DAA'AANGW 5:13 - Biblía Axweesantá Hhohho' ar Mungú 2004

¹³ /Uuntle'eeriiwós a adór /ayór ta bay rihaáni A adór asalmoó mooyángw tsuú' oo manemánero aa haats. Slufoowós a adór /ayito'ór maamáy, aa naá/ manemánér yaariire.

DAA'AANGW 5:13 Iomraidhean Croise

WARA'AMI 27:4

AAKOÓ MUNGÚ ugwa firiím gár wake, hamí a tí ni leelehhiit. Masók a hoót Doó AAKOÓ MUNGÚ wa ale deelo sleémeero baraá hotaarir'eene, hhohhoartá AAKOÓ MUNGÚ ngiwa ga/aw, nee sla'aarirós ngiwa yaahamiis baraá Do'ós wá aleeró.

WARA'AMI 45:2

Kuúng tu ló'wa hhoohhoó' ta múk hatlae. Ar afkoge axweesanoó tsuuqaá huwahuúw un kát. Gawaá adoorihe Mungú kuúng ugwa tsuúq ay alhhe'eesay wasle.

WARA'AMI 45:3

Lawaalaarók qaaseek gawaá suuma, kuúnguusuú ilakaahaár, xirif a kók nee uraywo!

WARA'AMI 89:15

AAKOÓ MUNGÚ, múk amohhoó' a kudá' kuúng u sluufmiisá' ar daa'ángw bara/, kudaádá' hootá' baraá loohír gwa/aateemaawók wa ale.

DAA'AANGW 1:10

Tlaaqarmaawók ki hhohho' as parooti, Nee istók ka hhoohhoo' as himtuú taa tleéhh ar tla/aá tlaxo gawden.

DAA'AANGW 1:16

Sla'aarusmooeé', kuúng tu ló'wa hhoohhoó', kuúng tu ló'wa hhoohhoó'. Qatanirén a gitsór hiririi'.

DAA'AANGW 2:1

Aníng a adór /ayito'ór baraá xatstá Sharoni, a adór /ayito'ór baraá xatstí dirii'.

DAA'AANGW 3:6

Garqá' a milá baraá xaanxoó daahh, adór tsángw quui oo aa sihhiit. Tidá' mooyángw manemáne, hee mooyángw tsuú' iwa tlatlay, tidá' ta weeramiisi nee halanuuse.

DAA'AANGW 4:11

Afkók i danuú paahhamiis, aá sla'aaruso'or'eé' ar ni duxuut. Tsifraangók danú nee ilwaawo gi kón. Mooyángw tsuú' oo tlabaawók a adór mooyángw Lebanoni.

DAA'AANGW 5:5

Ana sihhiít, sla'aarusmooeé' nguri afkú do' i gweér. Dabaaeé' nina hatsiyé' mooyángw manemanero, nee gawaá ditsaeene mooyángw manemane i taxán. Qoomár niwa afkú doó bura duxuum.

DAA'AANGW 6:2

Sla'aarusmooeé' aa baraá asalmoowós káy. Didaádá' /ayór ta bay rihaáni ki dahaás. Inós i bee/aangós de'én nee i /ayór waariídír burumburín.

ISAYA 50:4

Aakoó MUNGÚ aníng iga intsaahhatís axweesantá qooma as múk a diqay tsatmiit nguwa /uurií haniís. Umuú matlaatleero in tleemiis as nguwa iiaárií qaas gawaá tidá' iwa intsaahhatimisi.

ISAYA 50:6

Daanda una amór kudá' i muxá' xu'ús tlaaqarmaaeé' ina amór kudá' daamor'eé' tu/uumá' xu'ús. Gitsee/aaeé' iga lu/iiká dír kudá' aníng i mureekeemisa'a nee i nintsimita'a.

Luka 4:22

Axweesantós giri qwal/ás, axweesantá gurtleemu tidá' aa afkósár axweés kari waa/oó/, tay káh, «Kwí a garmoó Yosefuwookáhe?»

Geehhoeemaá 21:23

Tsee/amá nee slahhaangw gixsarí gár ngis i gwa/aatiya' i káhh, asma xirfuú Mungú i baraadá' wa gwa/aat, nee tsaa'astós an Deelmoó bee/i.