DAA'AANGW 4:7 - Biblía Axweesantá Hhohho' ar Mungú 2004

⁷ Ga/aaweek, adór tir hhoohhoó', sla'aaruso'or'eé', kiíng gár tiwa /aár i káhh.

DAA'AANGW 4:7 Iomraidhean Croise

WARA'AMI 45:11

as waawutmo daqaní hhoohho'ariirók gay waatlakwees. Asma inós a aakoowók, kiíng na i tumbarara'ateek.

WARA'AMI 45:13

Dasír waawutmo i baraá do', xáy i hhohh'aeér, tlabaawós an tlabaá taa tleéhh ar neewór sahaábu.

DAA'AANGW 1:15

Aá sla'aaruso'or'eé', kiíng ti ló'wa hhoohhoó', ti ló'wa hhoohhoó', ilaawók a adór kuqaá hhooki.

DAA'AANGW 4:1

Ga/aaweek, sla'aaruso'or'eé', kiíng ti ló'wa hhoohhoó', sla'aaruso'or'eé'. Ti ló'wa hhoohhoó', ilaawók baraá sheélaro a adór kuqaá hhooki, Se'eengók a adór daqtá aara ar /e/etiim gawaá tloomár Gileadiro.

DAA'AANGW 5:16

Afkós aa haáts axweesantá tsuua. Ar ló', ku hhoohhoó', Naagáy adoorí an adór sla'aarusmooeé' i dirii'i, aá /ameenár Yerusalemu.

DAA'AANGW 5:2

Ana guú', ala muunaáeé' aa guiiká. Naxés afór sla'aarusmooeé' i afkú do' wa ateetiín. Afkú do' gweereek, hho'or'eé', sla'aaruso'or'eé', hhookir'eé' ar dakuús wasl, sagw'eé' aa naá/ har'uuwo, se'engw'eé' aa naá/ har'uú xweeraawo.

FAARO 24:5

Kuungaá múk Yakobo, xáy heemaduuhúng i hhohhoaa'ayá' a adoomá? Nee dír hotangwhúng sleeme kuungaá múk Israeli.

Kolosai 1:22

Ala hám daxta kuungá' sleeme naa amoorósií haraki/ís ar Garmaawós. Asma Garmaawós ina hoót iri gwaá' as kuungá' nuwa amohhe'eesi, tawa sihhita' dír geeraawós i alé, tawa múk hhohhó' oo xaslxaanslír koomaaká, tam oo hhasaám wásl.

2 Petro 3:14

Gawaá adoorihe sla'aaruuser'eé', dír kuungá' tar muruuwí daamaraanda', ilakaaharu tleehhaak tawa wayduú koonda', nee tawa sihhita' dír geeraawós i alé tunduwa hhohhó' nee tawa múk xaslxaansli wásl.

Yuda 1:24

Mungú kuungá' nu aleesláy nuwa de'en as dukuutsmo munduwa tuú', slám nuri sihhitis dír geeraá xirfuuwós tawa múk xaslxaansli wásl, nee tawa múk baraá qwal/uú úr.

Geehhoeemaá 21:2

Gixsadá' hhoohhoo' ngiri ár, Yerusalémúr /aben, i gawaá doorí wa awdít, amór Mungú wa ale. Gixsadá' kaa tsiitiís adór dasír ta duxuuti, ar taa parootuús as garmaadá' ga duxuút.