DAA'AANGW 5:6 - Biblía Axweesantá Hhohho' ar Mungú 2004

⁶ Sla'aarusmooeé' nguri dó' i gweér, ala laatí sla'aarusmooeé' aa qaroó diya/aát. Muunaáeé' ina qwalaá/ qoomár iwa axweesi. Una leeleéhh ala ugwa slawiiká, una ateét ala aa ooinká.

DAA'AANGW 5:6 Iomraidhean Croise

IIMU/UUNGW 42:28

Hhaeewós giri báy, «Peésar'eé' baré kinga ki/ís, i baraá afkú mayshór'eé' i dirí'!» Daeero niri hasla'amiitiyé'. Tiri kilooín harawarqayé', tari daaraáx ta kaahi, «Gaarí a milá Mungú naa atén i tleéhh?»

2 SAMUELI 16:10

Ala waawutmo iri oó', «Xáy, gaarí a milá ar baraá tla/ángw aníng nee kuungá' daaqoó Serúya? Barnaxes AAKOÓ MUNGÚ inós gwa báy, ‹Daudi lu'usek, heé gu yaahaás a heemá oo gu báw, asma milá adoorí mara tléhh?› »

WARA'AMI 28:1

AAKOÓ MUNGÚ, án kuúng u i /aa/amiím, kuúng a dír guway'eé'. Iiárií qaasáng ma xasliitaar. Bira mu/aywatsiká, aníng a slaqás, nee mukdá' aa qaatl iri /eét baraá gi'i.

WARA'AMI 30:7

AAKOÓ MUNGÚ, kuúng gurhhooaroge aníng ina tlaa/a tléhh. Ala kuúng tari ilaaeé' wá qwát, án niri amoqwaqwadiím.

WARA'AMI 69:3

Aga slaaqaát /aa/eewo, hheehhar'eé' aa kát, Munguúeé' una damraaraám, ilaaeé' nay maa/uutiyé'.

WARA'AMI 77:3

Qoomár niwa Munguú inslaslaw, nari amoqwaár. Qoomár nguwa aldakuut, nari mune sií'.

WARA'AMI 80:4

Xáy AÁKO, Munguú Aleesleemusmo, ay xaylá firór mukók kas qa/iimit?

AXWEESANOÓ SAGALOOA 1:28

baalaadae aníng in atetá', ala a ooimaaká. Iri leelehhitá' ar ilakaahara, ala i aanda'aaká.

DAA'AANGW 5:2

Ana guú', ala muunaáeé' aa guiiká. Naxés afór sla'aarusmooeé' i afkú do' wa ateetiín. Afkú do' gweereek, hho'or'eé', sla'aaruso'or'eé', hhookir'eé' ar dakuús wasl, sagw'eé' aa naá/ har'uuwo, se'engw'eé' aa naá/ har'uú xweeraawo.

DAA'AANGW 5:4

Sla'aarusmooeé' dakose afkú do' nguwa kwatiít muunaáeé' iri ló'wa qwalaá/.

DAA'AANGW 6:1

Xáy, /ameenír ló'wa hhoohhoo', sla'aarusmoowók amór aa káy? Xáy, sla'aarusmoowók amór aa xuú' a amoomá as tawa dinku'usaan leelehharo?

ISAYA 12:1

Baalaadae kuúng an o', «AAKOÓ MUNGÚ án kuúng u sluufmiís, asma tam geeraawo aníng iga i buuhhi, buhhtaawók iga meér, nee aníng iga gurkwa/ás.

ISAYA 50:2

Ahaá waáy, qoomár niwa hardáh heé naa didií áw mis kaahh? Qoomár niwa ateét heé aa ooin mis kaahh? Xáy, dakw'eé' ku ququmaáre ba/amisa gari aslayká? Laqaá aníng /uuruú nir ba/amis u koomaakáhe? Ga/aawaak, tlawi ngiwa i gahhaát, ma'aay niri kahiyé', yaae ngiri yaamaá xaanxay tleéhh, siyó iri diíx as ma'aay ngiwa dakuús nee ina qaátl as waxe.

ISAYA 57:16

Aníng a kumitaaká muk'eé' lu'umisuuwo sleeme nu i buhhaaká daqisleém, asma geeraawo qeereemaaká' naa tleéhh, kuká' naa slafíngwí haniís i dír geeraaeéní nusqumiitiyá'.

ISAYA 58:2

Tam adoorihe umuú deelooro in i hardarahiyá' iwa firirina' nee loohir'eé' xu'utiro ngiwa slaiya', baré kwaáo' inooín an xoorór hota ganaa' nee ar dabér Munguúín gaa si'ká. Inooín aníng in slaiyá' kwasleema ngiwa adór ganaá' ar tsaat, nee kwaáo' Mungú nguwa i tseewuya' ngi slaiyá'.

ISAYA 8:17

AAKOÓ MUNGÚ un daamaaraám, kudá' aa nahhaat dír xwaylár Yakobowo, inós un harahhiíf.

WA/AA/I 3:8

Tam aga /aa/amiimi as alee/isaay nguwa fiririim, ala inós firor'eé' axaasaro gana sií'.

HOSEA 5:15

Aníng an kií/ dír kitangw'eé' tin paraátl dir'ine, ay dír tlakweemaaín ngay gwadidina' aníng iri leelehhtuú ayá', slahh'amu giri intsaahhatis aníng iri leelehhiyá' tawa kaahi.

HOSEA 5:6

Inooín ta tláy nee bee/aangw'ine nee hikwaaine as AAKOÓ MUNGÚ kuwa leelehhtuú ay, ala ngu ariiaaká. Asma inós taa paraátl dir'ine.

SEKARIA 7:13

Adoodá' anuú AAKOÓ MUNGÚ Aleesleemusmo inooín ngira ateetiím niri axasi'iiká, inooín sleeme aníng i ateetiyá', ala aníng i iiárií qaasaaká.

Matayo 26:75

Petro /aymuudá' Yesu aa oó' guri insláy, kudá' iwa káh, «Konkomo iwa uui, án kuúng iga sagaáwa tám wa satlank.» Petro iri tsee/ií ti'iít, iri ló'wa /aa/amín.

Marko 14:72

Naxés siiwadár kilae konkomoó tsár iri uú'. Petro adoodá' Yesu geeraawo ngwa báy gari insláy, tidá' nguwa báy, «Konkomoó tsár iwa uui, án kuúng iga satlánk sagaáwa tám wa ale.» Adoodá' ngiwa insláy, hhirhheeri gay ku'uús.

Geehhoeemaá 3:19

Mukdá' sleémeero aníng ni slaa' un iigahhamiít nee un muúx. Gawaá adoorihe kuúng ilakaaharu tleehheek, hhu'u'uúm.

1 SAMUELI 28:6

Saulo AAKOÓ MUNGÚ guna firín gawaá daanduú tihe, AAKOÓ MUNGÚ gwaa mu/aywatsiiká ar loohír tlata laqaá ar iso nee ar aaruuse.