DAA'AANGW 4:1 - Biblía Axweesantá Hhohho' ar Mungú 2004

¹ Ga/aaweek, sla'aaruso'or'eé', kiíng ti ló'wa hhoohhoó', sla'aaruso'or'eé'. Ti ló'wa hhoohhoó', ilaawók baraá sheélaro a adór kuqaá hhooki, Se'eengók a adór daqtá aara ar /e/etiim gawaá tloomár Gileadiro.

DAA'AANGW 4:1 Iomraidhean Croise

WARA'AMI 45:11

as waawutmo daqaní hhoohho'ariirók gay waatlakwees. Asma inós a aakoowók, kiíng na i tumbarara'ateek.

DAA'AANGW 1:15

Aá sla'aaruso'or'eé', kiíng ti ló'wa hhoohhoó', ti ló'wa hhoohhoó', ilaawók a adór kuqaá hhooki.

DAA'AANGW 2:10

Sla'aarusmooeé' aníng i babay, «Sla'aaruso'or'eé', tlawáng, kiingadá' aníng i sla'atimis, ti'iitáng, qwaláng amor'eé'.

DAA'AANGW 2:14

Aá hhookir'eé', tidá' aa nahhat baraá mar'ír tlaa/a, baraá lu/aroó mar'i, qwaláng aníng gitsee/aawók i ár, nee afoorók ngi axaás, asma afoorók i natsaatsá' nee gitse/aawók i sla'atimisiyá'.

DAA'AANGW 6:5

Axáy bihhi i qaytsiteek gár niinawe, ga/aweek, adór nir amoqwaqwadiím, se'eengók a adór daqooroó aara kudá' /ee/etiím baráy alé gawaá tloomár Gileadiro.

DAA'AANGW 6:7

/Uuntle'eeriiwók a adór kaeemaá tsár awa mamito'ór komamaánga dír alaá sheélaroge.

DAA'AANGW 7:5

Slamángw sagók a adór tloomár Karmeli se'eengw ku bó/ adór tsawa, hhohhoartá se'eengók tam waawutmo gun uuruxuún.

YEREMIA 22:6

AAKOÓ MUNGÚ i kaahi daanduú waawuti'iimár Yudawo, «Tam do'owí ku hhoohhooe adór yaamaá Gileadi, adór ságw tloomár Lebanoni, ala looeemaawo aníng diirí a xaanxay tleéhh, tari gixsár hotángw muko ya/aamaaká.

ESEKIELI 16:14

Xirfuuwók iri dalaá/ ay hhapeemo sleémeero nee hhohhoaariroge, asma hhohhoaarirók ina bu'út as xirfuudá' aníng naa kiíng i haniís. Anuú Aakoó MUNGÚ tí aga oó'.

MIKA 7:14

Aakoó Mungú, mukók de'eemeek ar hhartók, daqtók tidá' taa tsawát. Inooín tam ta kilooín hooti baraá sla/atá wa alé, ala yaamuuín kaa harweér nee yaamaá gitsór hhó' koomá'. Daqtók i qawór eer baraá qawtantadá' hhoo' ar baraá yaamaá Bashani nee Gileadi, adoodár aáng wa alé.

FAARO 32:1

Múk tlahhoó Reubeni nee oo tlahhoó Gadi a daqaarér hikwa. Inooín kana ár adór yaamaá Yaseri nee Gadi tar yaamaá qawtantá hikwa.

FAARO 32:40

Gawaá adoorihe, Mose múk guruú doó Makiri, garmoó Manase, guri yaamuudaá Gileadírí haniís, inooín tari yaamuudá' wa hoót.

Matayo 11:29

Taqwante'eé' gawaá sum'iihúngií qaasaak, dir'eé' wa intsatsaahhaak. Asma aníng ti tsatsaa'aár, nee muunaáeé' ku gurhhoó'. Daqaní kuungá' amohhooa a sleerá' baraá munerhunge.

2 korinto 3:18

Ala ateéká' sleémeero awa gitsee/eerén warqamoó kooma'aaká, atén xirfuú Aako un araán ar adór baraá looa. Xirfuuwí oo amór Aakoó daáhh, atén tin warqees as tawa slaqsaywós tleehhitaan. Gawaá adoorihe atén xirif un iimirí wa slawaán, nee iri doogiigín direne. Adoorí Qeeruú Aako gan tleehh.