DAA'AANGW 5:1 - Biblía Axweesantá Hhohho' ar Mungú 2004

¹ Aníng an dáh baraá asalmooeé', hho'or'eé', sla'aaruso'or'eé' ar ni duxuut. Manemáner'eé' nee muruú mooyángw kooma un burumburiím, xaaramtaeé' ar danú a /aáy a difaáir'eé' nee ilwaaeé' wahaám. Mulqer'eé', /ayiimé' nee wahaamé', wahaamé' ló'wa ale, sla'aaruuser'eé'.

DAA'AANGW 5:1 Iomraidhean Croise

IIMU/UUNGW 37:25

Tari iwiít as tawa /ayin. Naxés tawa qaytsiít, múk Ishmaeli kuna ár oo aauuse, naa hardáh, ta yaamaá Gileadír daahh. Inooín a múk halaanu'uumár tleéhh. I angamíar'ín koná'. Nee muruuín kudá' ta weerimiisi angamía gun loohís. Gár i kona' a moqoonjó nee garka mooyángw tsuú' koom qoomár barka daá/, nee mooyangwko ta babay manemane, kun yaamaá Misrír i huuw.

WARA'AMI 147:11

Ala AAKOÓ MUNGÚ múk i saqwalaala/i a kudaádá' inós gu ilaiwawaá/, kudaádá' sla'aarirós ar warqawaaká ngi harahhifá'.

WARA'AMI 16:3

Múk hhohhó' oo baraakaá yaamu an múk afhhamít, inooín aníng i sla'atimisiyá'.

AXWEESANOÓ SAGALOOA 24:13

Garmaaeé' danú /ayeek asma /aymaaro i qón, tam duwaá xaaramtá danú i tsuuiyá' bira tsáq.

AXWEESANOÓ SAGALOOA 9:5

«Qwaláng muruú /aymar'eé' awang, nee difaáir'eé' tí naa tleéhh wahtá awang.

DAHARUSMO 2:5

Asalmo una doósl, xaa'aá mamaá dimbadiimbé ina dahaás.

DAA'AANGW 1:13

Sla'aarusmooeé' gawaá da/ewaaeene a adór tlakoó manemánér koóm dir'eene.

DAA'AANGW 4:16

Fur'ár bihhaá /iikú daahh, fukuku'uutáng. Qwaláng, fur'ár bihhaá basa, fukukuú' ar gawaá asalmooeé'. Mooyángw tsuú' yaamuuká' ngi aleetsati. Sla'aarusmooeé' ni hardihi baraá asalmoowós i aleeró, mamuuwós kudá' hho' ngi /aymár ay.

DAA'AANGW 4:8

Qwaláng, Lebanónír wa tlawáng, sla'aaruso'or'eé' ar ni duxuut. Nee Lebanoni masók a mawaán, /eetáng gawaá tloomár Amana, gawaá tloomár Seniri nee Hermoni. Ti'iitáng baraá mar'ír dirango. Ti'iitáng gawaá tloomár dueemiwo.

DAA'AANGW 6:11

Aga dáh dír asalmoó xaa'aá ta babay miloósi as niwa harma/ór baraá qaymór artá aw. As ngiwa ar axáy xaa'aá sabiíbu naa /ayusií'i, nee axáy xaa'aá komamaánga naa /ayusií'i.

DAA'AANGW 6:2

Sla'aarusmooeé' aa baraá asalmoowós káy. Didaádá' /ayór ta bay rihaáni ki dahaás. Inós i bee/aangós de'én nee i /ayór waariídír burumburín.

DAA'AANGW 8:1

Tsiní geera kuúng bar hhiyaaeé', kudá' taa du'umiís nee aayor'eé'. Tam barnaxes nee kuúng taa tsee/ií doogaán un ma'aás. Tam oo wák oo xurumiít i kaahh oo ti waaqaá'.

DAA'AANGW 8:13

Kiíngadá' baraá qaymoórí dirii', mulqer'eé' afoorók gaa axás áx gimáy na'ás aníng sleeme a axaás.

ISAYA 23:18

Peésaadá' ni sleer kari paraatl as AAKOÓ MUNGÚ, peésaadá' ka batsiiká, laqaá ka amohhe'eesiiká, ala aqo har mukdá' AAKOÓ MUNGÚ ngu sluufmamisá' kilooín kan muruú /aymár yaariírár tlaaxw nee tlabaá hhohho'.

