DAA'AANGW 5:7 - Biblía Axweesantá Hhohho' ar Mungú 2004

⁷ Xuumuusér gixsár xuum ina aán qoomár tawa gixsár harwediiti. Iri muxiyé' nee iri gweehhiné'. Xuumuusedár afkú gixsa iri sheela hayót.

DAA'AANGW 5:7 Iomraidhean Croise

WARA'AMI 141:5

Heé ganaá' án i slahhi, asma i gurbuu' ar sla'aari. Ala aníng a ya/aamaaká múk tlákw iwa iimbalaaxi. Asma án daqisleém firo aga mawiiká, as tlehhmi'ii'ín awa tlakw ngiwa sií'.

DAA'AANGW 3:3

Xuumuusér gixsa ina aán, qoomár inooín tawa harweeriirin baraá gixsaro. Naagáy ngiri yaahaás, «Xáy heedaádá' muunaáeé' i slai ngwa aandí'i?»

DAA'AANGW 5:6

Sla'aarusmooeé' nguri dó' i gweér, ala laatí sla'aarusmooeé' aa qaroó diya/aát. Muunaáeé' ina qwalaá/ qoomár iwa axweesi. Una leeleéhh ala ugwa slawiiká, una ateét ala aa ooinká.

DAA'AANGW 5:8

Aníng kuungá' /ameenár Yerusalemu nu firiím, sla'aarusmooeé' burngwa aandé' ádbawaak adór sla'aari ira slahh'és.

DAA'AANGW 8:11

Solomon i qaymór sabiíbuú kón dír yaamaá ta babay Ba'al-hamoni, nee gana koomaauús dír xuumuuse, umuú heewo gár aa buú' a parhheemaá peésa awa kumuú wák.

ISAYA 3:23

nee tlabaá /aankwetsuú laqaaqama'a, nee tlabaá taa kitaánír tleehhi, nee warqamaá sageero, nee sheélaro.

ISAYA 62:6

«Aá Yerusalemu, aníng xuumuuse aga qaás gawaá koo/irók, tlaatla/aangw nee xweeraawo i baloó xasliitiaaká.» Kuungaásingá' AAKOÓ MUNGÚ inslawtimisá' ma baloó lakiitara'.

HOSEA 6:5

Gawaá adoorihe án kuungá' naa tlaáq ar afér aaruuse, nuna tsuú/ ar axweesantá afkueé', sakwasleemar'eé' i gaansliín adór gwa/aateema.

Matayo 23:2

«Intsaahhatuusér hara'ayár Mose nee múk Farisayowo taa iwiít gawaá kitángw Mose as hara'ayaarós kawa alki/iiti.

Luka 6:22

«Múk amohhoó' a kuungaásíng muu burna aáhh, nee burtunda baynitís dir'ine, tunduwa niqin, nee kuungá' burtunda sií' adór gár tlaákw wa ale asma Garmoó Hee.

Yohana 16:2

Kuungá' tundu baynitis dír maraá saalingo. Slám qooma i hardát ar umuúqo heewo oo kuungá' nu tsuú/, ngiwa xui i Munguú sagadiyuus.

2 korinto 11:13

Asma múk adoorí a ya/abuusér loeeká, ala a ya/abuusér lama. Inooín a múk gadiyér tleéhh ar al/ayma, nee slám inooín kilooín tin slaqsoó ya/abuusér Kristó tlehhiitiyá'.

Filipi 3:6

Ilakaaharu una ló'wa tleéhh gawaá daanduú hara'aya ooharo, tam múk kríshaanáy nguri slahh'eemiís. Geera barnaxes hotaá ganaa'á' kin slaslaya ar hara'aya boo/eesa, geera alók aníng ti xaslxaansli wásl.

Ebrania 12:2

Atén gár tiwa hariím masók a Yesu un ga/aawaán umuúqo siiwaro. Asma inós an iimu/úngw haratlintaaoorén, nee slám inós haratlintaaoorén ga boo/ees. Inós qwal/uudá' gu daamaaraám guna ár. Gawaá adoorihe gwa'arár msalaába gari qiqtlín, tam murér gwa'arár adoorí ga gaárií xuiiká. Nee hamí aa iwiít bihhaá dákw doó /iyáy oo kitangwduú aleesleemu oo Mungú.