DAA'AANGW 3:7 - Biblía Axweesantá Hhohho' ar Mungú 2004

⁷ Ga/aaweek, kitángw Solomon kur loohisi. Inós kwa gagaár ar kitaangós oo waawuti'iima, kwa harweér nee xuumuusér mibeeri lahhoó', múk /uuruú koóm oo Israeli.

DAA'AANGW 3:7 Iomraidhean Croise

1 WAAWITÁ 14:27

Kitángw gaambukae, waawutmo Rehoboamu gaambudaá muqslár sirdaa/aten gina tleéhh, nee giri haniís kiwa xun nee xuumuusér afkú doó waawutmo.

1 WAAWITÁ 9:22

Ala Solomon múk Israeli tam heé wák i kaahh oo aa gadiyér gawítí sláy, ala inooín a slaqwaruuse, geeraharuuse nee geeraharuuseerós ar slaqwaruuse, nee mukdá' urén oo gaarduuwós awa ta uuruxun, nee mukduú farsuuwós i tsa/aa/ám.

2 WAAWITÁ 6:17

Elisha Mungú guri firín, «Aá AAKOÓ MUNGÚ, ilaá sagadiyusmooeé' kwí gweereek as iwa qaytsitiya'.» Naagáy ilaawós kari gweér nee AAKOÓ MUNGÚ, masoomodá' faras nee gaardaá asla giri ár bihhér tlooma sleémeero. Elisha ngwa harweeriyé'.

NEHEMIA 4:13

Naagáy, muu ngway qaás dír baraay didá' pa/ángw koom alaá koo/i. Muu una qoomeemeés ar gur'ér maray'ín ta paangadaá kón nee lawluwo nee ga/alduuwo.

DAA'AANGW 1:16

Sla'aarusmooeé', kuúng tu ló'wa hhoohhoó', kuúng tu ló'wa hhoohhoó'. Qatanirén a gitsór hiririi'.

DAA'AANGW 3:6

Garqá' a milá baraá xaanxoó daahh, adór tsángw quui oo aa sihhiit. Tidá' mooyángw manemáne, hee mooyángw tsuú' iwa tlatlay, tidá' ta weeramiisi nee halanuuse.

DAA'AANGW 3:8

Umuú heewo paángarós gaa óh, umuú heewo slaqwara ga xuu', umuuú heewo paángarós i baraá afeetloowós. Taa amohhe'eés nee wakusmo tiwa tlaampa'asiya' xweeraawo.

DAA'AANGW 3:9

Waawutmo Solomon /aamparós gaa tleéhh, ar peehhoó hhohhó' oo Lebanonír daáhh.

Ebrania 1:14

Gawaá adoorihe malayke sleémeero a qeeru. Inooín kaa ya/aáw nee Mungú as mukdá' ba/ama ga sláw nguwa sagadiyuusiya'.

1 SAMUELI 14:52

Deelo sleémeero ar Saulo tawa waawutmo, slaqwarár hhamhhám kángw kilá' wa ale i daadeer dír múk Filisti nee inose. Umuú qoomaaro Saulo heé /uuruú koóm, laqaá oo migusmo burungwa sláy, gun bartá slaqwaruuseerósií ohaahín.

1 SAMUELI 28:2

Daudi Akishi guri mu/aywaáts, iri oó', «Kuúng aqo aán tidá' sagadiyusmoowók i tleehhi.» Akishi iri oó', «Aníng kuúng u xuumusmooeé' wa qaás.»

1 SAMUELI 8:16

Inós lawaalerhúng ar hhawaate nee ar /ameenaaro ginar tláy, nee hikwaahúng awa hho' ló'wa alé, nee daqwaayerhúng, inós giri gadiyeérós ar tleehh.