

DAA'AANGW 4:1

Ga/aaweek, sla'aaruso'or'eé', kiíng ti ló'wa hhoohhoó', sla'aaruso'or'eé'. Ti ló'wa hhoohhoó', ilaawók baraá sheélaro a adór kuqaá hhooki, Se'eengók a adór daqtá aara ar /e/etiim gawaá tloomár Gileadiro.

DAA'AANGW 4:4

Istók a adór doó gáwtí tleér oo Daudi, kudá' taa tleéhh as xooslár slaqwara babats. Handá', gaambudaá kumuú wák kaa tarereé'. Sleémeero awa múk slaqwarár xuú'.

DAA'AANGW 4:5

Iseemaawók a adór gwerehhuú tsár, adór saaragár daangi, kudá' qawá' baraá tla/ángw /ayór hhohho' wa ale.

DAA'AANGW 6:5

Axáy bihhi i qaytsiteek gár niinawe, ga/aweek, adór nir amoqwaqwadiím, se'eengók a adór daqooroó aara kudá' /ee/etiím baráy alé gawaá tloomár Gileadiro.

ISAYA 54:4

Ma da'ayumitaar ti mureekesiiká, ma amoqwaqwadimaar ti male waaqaaiiká, asma mureekesayduú masoombi'iimarók u gunqaarés, tam /oosliislíngw tawa kwaalo'o u baloó insleeraaká.

Ebrania 5:14

Ala muruú /aymár gawdén a oo múk urén. Asma inooín muruú hhó' nee oo tlákw kwaa intsaáhh partlituuwo.