DAA'AANGW 5:15 - Biblía Axweesantá Hhohho' ar Mungú 2004

¹⁵ Ya'aawós a adór uheemaá alabásta, kudá' taa foól baraá iihhafiirír sahaábu, slaqsaywós a adór Lebanoni, ki gawden adór xaa'aá sahhta.

DAA'AANGW 5:15 Iomraidhean Croise

1 WAAWITÁ 4:33

Kángw xaai guna káh, iimír sahhtír yaamaá Lebanoni nee xa'anoó ta bay hisoópo, kudá' koo/ír do' gaa alti'iit, slám kángw daanduú makaay guna axweés nee oo tsir/ooro nee daa'aweemaá makaá qanhhuumisá' nee kudá' tseerdu tsatsaa'aren nee siyó.

WARA'AMI 80:10

Tlom'i kina tuuntuúk ar mahhátuuwós, haleemiiwós a adór miereésír Mungú.

WARA'AMI 92:12

Múk hota ganaá' in slu/uubín adór slaansli, iri uraráy adór miereésír Lebanoni.

WARA'AMI 92:13

Kwaa dahaás baraá Doó AAKOÓ MUNGÚ, nin slu/ubibiná' baraá Doó Munguúrén wa ale.

TI'INAANGW 26:19

Muqslár peésa ar mibeeri tsiyáhh ka yukumáy waá tléhh ar ta gwe'eedér sihhteeridá' wa qaasi, umuúqo sihhtamoowo a muqsla tsár as tlaqafuudá' tsár oo sihhtamo nguwa ot.

DAA'AANGW 2:14

Aá hhookir'eé', tidá' aa nahhat baraá mar'ír tlaa/a, baraá lu/aroó mar'i, qwaláng aníng gitsee/aawók i ár, nee afoorók ngi axaás, asma afoorók i natsaatsá' nee gitse/aawók i sla'atimisiyá'.

DAA'AANGW 4:11

Afkók i danuú paahhamiis, aá sla'aaruso'or'eé' ar ni duxuut. Tsifraangók danú nee ilwaawo gi kón. Mooyángw tsuú' oo tlabaawók a adór mooyángw Lebanoni.

DAA'AANGW 7:4

Istók a adór doó taa xareemaá daaweér ar tleéhh, ilaawók a adór tlahhesaá ma'aay awa gixsár Heshboni kudá' bihhaá afkú gixsár Bet-rabi i tseewá'. Duungaawók ki hhoohhoo' adór /aampár Lebanoni, tidá' nee gixsár Damasko ti ga/aawá'.

WA/AA/I 4:7

Geeraharuuseerós ka hhohho' ta tlaa/aá tluwaywo, ka /awak ta ilwaawo, slaqooín ki da/aten taa nyaányuwo, ki tsataari hho' adór tlaa/aá sirbo/.

ESEKIELI 17:23

Eeít, aníng a haátl gawaá ságw tloomár tleer ar múk Israeli, as /ayo nee mamu ngiwa laqwal. Inós tay xa'anoó hhoohhoó' oo sahhti, tsir/ór kal'aá yaariir iri mahheetús baraá gamnaangós wa alé, slám mari ngiri tleehhiyá' gawaá haleemaawós.

ESEKIELI 31:8

Dír sahhtár baraá asalmoó Munguhe ar ta inósár alqoomeesi i káhh. Tam /aantsí nee haleemiiwós ta qonká. Tam xa'anoó ta babay miamoóri haleemi gi konká adór inós ar alé. Tam nee xa'anoó hhohhoaariro slaqmís baraá asalmoó Munguhe i kaahh.

HOSEA 14:7

Inooín ni ki/iyá' niri iwitiyá' baraá mahhtír'eé', niri slu/ubibiná' adór angaánoó baraá qaymo, niri /ayuusiyá' adór sabiíbuú wa ale, mooyangw'ín tari adór kuduú difaáír Lebanoni.

SEKARIA 9:17

Xáy parootirós i hhohhoaaeér, daaqaay nee dasuuwo slaqo ngin tlehhiitiyá' ar balángw yaariír nee difaáír /aben.

Matayo 17:2

Kalaywós iri geeraaín wa warqáy. Gitsee/awós niri gwa/aatiyé' adór tsee/amá. Inqwaruuwós iri ló'wa /awkuukúy, iri mirarií/.

Matayo 28:3

Gitsee/aá malaykamoodá' a adór mankari, nee inqwaruuwós ku ló'wa /awák adór tlaa/aá tluwaay.

Tlehhema'aá ya/Abuuse 2:28

Loohír amór slafíngw kaw nga aníng i xu'utís. Aníng a haáts qwal/uwo, asma kuúng a dir'eé' dirí'.› »

1 Timoteo 3:16

Ar ló', naaqór haratlintaaoorén ka ló'wa ur. Mungú kuna geehhooatís ar slaqsoó hee. Gan'amuuwós kuna laqán nee Qeeru. Inós kuri ár nee malayke. Kaangós kuri alki/iít dír xoorduuwo, inós kuri haratlintií' baraá yaamuwo, kurir tláy gawaá doori.

HAR'OHUUSE 13:6

/Ameenidá' iri tleér hhawaatuwós guri ádbeér iri ó', «Heeko Mungú nina dir'eéní hardáh, inós slaqsaywo a adór malaykamoó Mungú, inós a heé dae tlaáq. Aníng sleeme ugwa yaahasiiká amór i dahhi, sleeme umuuwós ngwa ooiiká.