DAA'AANGW 4:3 - Biblía Axweesantá Hhohho' ar Mungú 2004

³ Slufoowók a adór hhutlmoó daa/aát. Afkók u ló'wa slaá'. /Uuntle'eeriiwók baraá sheélaroge a adór kaeemaá tsár awa mamito'ór komamaánga.

DAA'AANGW 4:3 Iomraidhean Croise

IIMU/UUNGW 32:10

aníng a ló'wa hariimaaká hhooeemaadá' nee inkihhimuudá' sleémeero kuúng naa aníng i laqaandi, anuú sagadiyusmoowók. Asma yaaér Yordani ngiwa waaraáhh, gár ni koom i káhh, aqo har hhara kilós. Ala daxta a daqooroó tsár koóm.

ESRA 9:6

Niri oó', «Aá Munguúeé', án aga amooqwaár, a muruumiít gitse/aaeé' ngiwa amoorók i tlees, Munguúeé', asma tlakweemaarén ki yaariir nay hardihiyé' gawaá sageerén, tlakweemaarén nina dooginé' nay hardihiyé' gawaá doori.

WARA'AMI 119:13

Muruudá' sleémeero kuúng naa kát, aníng u malé oó' ar afór ur.

WARA'AMI 37:30

Heé hota ganaá', muruú sagalooa gun axwees. Nee afkose sakwasleemár ganaa' gan axwees.

WARA'AMI 45:2

Kuúng tu ló'wa hhoohhoó' ta múk hatlae. Ar afkoge axweesanoó tsuuqaá huwahuúw un kát. Gawaá adoorihe Mungú kuúng ugwa tsuúq ay alhhe'eesay wasle.

AXWEESANOÓ SAGALOOA 10:13

Múk tsaahhár koóm axweesany'ín oo sagalooa; Ala daanduú heé ia' wásl gár iwa harin a hhara.

AXWEESANOÓ SAGALOOA 31:26

Axweesanoó sagalooa gun ar axwés afkose Nee hara'ayár hho' ga koón.

DAA'AANGW 1:5

Aá /ameenár Yerusalemu, aníng ti ló'wa boó/ ala ti hhoohhoó'. Ti hhoohhoó' adór heemadaá Kedari, adór inqwaruú Solomon.

DAA'AANGW 4:11

Afkók i danuú paahhamiis, aá sla'aaruso'or'eé' ar ni duxuut. Tsifraangók danú nee ilwaawo gi kón. Mooyángw tsuú' oo tlabaawók a adór mooyángw Lebanoni.

DAA'AANGW 5:13

/Uuntle'eeriiwós a adór /ayór ta bay rihaáni A adór asalmoó mooyángw tsuú' oo manemánero aa haats. Slufoowós a adór /ayito'ór maamáy, aa naá/ manemánér yaariire.

DAA'AANGW 5:16

Afkós aa haáts axweesantá tsuua. Ar ló', ku hhoohhoó', Naagáy adoorí an adór sla'aarusmooeé' i dirii'i, aá /ameenár Yerusalemu.

DAA'AANGW 6:7

/Uuntle'eeriiwók a adór kaeemaá tsár awa mamito'ór komamaánga dír alaá sheélaroge.

DAA'AANGW 7:9

Afkók a adór difaáír tsuu'. Gimáy daxta difaái i wa/ ay dír mulqumooeé'. I gawaá slufoowós nee sihhinaawós ar wa/.

ESEKIELI 16:63

Aníng kiíng i gurtláw gawaá tidá' sleémeero taa tlehhi. Kiíng tidá' sleémeero taa tléhh bar aga insleér, tari waa/ó/, afkók kuri mutsuutsú' as mure, tay qitlká axweesántí ki/imawo. Anuú Aakoó MUNGÚ tí aga oó'.»

TLAHHOÓ LAÁWI 14:4

Naagáy kaahamusmo hara'aya gari oo' dír muu, as tsir/o tsár ar hhohho' ar slaaf kingiwa huwi, nee parhheemaá sahhta, nee se'éngw da/atén, nee halmír hisoópo, as heewí kuwa hhoohhooeesi.

TLAHHOÓ LAÁWI 14:6

Kaahamusmoó Mungú tsir/idár hatlá' ar slaaf nee parhhamtá sahhti nee se'éngw da/atén, nee haleemaá hisoópo, muruuwí sleémeero guri /aytiis baraá tseereedár tsir/idár geera taa gaás.

FAARO 19:6

Aluuwo kaahamusmoó Mungú xa'anoó sahhti ngu taataahhi, nee xa'aanó ta bay hisoópo, nee se'éngw bee/aangw oo da/atén ngi qaasi baraá asltadá'.

FAARO 4:8

Naagáy, xooslaarí sleémeero ka tuuntuuki ar inqwaarír daa/aat, nee kaahartá natsaatsaa' ar leei ka daanduuwós wa tuuntuuki. Aluuwo daqaní xaa'aá loohiso ki qaasi as loohiso.

Matayo 12:35

Heé hhoó' gár i hanmiisi a muruú hhó' baraá daqaari'iimarós tidá' hhooe. Heé tlaákw gár i hanmiisi, a muruú tlákw baraá daqaari'iimarós tidá' tlakwe.

Luka 4:22

Axweesantós giri qwal/ás, axweesantá gurtleemu tidá' aa afkósár axweés kari waa/oó/, tay káh, «Kwí a garmoó Yosefuwookáhe?»

Efeso 4:29

Axweesanoó tlákw mu kaahara', ala masók a axweesanoó muu gu kwa/amís, nee kudá' amoqwaareemisaaká. Gawaá adoorihe axweesanayhúng i tsuuqaá huwi dír mukdá' kuungá' nu iiárií qamiima.

Kolosai 4:6

Axweesanayhúng umuúqo daqto masók a axweesanoó tsatsaa'arén, nee oo gídaabár koóm, as umuúqo heewo oo gár yaahamiís, gaarós tidá' i yaahamiisi ngiwa tsaahhi ar hariima.

Ebrania 9:19

Asma Mose adoorí gana tleéhh, gár har geera a hara'ayár Mungú sleémeero gana alki/iít dír mukdá' aa burumburiit. Aluuwo tseerér damaay nee ar gurtaawe gari taataáhh, dinkwa nee ma'aay, tseere gari hikimiís ar se'engw da/atén oo bee/aangw nee loo/ór hisoópo, gawaá Kitaábu nee amór muu sleémeerowo,

YOSHUA 2:18

Ga/aaweek, bál atén birna dahaán baraá yaamuuká', kiíng warqamoowí daa/aát ku tsék dír pa/angwdá' atén tira dúx, daqaní kiíng baabuúwók nee aayooroge nee hhaeewoge nee múk guruú doó baabuúwoge ki buruumbút baraá do'ógí alé.