ISAYA 5:1

Aníng sla'aarusmooeé' u i daá'. Daa'ángw sla'aari daanduú qaymoorós ar sabiíbu. Sla'aarusmooeé' qaymór sabiíbu ga kón, gawaá sákw tloomár hhapér hhó' koom.

ISAYA 51:3

Asma AAKOÓ MUNGÚ Siyoni ga gurkwa/as, wa/angwdá' sleémeero a hhiturumiit un amohhe'eés. Darmuuwós un adór Edeni tleéhh, xaanxaywós un adór asalmoó AAKOÓ MUNGÚ tleéhh, qwala/ nee bara/uuwo niri deerutiyá' baraawose sluufaay nee afór daa'aangw kari baraawósí axaas.

ISAYA 53:11

Ala sagadiyusmooeé' mamaá slahh'amuú hhiintluuwós gi ar, iri hhe'ees. Ar fuqurángw sagadiyusmooeé' kudá' ganaá' múk yaariír kun gan'amú i harafaar, nee inós tlakweemaaín gin gagaar.

ISAYA 58:11

Daqaní umuú daqto anuú AAKOÓ MUNGÚ kuungá' nun geeraharahaár, nuri diihhooár i haniís, nuri /uurií doóg. Kuungá' tari adór asalmoó ta eemamisi, adór duxuú ma'aay kudá' baloó /oomaaká.

ISAYA 61:11

Asma adoodá' yaamu harma/o ngir duxaaxina', nee adoodá' qaymo gár taa baraá qaymórí dahaás ngir duxaaxiin, an adoodá' Aakoó MUNGÚ hotaá ganaa'á' nee xirif, ngir huwi dír geeraá xoordu sleémeero.

ISAYA 65:13

Gawaá adoorihe, Aakoó MUNGÚ i kaahi, «Ga/aawaak, sagadiyuuser'eé' i /ayiín, ala kuungá' qwari nu tsuu/. Ga/aawaak, sagadiyuuser'eé' i wahaán, ala kuungá' waxe nu fák. Ga/aawaak sagadiyuuser'eé' i qwalaalá/, ala kuungá' tundu mureekees.

ISAYA 66:14

Kuungá' a aandá' nee munerhúng iri qwalá/, faduuhúng /uureemo ngiri slayá' adór gitsór naa harma/, nee kari tsahhá' adór dákw AAKOÓ MUNGÚ tar dinkwa nee sagadiyuuseerós, nee buhhtaawós i gawaá daanduú wakuuseerós.»

Matayo 25:40

Waawutmo iri ooi, ‹Án a kah, umuúqo gaaro ar taa tlehhé' dír oo wák baraá hhaee'eé' kuká' ninakwe, a ngina aníng i tlehhé'.›

Luka 12:4

«Kuungá' mulqer'eé', án kuungá' nu baw, kudá' slaqo ngi tsu/á' mi da'ayumitaara', ala gár aluuwo tleehhamooro i aleeslaya' i káhh.

Yohana 3:29

Heé nee /ameenír ta duxuuti ti koomá', an heedá' duuxuxuúm, ala mulqumoó heedaádá' duuxuxuúm oo didaádí dirií', inós gun iiárií qamín, slám afór heedaádá' duuxuxuúm gan sa qwalalaa/. Gawaá adoorihe qwal/uueé' aa boó/.

Tlehhema'aá ya/Abuuse 11:29

Eeharuuse iri al'axwés iri ó', «Umuúqo heewo alee/isoó i aleeslay ngu haniisi, as kuwa huwi amór hhaeerén kudá' yaamaá Yudeár i diriiá'.»

Efeso 5:18

Kuungá' xuftár difaáiro ma kumiitara', asma slafingwhúng sleémeero u qwaaresá'. Ala masók tundun hatsiis Qeeruú hhoohhoó' oo Munguhe.

Geehhoeemaá 22:17

Qeeru nee dasiidá' ta duxuuti ta kaahi, «Qwaláng.» Nee heé adoodá' gaa axaas i ooi, «Qwaláng.» Nee heé aa waxiit ni hardihi, nee umuúqo heé ma'aá slafiingw gi slaá' ngi taataahhi awa bu'utu wasl.

HAR'OHUUSE 14:11

Qoomár muu ngiwa ár, masoombár mibeeraá tám kari didií burumbuúr as Samson nguwa hhaawisiyá',

HAR'OHUUSE 14:20

Hareerós tidá' kay haniís dír war/atuuwós.