DAA'AANGW 6:1 - Biblía Axweesantá Hhohho' ar Mungú 2004

¹ Xáy, /ameenír ló'wa hhoohhoo', sla'aarusmoowók amór aa káy? Xáy, sla'aarusmoowók amór aa xuú' a amoomá as tawa dinku'usaan leelehharo?

DAA'AANGW 6:1 Iomraidhean Croise

DAA'AANGW 1:4

Aníng ar tlawáng, góh ar gaanslaay, Waawutmo aníng iga dahaás baraá do'ós, Atén kuúng uri saqwalaala/aán nee uri sa bara/aán, sla'aarirók kari alki/itaán tam difaái ba/a. /Ameena kuúng uwa sla' i hariín.

DAA'AANGW 1:8

Aá sla'aarusó'o, kiíngadá' hhoohhoo' baraá /ameenaaro, amo bar xu'uká, loohi ooheek, ya/atír bee/aangw eehareek. Aaraawók de'eemeek bihhaá heemadaá de'eemuusér wa alé.

DAA'AANGW 2:2

Sla'aaruso'or'eé' baraá /ameenaaro a adór /ayito'ór baraá tla/ángw laqaya'.

DAA'AANGW 5:6

Sla'aarusmooeé' nguri dó' i gweér, ala laatí sla'aarusmooeé' aa qaroó diya/aát. Muunaáeé' ina qwalaá/ qoomár iwa axweesi. Una leeleéhh ala ugwa slawiiká, una ateét ala aa ooinká.

DAA'AANGW 5:9

Ahaá, sla'aarusmoowók kwisíng gár i ak kon a milá ar sla'aaruusér hatlá' i koondaaká? Kiísíng hhoohhoo' ta /ameena sleémeerowo, ahaá, sla'aarusmoowók kwisíng gár i ak kon a milá ar sla'aaruusér hatlá' i koondaaká? Tam atén tiri adoosír harhheehhe'és.

DAA'AANGW 6:4

Sla'aaruso'or'eé', kiíng ti ló'wa hhoohhoó' adór gixsár Tirsa. Ti hhoohhoó' adór Yerusalemu. An dae tláq adór slaqwaruusér bendeéra gaa gáwtí tles.

ISAYA 2:5

Kuungaá doó Yakobo, qwalaasé' a hootaán, baraá gwa/aateemaá AAKOÓ MUNGÚ wa ale.

YEREMIA 14:8

Kuúng kilók an harahhifór múk Israeli, kuúng an ba/amusmoorén qoomár slahh'amaayero, ahaá, kuúng baré a adór dahaaymo baraá yaamuurene, a adór heé waaraáhh oo aa qaat xweeraá wake.

RUTI 2:12

Gawaá tisíng taa tlehhiti AAKOÓ MUNGÚ bu'utuuwók ngu haniisi. AAKOÓ MUNGÚ, MUNGÚ Israeli bu'utuú yaariír ngu haniisi, kudá' kiíng taa i góp as kiíng iwa xun.»