DAA'AANGW 4:8 - Biblía Axweesantá Hhohho' ar Mungú 2004

⁸ Qwaláng, Lebanónír wa tlawáng, sla'aaruso'or'eé' ar ni duxuut. Nee Lebanoni masók a mawaán, /eetáng gawaá tloomár Amana, gawaá tloomár Seniri nee Hermoni. Ti'iitáng baraá mar'ír dirango. Ti'iitáng gawaá tloomár dueemiwo.

DAA'AANGW 4:8 Iomraidhean Croise

1 WAAWITÁ 4:33

Kángw xaai guna káh, iimír sahhtír yaamaá Lebanoni nee xa'anoó ta bay hisoópo, kudá' koo/ír do' gaa alti'iit, slám kángw daanduú makaay guna axweés nee oo tsir/ooro nee daa'aweemaá makaá qanhhuumisá' nee kudá' tseerdu tsatsaa'aren nee siyó.

2 WAAWITÁ 5:12

Xáy, yaaér Abana nee Farpari kudaá Damasko a tsinihekáhe, ta ma'aá ya'aá yaamaá Israeliro? Xáy, aníng hamtlo a aleeslawakahe baraadae niri hhoohhooúw?» Iri tláy, iri waátl slám amorqae aa qaroó buúhh.

1 QOM'I 5:23

Tlaqtá tlahhoó Manase tidár bihhaá da/aáw ar baraadá' wa hoot, inooín tana doogín iimír Bashanír wa tleemu ay Ba'al-hermoni, ay Seniri nee ay tloomár Hermoni.

WARA'AMI 45:10

Dási, axaás, qaytsiít, iiarók qaaseek, mukók gunqaareeseek nee doó baabuúwók sleeme,

WARA'AMI 72:16

Balángw yaariír i hamaari baraá yaamuwo, ay gawaá tlom'i, bu'uungw /ar'i ngi lalay, mamuuwós ta adór kuqaá yaamaá Lebanoni, nee múk baraá gixsa i tlahhi adoodár gitso ir slu/ubibiin baraá yaamuwo.

WARA'AMI 76:1

Baraá Yudawo Mungú i xu'utiit, baraá Israeliro umuuwós ku qiitliiká.

WARA'AMI 76:4

Kuúng tu xiríf, nee tu aleesleemu yaariír, ta xirfuú tlom'aá urene.

WARA'AMI 89:12

Kuúng /iya nee basko ina tléhh, tlom'aá Tabori nee Hermoni u sa baraa/iyá'!

AXWEESANOÓ SAGALOOA 9:6

Iimiboo/arók tisíng maweek as tawa hot, hoót adór heé muruú tsatsahhaám.»

DAA'AANGW 2:13

/Aantsí mamuuwós gaa laqwál, nee sabiíbu i /ayumiis, slantá qoo tsuaiim in tlatleér. Qwaláng sla'aaruso'or'eé', tidá' aníng i sla'atimiis, qwaláng a quutlaán.

DAA'AANGW 5:1

Aníng an dáh baraá asalmooeé', hho'or'eé', sla'aaruso'or'eé' ar ni duxuut. Manemáner'eé' nee muruú mooyángw kooma un burumburiím, xaaramtaeé' ar danú a /aáy a difaáir'eé' nee ilwaaeé' wahaám. Mulqer'eé', /ayiimé' nee wahaamé', wahaamé' ló'wa ale, sla'aaruuser'eé'.

DAA'AANGW 7:11

Qwaláng sla'aarusmooeé', góh baraá qaymo. Góh a qatuú awaán baraá qamu.

ISAYA 62:5

Asma adoodá' masoomo dasír /amaatliito'o ngir duxaxiti, an adór mukók yaamuuwók ngir aali, adór hhawaata dasiidá' aa duúx ngir saqwalaala/i, an adór MUNGÚ kiíng ir saqwalaala/i.

ESEKIELI 27:5

Qwatsiruuseerók ina tléhh ar xaa'aá sunobari awa Senirír dahhá'. Peehhoó sahhta kuna feehhamiís as laamboó gan'ayén kuwa slay oo Lebanonír daáhh.

Yohana 12:26

Aníng hee bir sagadiyuus, i eehari. Daqaní didaádá' aníng ni diriia, an didá' sagadiyusmooeé' sleeme i dirii'i. Slám aníng hee bir sagadiyuus, heewí ku ilaiwawaa/ nee Baabá.»

DABE 3:25

Aníng kuúng un firiím ni waaraáhh yaaér Yordaniro, yaamuudá' hhoohhoo' awa bihhaá /uwa Yordaniwo masók i ár, yaamaá ló'wa hhoohhoo' awa tlom'aá hhohhó' koomá', dinkwa nee tlom'aá Lebanoni.›

DABE 3:9

Múk Sidoni tloomadá' ngin babaya' Sirioni, nee múk Amori ngin babaya' tloomár Seniri.

YOSHUA 12:1

Mukwí an waawituú baraá yaamuudií dirií', kudá' xoorór Israeli aa bál slaqwaraaro. Yaamuuín kiri aál nee xoorór Israeli iimír bihhaá da/aáw awa yaaér Yordani, ay duxuú Arnoni ay tloomár Hermoni, nee yaamu sleémeero awa bihhaá da/aáw awa Araba.