DAA'AANGW 3:4 - Biblía Axweesantá Hhohho' ar Mungú 2004

⁴ Qoomár niwa dir'ín wa tláw heedaádá' muunaáeé' i slai nguri ár. Nguri dawa óh, ugwa baloó geemawiiká as miwa tláy. Nguri huúw amór doó aayor'eé', ay baraá tla/afír aayoodá' aníng iga laqwal.

DAA'AANGW 3:4 Iomraidhean Croise

IIMU/UUNGW 32:26

Heedaádá' Yakobo guri báy, «Án geemawáng ni tláw, asma iimi aa /awaakuúr.» Ala Yakobo guri báy, «U geemawaaká ay dír án i tsuq.»

AXWEESANOÓ SAGALOOA 4:13

Intsaahhatisarí ooheek, ma baloó alií kwahhaar, ooha hhe'eeseek, asma inós u slafíngw ar eér.

AXWEESANOÓ SAGALOOA 8:17

Mukdá' sleémeero aníng i slaá', u slaá' sleeme, nee múk i leelehhiít ar ilakaahara i ariyá'.

DAA'AANGW 1:7

Aá sla'aarusmooeé' oo muuná, áx axweesáng, amór bee/aangók kway tles a amá? Dír tlaatla/ango kway tlahhas a diimá? Ahaá asma aníng ma har adór heé tawo hi'iimiít, dír bihhaá bee/ángw mulqeeroge?

DAA'AANGW 6:12

Niwa qaytsita, naxés mulquto'or'eé' iga qaroó húp dír gaárír heé úr.

DAA'AANGW 7:5

Slamángw sagók a adór tloomár Karmeli se'eengw ku bó/ adór tsawa, hhohhoartá se'eengók tam waawutmo gun uuruxuún.

DAA'AANGW 8:2

Geeraawo án kuúng un huúw ay amór doó aayor'eé', ay baraá tla/afír aayoodá' aníng iga laqwal. Didaádae uri difaáír i haniís, ma'aydá' naa tsoó/ awa mamaá komamángaro uri qáw.

ISAYA 45:19

Aga axweesiiká ar naaqo baraá yaamaá giwtír wa ale. Aníng xwaylár Yakobo aga bawiiká, ‹Aníng leelehharé' tawo ale.› Aníng a AAKOÓ MUNGÚ kudá' looeemaá káh aníng muruú ganaá' un oiím.»

YEREMIA 29:13

Bira leelehhité' i sleerá', qoomár bar iga leelehhité' ar munerhúng sleémeero.

WA/AA/I 3:25

AAKOÓ MUNGÚ ku hhoó' dír kudá' ngu harahhifita'a, ku hhoó' dír kudá' sleémeero ngu leelehhitá'.

Matayo 28:9

Naxés Yesu nee inooín tiri doogiyé', iri oó', «Laawaay.» Tari dirósí tseewúy, kuri ya'a' óh, kuri i tumbarara'aát.

Matayo 7:7

«Firiiriimé', kuungá' tundu qáy, leelehhiitaak kuungá' a sleerá', ateetimé' afkú dó' wa ale, piindo ka qo duux.

Rumi 8:35

Heé atén ti paraátl dír sla'aarír Kristowo a heemá? Gár paraatlaro ti aleeslaw a slahh'amaayeéro? Laqaá a daeéro? Laqaá a gusisiíngo? Nee a qwárko, laqaá a /aankwetsuuwo? Nee a tsaxwaáwo, laqaá tsu/utár paánga?

Rumi 8:39

laqaá muruuduú gáwtí dirií', laqaá kuduú baraá guruú yaamu, laqaá umuúqo gár taa tleehhi i aleesleeraaká paraatlaro dír sla'aarír Munguhe, tidár baraá Kristo Yesu Aakoorén.

Galatia 4:26

Ala /ameenidár hatlá' an adór gixsár Yerusalemu tidár gawaá doorí dirii'. Inós an lawaalo'oorooká, nee an aayoorén.