DAA'AANGW 5:16 - Biblía Axweesantá Hhohho' ar Mungú 2004

¹⁶ Afkós aa haáts axweesantá tsuua. Ar ló', ku hhoohhoó', Naagáy adoorí an adór sla'aarusmooeé' i dirii'i, aá /ameenár Yerusalemu.

DAA'AANGW 5:16 Iomraidhean Croise

2 SAMUELI 1:23

«Saulo nee Yonatan a sla'aarusér taa ló'wa sla' baraá hotaaine, tam qoomár slafiingw nee qoomár gwa'araro taa paraatli'iiká, inslahhemaawo a adór gwares, eeít, ta /uureemaá kón adór direeri.

WARA'AMI 119:103

Axweesantók aga tsaáq i tsú', i nuqnúq adór danuú ba'ari ba/a.

WARA'AMI 148:13

Kuká' sleémeero umuú AAKOÓ MUNGÚ ngu xirfayeesiye', asma umuuwós kun ak úr ta umér hatlae, xirfuuwós yaamu gaa waaraáhh nee dooriwo.

WARA'AMI 19:10

Tam kari waatlakwés ta sahaábuwo, ta sahaábuú ló' wa hhoohhooe. Nee i nuqnúq ta xaaramtá danuhe, ta danuú /aamiro.

WARA'AMI 45:2

Kuúng tu ló'wa hhoohhoó' ta múk hatlae. Ar afkoge axweesanoó tsuuqaá huwahuúw un kát. Gawaá adoorihe Mungú kuúng ugwa tsuúq ay alhhe'eesay wasle.

WARA'AMI 89:6

Xáy, a heemá heé nee AAKOÓ MUNGÚ qoomá' gawaá dooriwo? I kaahh tam oo wák baraá dooriwo oo nee kuúng qoomá'.

DAA'AANGW 1:16

Sla'aarusmooeé', kuúng tu ló'wa hhoohhoó', kuúng tu ló'wa hhoohhoó'. Qatanirén a gitsór hiririi'.

DAA'AANGW 1:2

Kuúng, afkoge aníng na ma'aasáng! Asma sla'aarirók i tsú' ta difaáiro.

DAA'AANGW 1:5

Aá /ameenár Yerusalemu, aníng ti ló'wa boó/ ala ti hhoohhoó'. Ti hhoohhoó' adór heemadaá Kedari, adór inqwaruú Solomon.

DAA'AANGW 2:1

Aníng a adór /ayito'ór baraá xatstá Sharoni, a adór /ayito'ór baraá xatstí dirii'.

DAA'AANGW 2:16

Sla'aarusmooeé' a kwe'eé', aníng a tós, inós bee/aangós gun de'én baraá /ayór wa alé,

DAA'AANGW 2:3

Sla'aarusmooeé' baraá tla/ángw daaqaywo a adór xa'anoó tofaá'a oo baraá tla/ángw darma, aníng a qwalalaá/ niwa huungu/uus dír mahhtirós, nee mamuuwós bira tsaáq i ló'wa tsuuiyá'.

DAA'AANGW 4:3

Slufoowók a adór hhutlmoó daa/aát. Afkók u ló'wa slaá'. /Uuntle'eeriiwók baraá sheélaroge a adór kaeemaá tsár awa mamito'ór komamaánga.

DAA'AANGW 6:3

Aníng ar sla'aarusmooeé', nee sla'aarusmooeé' a kwe'eé', Inós i bee/aangós de'én dír /ayór waariídír wa ale.

DAA'AANGW 7:9

Afkók a adór difaáír tsuu'. Gimáy daxta difaái i wa/ ay dír mulqumooeé'. I gawaá slufoowós nee sihhinaawós ar wa/.

YEREMIA 15:16

Aníng axweesantók ana sláw nee ngiri /aáy, axweesantók aníng iri qwal/atís, nee muunaáeé' guri sla'atís, asma aníng tawa kók, aá AAKOÓ MUNGÚ Aleesleemusmo.

YEREMIA 3:20

Ala daanduú tihe, kuungá' xoorór Israeli ana inkihhimu waslesé' dir'eene, adór harér inkihhimu wasl i tlehhaahhit dír hhawaatuuwose. Anuú AAKOÓ MUNGÚ tí ngina oó'

HOSEA 3:1

AAKOÓ MUNGÚ ina báy, «Tláw malé ale, /ameenír hhawaatuú hatlá' i slai slaeek, inós a fuquso'o, asma adoorí an adór AAKOÓ MUNGÚ múk Israeli ngura slaá', inooín tam ngwaa geexay'i munguaá' hatlá' ngiri i warqayé', nee ngiri mikaátér sabiíbuú kaaharén i hanmiisiyé', aluuwo inooín mikaáteedá' ngiri haayusiyé'.»

Galatia 2:20

Aníng daxta a slafaaká, ala Kristo in slaaf baraaeé' wa ale. Slafiingwí nir hoot baraaká' yaamuwo a kudá' nir hoot baraá haratlintaaór Garmoó Mungú nguwa haratlintii'. Asma inós aníng ina slaá', slafiingós guri haniís as aníng.

Filipi 3:8

Ala a muruuwí kiloseká. Mura' sleémeero un harafadiít tawa /aareemaá kilá' asma Kristo Yesu Aakooeé' nguwa xuú', gaarí a gár afhhamít ta muruú hatlá' sleémeero ba/a. Mura' sleémeero una geexáw as inós, mura' sleémeero una harafaár tawa xwaansloó tawo, as kahhó' Kristo nguwa slaw,

Yakobo 2:23

Gawaá adoorihe Gooidá' iri bó/, tidá' aa kat, «Abrahamu Mungú guna haratlintií', inós kuri gan'amuú i harafaár as haratlintaao,» slám inós kuri báy a mulqumoó Mungú.

Yakobo 4:4

Kuungá' fuquúse, kuungá' kaangwí u xua'aakáhe? Hee bar mulqumoó múk aa haratlintii'iiká, inós a wakusmo dír Munguhe. Gawaá adoorihe heedaádá' mulqi'iimár tlehhiít dír múk aa haratlintii'iiká, inós tin wakusmoó Mungú tlehhiit.