DAA'AANGW 5:10 - Biblía Axweesantá Hhohho' ar Mungú 2004

¹⁰ Sla'aarusmooeé' ku ló'wa hhoohhoó' nee in /uuruú kón. Inós ku iia tleér tla/ángw hhawaataá kumér mibaango.

DAA'AANGW 5:10 Iomraidhean Croise

WARA'AMI 45:17

Umuuwók in iiaatleerúy baraá qari sleémeero as aníng. Gawaá adoorihe xoordu kuúng uri xirfayemiisiyá' ay kureerisleém.

WARA'AMI 45:2

Kuúng tu ló'wa hhoohhoó' ta múk hatlae. Ar afkoge axweesanoó tsuuqaá huwahuúw un kát. Gawaá adoorihe Mungú kuúng ugwa tsuúq ay alhhe'eesay wasle.

DAA'AANGW 2:1

Aníng a adór /ayito'ór baraá xatstá Sharoni, a adór /ayito'ór baraá xatstí dirii'.

ISAYA 10:18

Gartós tidá' xiríf nee qamaá mamaá yaariir AAKOÓ MUNGÚ gin hhaamiis, iimír baráy wa oohang ay gawa, slaqás adór heé tiqti aa alhhe'és gaasaro.

ISAYA 59:19

AAKOÓ MUNGÚ kuri ilaiwawaa/ bihhaá /uwawo, bihhaá da/awe xirfuuwós kuri tsaahh. Asma inós ni hardah adór yaaér hi'iit ar gaanslaay. Yaaér taa dúk nee fur'ár AAKOÓ MUNGÚ.

ISAYA 66:19

«Aníng laya an qaás, baraá tla/angw'ín, dir'ine awa na meetiye' ngiri huúw baraá xoordu, amór Tarshishi, nee amór Puti, nee amór Ludi kudá' ga/aldaá xuá' tlaqutuwo, nee amór Tubali, nee amór Yowani, amór ayeemoodá' sawen awa afaá tlawi kudá' handá' kangw'eé' ngwa axasi'iiká nee xirfuueé' ngwaa ari'iiká. Amoodae muk'eé' xirfuueé' guri alki/iit dír xoordu.

WA/AA/I 4:7

Geeraharuuseerós ka hhohho' ta tlaa/aá tluwaywo, ka /awak ta ilwaawo, slaqooín ki da/aten taa nyaányuwo, ki tsataari hho' adór tlaa/aá sirbo/.

Rumi 9:5

Inooín a laqwalór baabi'iidá' aáng. Nee Kristo dír naa daáhh a baraá tlahhay'ín xwaylár slaqwto. Inós a Mungú mura' sleémeero gu baliít. Inós i xirfuuti ay alhhe'eesay wasle. Amin.

DABE 32:31

Looeemaawo tlaa/ar'ín an adór tlaa/areneeká, tam wakuuseerén adoorí gana kilooín ó'.

Kolosai 1:18

Múk kríshaanáy a slaqwtós, nee inós a saga. Inós an iimu/úngw kríshaanáy. Inós an kudá' naa geerií waaslee/ baraá múk aa qaátl wa ale, as inós iwa iimu/úngw umuúqo gaa tleehhiti.

Ebrania 2:10

Mungú an kudá' mura' sleémeero gwa tleehh, nee slám inós an kudá' mura' sleémeero gu amohhe'eemiís. Slám Mungú gana slaá' na/aá yaariir ngiwa hardahaasi dír xirfií alé. Gawaá adoorihe, dirose a gár hariim Yesu nguwa bu'utisi ar loohír slahh'amaaye. Asma Yesu an kudá' muu gu geerahaár amór ba/ama.

Ebrania 7:26

Gawaá adoorihe Yesu an kaahamusmoó úr oo Mungú oo atén ti gaa wa buú'. Asma inós ku hhoohhoó'. Nee slám inós i tlakweemaá konká, nee i xaslxaanslír konká. Nee slám kwaa paraátl dír tlakuuseero, nee kwaa tsa/aás kway harwaarahhaás doori sleémeerowo.

1 SAMUELI 16:12

Yese hee guri ya/aaw, garmaadá' kunguri amor'íní huúw. Garmaadá' a heé slaqwa hhoó', ku ila hhohhó', slaqwatós ka tsataari hho'. AAKOÓ MUNGÚ iri oó', «Kwí an kudaádá', gím sihhiít iimbalaxeek di/to.»