DAA'AANGW 4:14 - Biblía Axweesantá Hhohho' ar Mungú 2004

¹⁴ Nárdo nee tidá' ta bay safaraáni nee mehaái nee dalasiíni, manemáne nee mooyángw tsuú' oo ta bay uúdi nee xaa'aá hatlá' awa mooyángw koomá'.

DAA'AANGW 4:14 Iomraidhean Croise

IIMU/UUNGW 43:11

Baabuúwós Israeli iri oó', «Bar adoosíng, adoorí na tleehhaak, muruú hhó' oo yaamu na huwaak ar xosluuhúng: Di/tá niina ar mooyaangw, danuú niiná, moqoonjó, nee mooyangwdá' ta babay manemane, josi, gár adór karaánga, nee loósi, gár adór miniqiti.

1 WAAWITÁ 10:10

Naagáy waawutmo guri talaántár tsiiru nee mibeeraá tsár i hanís, ar sahaábu, nee mooyángw yaariír ló'wa alé, nee tlaa/eedá' tlaxo urene. Iimír baalaadá' mooyángw adór kuduú waawuto'ór Sheba aa hanís, waawutmo Solomon gwaa baloó slayká malé ale.

2 QOM'I 9:9

Solomon gway qeemu i hanís oo har kílór kume tsiyáhh ar sahaábu, nee mooyángw yaariír nee tlaa/aá yaariir awa tlaxo gawde. Mooyángw adór kudá' aa waawutmoó i hanís i kakaahh.

WARA'AMI 45:8

Tsiitaywók sleémeero i tlatláy mooyángw manemanero, nee oo udi nee oo xaa'aá mdalasiniro. Kuúng taa qwal/atís nee afór daa'ángw mariímba, ar baraá maraá waawutmo awa taa parootuús ar xareemaá daawe.

TI'INAANGW 30:23

«Muruuwí afhhamít taatahheek, mooyángw manemane kuduú ma'aay oo harqoomoó kílo lahhoó' nee xa'anoodá' ta bay dalasini oo mooyángw koóm oo kílo tám huwang, nee miíwa oo mooyángw koóm kílo tám huwang.

AXWEESANOÓ SAGALOOA 7:17

Mooyángw ta babay manemane, ugwa qaás, nee oo uúdi nee oo dalasiíniro sleeme.

DAA'AANGW 1:12

Qoomár waawutmo iwa iwiít gawaá kitaangós kudá' bununuúq Mooyangw'eé' kuduú nárdo nina tláy.

DAA'AANGW 3:6

Garqá' a milá baraá xaanxoó daahh, adór tsángw quui oo aa sihhiit. Tidá' mooyángw manemáne, hee mooyángw tsuú' iwa tlatlay, tidá' ta weeramiisi nee halanuuse.

DAA'AANGW 4:6

Aníng a iwtanángw áw baraá tloomár manemane, nee dír tloomár mooyángw tsuú' koom, ay dír iimi i piinsli'it nee ay dír iimi i /awakuur.

DAA'AANGW 5:1

Aníng an dáh baraá asalmooeé', hho'or'eé', sla'aaruso'or'eé' ar ni duxuut. Manemáner'eé' nee muruú mooyángw kooma un burumburiím, xaaramtaeé' ar danú a /aáy a difaáir'eé' nee ilwaaeé' wahaám. Mulqer'eé', /ayiimé' nee wahaamé', wahaamé' ló'wa ale, sla'aaruuser'eé'.

DAA'AANGW 6:2

Sla'aarusmooeé' aa baraá asalmoowós káy. Didaádá' /ayór ta bay rihaáni ki dahaás. Inós i bee/aangós de'én nee i /ayór waariídír burumburín.

ESEKIELI 27:19

Fedani nee Yafani xooslaarók ngina huwiyé' iimír yaamaá Usalír wa ale, tam muqslár taa kwahhuút, dalasiíni nee chaichai as xooslaarók ngiwa slaya'.

FAARO 24:6

A adór xatstá naa/ari ar ma'aay ni wa/maamina', a adór qaymór afaá yaae, a adór /ayór ta bay udi, ar AAKOÓ MUNGÚ aa dahaás, a adór sahhtár taa dahaás afaá yaae.

Marko 16:1

Deelór Sabaáto iwa waaráhh, Maria Magdalene nee Salome nee Maria aayór Yakobo mooyaangw kuna tlaáxw oo slaqwtá Yesu kar sliki.

Yohana 19:39

Nikodemu nee Yosefu tina alkoné'. Inós an kudá' aáng Yesu gwaa i daqay xweerá alé. Inós aleedoogír mooyángw manemane nee udi guna huúw, har qoomoó kílo mibeeri kooán.

Geehhoeemaá 18:13

Nee slám qafoodá' tsuuá' awa xa'anoodá' ta bay dalasini, nee muruudá' mooyaangw tsuú' oo ta baraá di/tá i qamaamin, nee xwatsoodá' ta da/a/an awa mooyaangw tsuuá', nee di/itadá' mooyaangw tsuu', nee di/tá na/amo, tidá' mooyaangw tsuu'. Nee difaái nee di/tá seituúni, nee puuruú /awák nee angaáno, nee hikwa nee bee/aangw, nee faras nee gaardu, nee lawaale nee tam múk hatlá' sleeme.