DAA'AANGW 6:11 - Biblía Axweesantá Hhohho' ar Mungú 2004

¹¹ Aga dáh dír asalmoó xaa'aá ta babay miloósi as niwa harma/ór baraá qaymór artá aw. As ngiwa ar axáy xaa'aá sabiíbu naa /ayusií'i, nee axáy xaa'aá komamaánga naa /ayusií'i.

DAA'AANGW 6:11 Iomraidhean Croise

IIMU/UUNGW 2:9

AAKOÓ Mungú xaa'aá daa'aweemaá dimbadimbé giri baraá hhapér wa titi'iís, xaa'aá hhohho' nee awa /aymár ya/aamá'. Nee baraá tla/ángw asalmoowo Mungú xa'anoó mamuuwós slafíngw hanmiisá' guri qaás. Nee xa'anoó mamuuwós xu'utír muruú hhó' nee oo tlákw laqaaqamá' guri malé qaás.

IIMU/UUNGW 40:10

Nee gawaá sabiíbuwo haleemaá tám i dayá'. Nee haleemiidá' tamaawo nina harma/iyé', nay /ayuusiyé', nee /ayoodá' niri adaá mamaá dúx awa naa hamaariye'.

DAA'AANGW 5:1

Aníng an dáh baraá asalmooeé', hho'or'eé', sla'aaruso'or'eé' ar ni duxuut. Manemáner'eé' nee muruú mooyángw kooma un burumburiím, xaaramtaeé' ar danú a /aáy a difaáir'eé' nee ilwaaeé' wahaám. Mulqer'eé', /ayiimé' nee wahaamé', wahaamé' ló'wa ale, sla'aaruuser'eé'.

DAA'AANGW 6:12

Niwa qaytsita, naxés mulquto'or'eé' iga qaroó húp dír gaárír heé úr.

DAA'AANGW 6:2

Sla'aarusmooeé' aa baraá asalmoowós káy. Didaádá' /ayór ta bay rihaáni ki dahaás. Inós i bee/aangós de'én nee i /ayór waariídír burumburín.

DAA'AANGW 7:12

Matlaatleero a tseewa tlawaán baraá qamaá sabiíbu, i artá awaán axáy naa harmá/i? Nee axáy sabiíbu aa /ayuúsi? Nee sleeme axáy komamaánga /ayo duxuungo gaa iimu/úndi? Amoodaádá' an dír aníng sla'aarir'eé' ngiwa laqaam.

DAA'AANGW 7:13

Mooyángw xa'anoó ta bay tunguúja i tlatláy, dír afkú doorene umuú xa'anoowo i deer oo mamaá hhohho' gi koóm. Aníng xaa'aá qaren nee awa /abene iga amohhe'eés as kuúng sla'aarusmooeé'.

Marko 11:13

/Aantsír loo/ór koom gari amorqií ár, iri amoodá' káy asma ngiwa ari wane i mamaá koón. Iwa didií hardáh, naxés gár aa ár i káhh, aqo har loo/o kilós. Asma qoomár hamnoó /aantsí aa xeeriiká.

Luka 13:7

Aluuwo heedaádá' qaymoodár sabiíbu ga amohhe'emamiís guri báy, ‹Ga/aaweek, kureeriiká' tamaawo nin mamaá leelehhtuú aa'áw gawaá /aantsírí aleeró, ala gár ni slaaslaw i káhh. /Aantsírí tsateek. Gár yaamu ngihar tawo hhitiin a milá?›

Yohana 15:16

Aníng kuungá' iga tsawdi'iiká, ala a án kuungá' nuna tsawaár, nuri qaás as mamu kiwa laqwaalár eera', nee mamuuhúng iwa hootiya', as tidá' sleémeero ta firiinda' ar umuueé', Baabá ngiwa haniisi.

Tlehhema'aá ya/Abuuse 15:36

Deelór niina iwa waaráhh, Paulo iri oó' dír Barnaba, «Qwaláng, daxta a ki/aán amór gixsaduudá' sleémeero awa axweesantá Aako kawa alki/iitaán. Xáda xáy, hhaeedá' adór i dirii'iya' a adoomá.»