DAA'AANGW 4:9 - Biblía Axweesantá Hhohho' ar Mungú 2004

⁹ Kiíng muunaáeé' ugwa qwal/ás, hho'or'eé', sla'aaruso'or'eé' ar ni duxuut. Qaytsitarók ar wák muunaáeé' gwaa qwal/atís, nee ar himtuuwók oo gawaá isa.

DAA'AANGW 4:9 Iomraidhean Croise

IIMU/UUNGW 20:12

A ló', inós a hho'or'eé', dasír baabuúeé', ala inós a dasír aayír'eeneeká, aníng ngiri duúx.

IIMU/UUNGW 41:42

Farao mungaywós kudá' gooirós koóm, guri duúx, guri dákw Yosefu i dahaás, kuri tlabaá taa tleéhh ar kitaánír hhohhó' i dahaás, nee himtuú sahaábu guri gawaá istá Yosefúí dahaás.

WARA'AMI 45:9

Dasuú waawitá i baraá tla/ángw amami'iiwók kudá' ilaiwa/uuse, bihhaá dakók oo doó /iyayhe waawuto'o aa sihhít, tsiitaywós a tsiitoó sahaábuú yaamaá Ofirír daáhh.

AXWEESANOÓ SAGALOOA 1:9

Asma muruuwí i adór slamángw sagók tleehhiit, nee adór himtuú gawaá istók.

AXWEESANOÓ SAGALOOA 6:25

/Ameeni ma ilaatleerusaar as kawa hhoohhoó', sleeme ma ya/amaar uwa ot ar hhamhhamaá ilaawós.

DAA'AANGW 1:10

Tlaaqarmaawók ki hhohho' as parooti, Nee istók ka hhoohhoo' as himtuú taa tleéhh ar tla/aá tlaxo gawden.

DAA'AANGW 1:15

Aá sla'aaruso'or'eé', kiíng ti ló'wa hhoohhoó', ti ló'wa hhoohhoó', ilaawók a adór kuqaá hhooki.

DAA'AANGW 3:11

Áx gimsé', qwalaasé', kuungá' awa /ameenár Siyoni! Waawutmo Solomon qaytár awaare'! Slamángw aayoorós aa tléhh ngwa dahaás bál deelór duuxoorose, deelór muunaáwós qwal/uwo iwa haáts.

DAA'AANGW 4:10

Hho'or'eé', sla'aaruso'or'eé' ar ni duxuut, sla'aarirók i ló'wa tsú', ka afhhamít ta difaáiro. Maraáshirók i mooyángw tsuú' koón ta mooyaangw sleémeerowo.

DAA'AANGW 4:12

Hho'or'eé', sla'aaruso'or'eé' ar ni duxuut, kiíng a adór asalmoó taa tseék. A adór asalmoó taa tseék, nee kutltá taa dugunií qaás.

DAA'AANGW 6:12

Niwa qaytsita, naxés mulquto'or'eé' iga qaroó húp dír gaárír heé úr.

DAA'AANGW 6:5

Axáy bihhi i qaytsiteek gár niinawe, ga/aweek, adór nir amoqwaqwadiím, se'eengók a adór daqooroó aara kudá' /ee/etiím baráy alé gawaá tloomár Gileadiro.

DAA'AANGW 7:10

Aníng ar sla'aarusmooeé', nee inós in ló'wa slaa'.

ISAYA 54:5

Asma tleehharusmoowók an adór hhawaatuwók. Umuuwós a AAKOÓ MUNGÚ Aleesleemusmo, nee kudá' hhoohhoó' oo Israeli an gweerusmoowók. Inós an Mungú daanduú yaamu sleémeero.

ISAYA 62:5

Asma adoodá' masoomo dasír /amaatliito'o ngir duxaxiti, an adór mukók yaamuuwók ngir aali, adór hhawaata dasiidá' aa duúx ngir saqwalaala/i, an adór MUNGÚ kiíng ir saqwalaala/i.

ESEKIELI 16:11

Iri parootuús ar tlaa/aá tlaxo ur, nee qutúr nguri dahaás baraá dabaawók, nee himta nguri dahaás baraá istók.

ESEKIELI 16:8

«Niwa malé kií/ nari bihhaawók ar waaraáhh iri ár, qoomaadae a dasír /amaatliito'o ar duuxo gaa eer. Iri tsiitiís ar tlawuueé', /aankwetsuuwók nguri luú/. Aníng nee kiíng al'axweesantá duuxo kari qaasaán as kiíng tawa harer'eé'. Anuú Aakoó MUNGÚ tí aga oó'.

DANIELI 5:7

Waawutmo Belshasa iri tseé' ar afór ur as qwaslaare kawa huwi nee da/aluuse nee qwaslaarér tsatse/uwo. Qoomár niwa hardihiyé', waawutmo giri báy, «Heé gooirí soómaro ga aleesláw nee gár i kat ngiri oó', ku tlabaá hhohhó' í dahaas awa sirda/aten, nee kun isa himtuú sahaábií dahaas, nee kun heé tám wa qaas baraá waawuti'iimaro.»

SEFANIA 3:17

Asma AAKOÓ MUNGÚ, Munguúhúng, i baraá tla/angwhúng i dirii'. Inós a migusmoohúng oo nu ba/amís. Inós kuungá' nu sa baraa/ ar qwal/uú úr. Baraá sla'aarirose inós kuungá' nun /abees. Afór daa'aangw gan tlees as nuwa sa qwalaala/i.

Matayo 12:50

Asma umuúqo heewo oo sla'aarír Baabuúeé' kuduú gawaá doori ga tleéhh, an hhiyaaeé' nee hho'or'eé' nee aayor'eé'.»

Yohana 3:29

Heé nee /ameenír ta duxuuti ti koomá', an heedá' duuxuxuúm, ala mulqumoó heedaádá' duuxuxuúm oo didaádí dirií', inós gun iiárií qamín, slám afór heedaádá' duuxuxuúm gan sa qwalalaa/. Gawaá adoorihe qwal/uueé' aa boó/.

1 Korinto 9:5

Ahaá, atén a hariimanaakáhe umuúqo dír ta kawana harér Krishaanto'o nee atén tiwa alkoomaan, adoodá' ya/abuuseedár hatlá' aa tléhh, nee hha'aá Aako, nee tam Kefa sleeme.

2 korinto 11:2

Aníng gura' iga óh as kuungá'. Guruuwí aníng iga oh, amór i dahhi a amór Mungú. Asma kuungá' a adór /amaatliito'ór hhoohhoo' ar taa kwatiitiiká. Aníng al'axweesani aga haniís, /amaatliito'oorí ngiwa haniis dír hhawaatuú wák. Nee hhawaatuuwí an Kristo.

Geehhoeemaá 21:2

Gixsadá' hhoohhoo' ngiri ár, Yerusalémúr /aben, i gawaá doorí wa awdít, amór Mungú wa ale. Gixsadá' kaa tsiitiís adór dasír ta duxuuti, ar taa parootuús as garmaadá' ga duxuút.