DAA'AANGW 4:13 - Biblía Axweesantá Hhohho' ar Mungú 2004

¹³ Harma/tók adór asalmoó komamaánga dinkwa nee mamaá ló'wa hhohho' sleémeero kudá' ta bay hína nee nárdo.

DAA'AANGW 4:13 Iomraidhean Croise

WARA'AMI 92:14

Mamu ngi laqwaliyá' ay qoomár diimaay, nin hatsiyá' duwaawo nee naa/amawo.

DAHARUSMO 2:5

Asalmo una doósl, xaa'aá mamaá dimbadiimbé ina dahaás.

DAA'AANGW 1:12

Qoomár waawutmo iwa iwiít gawaá kitaangós kudá' bununuúq Mooyangw'eé' kuduú nárdo nina tláy.

DAA'AANGW 1:14

Sla'aarusmooeé' a adór /ayór /ayuumiis, ar mooyángw tsuú' koom, tidár baraá qamaá sabiíbu kudaá baraá Engedi.

DAA'AANGW 2:3

Sla'aarusmooeé' baraá tla/ángw daaqaywo a adór xa'anoó tofaá'a oo baraá tla/ángw darma, aníng a qwalalaá/ niwa huungu/uus dír mahhtirós, nee mamuuwós bira tsaáq i ló'wa tsuuiyá'.

DAA'AANGW 4:14

Nárdo nee tidá' ta bay safaraáni nee mehaái nee dalasiíni, manemáne nee mooyángw tsuú' oo ta bay uúdi nee xaa'aá hatlá' awa mooyángw koomá'.

DAA'AANGW 4:16

Fur'ár bihhaá /iikú daahh, fukuku'uutáng. Qwaláng, fur'ár bihhaá basa, fukukuú' ar gawaá asalmooeé'. Mooyángw tsuú' yaamuuká' ngi aleetsati. Sla'aarusmooeé' ni hardihi baraá asalmoowós i aleeró, mamuuwós kudá' hho' ngi /aymár ay.

DAA'AANGW 6:11

Aga dáh dír asalmoó xaa'aá ta babay miloósi as niwa harma/ór baraá qaymór artá aw. As ngiwa ar axáy xaa'aá sabiíbu naa /ayusií'i, nee axáy xaa'aá komamaánga naa /ayusií'i.

DAA'AANGW 6:2

Sla'aarusmooeé' aa baraá asalmoowós káy. Didaádá' /ayór ta bay rihaáni ki dahaás. Inós i bee/aangós de'én nee i /ayór waariídír burumburín.

DAA'AANGW 8:2

Geeraawo án kuúng un huúw ay amór doó aayor'eé', ay baraá tla/afír aayoodá' aníng iga laqwal. Didaádae uri difaáír i haniís, ma'aydá' naa tsoó/ awa mamaá komamángaro uri qáw.

ISAYA 60:21

Muu sleémeero tari múk hota ganaá'. Inooín yaamu kin aal ay alhhe'eesay wasle. Inooín an harma/itaeé' ar dabaaene naa dahaás. As kahhó' aníng ti xirfayees.

ISAYA 61:11

Asma adoodá' yaamu harma/o ngir duxaaxina', nee adoodá' qaymo gár taa baraá qaymórí dahaás ngir duxaaxiin, an adoodá' Aakoó MUNGÚ hotaá ganaa'á' nee xirif, ngir huwi dír geeraá xoordu sleémeero.

Yoeli 2:8

Tam oo kuqá' gu tliw/iím i kaahh, ala umuúqo ingigimoowo geera gini kumiit baraá loohirose. Nin haratleér ar /uuru ay amór xooslár inós kar il/an. Ala inós ka ilaa/iiká, tam oo loohirós ga mamáw i kaahh.

Marko 14:3

Qoomár Yesu iwa Betaniár i dirii'i, iwa dír muruú /aymár i iwiít dír doó Simonidá' tiqtír tsatmituú koóm, /ameenirka nina hardát. /Ameenidá' i chupiito'ór koón ar taa tleéhh ar tleeír ta bay Alabasta. Chupiito'o i mooyángw koón, mooyángw ta babay nardo, kudá' tlaxo gawít. Chupiito'oodá' gari gás, mooyangwdá' guri adaá wa ku'ús gawaá ságw Yesu.

Yohana 12:3

Maria mooyángw ta babay nardo guri taatáhh, oo har qoomoó tlaqtá kílo. Ku hhohhó', slám tlaxoorós ka ló'wa ur. Ya'aá Yesu giri slík, giri fíts ar se'éngw sagós. Nee do'da' iri haáts mooyangwdae.

Filipi 1:11

Nee kuungá' tundu hatsiis gan'amuwo, kudá' Kristo i tlehhiiti baraá munerhúng wa ale, as ilaiwa/amér Mungú nee xirfuuwós.