DAA'AANGW 6:9 - Biblía Axweesantá Hhohho' ar Mungú 2004

⁹ Hhookir'eé', hhoohhoir'eé', kiíng an wákaleelí nee an sla'aaruso'o dír aayoorose. Inós a wak dír aayoorose. Dasuú hatlá' birnga ár gan báy, «Kiíng ti amohhoó'.» /Ameenár waawitá nee tidá' tawo hoota, inós kan xirfayeemiis.

DAA'AANGW 6:9 Iomraidhean Croise

IIMU/UUNGW 30:13

Lea iri ó', «Aníng a qwalaalaá/, asma /ameena aníng i beer, qwal/amaaye.» Na/aydá' guri beér Asheri.

1 WAAWITÁ 11:3

Tlaawoó Solomon tay tsiire faanqw, nee /ameenár quturmo wasl a tsiire tám. /Ameenaarí guri muuná warqés loohír Mungú ngiwa may.

WARA'AMI 126:2

An qoomár atén qaseengo tawa hhaamaán, nay baraa/aán ar qwala/. Xoordaá hatlá' nari ooiyé', «AAKO mukós gwa gár ur i tleéhh.»

WARA'AMI 45:9

Dasuú waawitá i baraá tla/ángw amami'iiwók kudá' ilaiwa/uuse, bihhaá dakók oo doó /iyayhe waawuto'o aa sihhít, tsiitaywós a tsiitoó sahaábuú yaamaá Ofirír daáhh.

DAA'AANGW 2:14

Aá hhookir'eé', tidá' aa nahhat baraá mar'ír tlaa/a, baraá lu/aroó mar'i, qwaláng aníng gitsee/aawók i ár, nee afoorók ngi axaás, asma afoorók i natsaatsá' nee gitse/aawók i sla'atimisiyá'.

DAA'AANGW 5:2

Ana guú', ala muunaáeé' aa guiiká. Naxés afór sla'aarusmooeé' i afkú do' wa ateetiín. Afkú do' gweereek, hho'or'eé', sla'aaruso'or'eé', hhookir'eé' ar dakuús wasl, sagw'eé' aa naá/ har'uuwo, se'engw'eé' aa naá/ har'uú xweeraawo.

FAARO 23:9

Asma aníng inooín ina iimír gawaá sagér tla/ú wa ár, inooín ina gawaá sagér gongoamaá wa ár. Xoorór kilós hoot, xoorór ti harafaditaaká tawa alqon nee xoordaá hatlá'.

Galatia 4:26

Ala /ameenidár hatlá' an adór gixsár Yerusalemu tidár gawaá doorí dirii'. Inós an lawaalo'oorooká, nee an aayoorén.

DABE 33:29

Kuungaá Israeli a múk amohhoó', múk adór kuungá' a gaalá? Múk taa ba/amís nee AAKOÓ MUNGÚ. Inós an gaambórhúng ar alee/isaay, nee paángarhúng ar baali. Wakuuserhúng ni dirhúng i hardát ar ilaiwa/ame, kuungá' kiri yaamuií naka/aruurá'.»

2 Tesalonike 1:10

Adoorí in tleehharút deeloodá' ure, qoomár inós binda hardáh as inós kuwa diidi'iimisi nee mukós kudá' hhohhó', kuri xirfayemiis nee mukdá' sleémeero oo inós gwa haratlintii'. Kuungá' sleeme a deer baraadae, asma kuungá' lamabu'ungwrén una haratlintié'.