DAA'AANGW 3:3 - Biblía Axweesantá Hhohho' ar Mungú 2004

³ Xuumuusér gixsa ina aán, qoomár inooín tawa harweeriirin baraá gixsaro. Naagáy ngiri yaahaás, «Xáy heedaádá' muunaáeé' i slai ngwa aandí'i?»

DAA'AANGW 3:3 Iomraidhean Croise

DAA'AANGW 1:7

Aá sla'aarusmooeé' oo muuná, áx axweesáng, amór bee/aangók kway tles a amá? Dír tlaatla/ango kway tlahhas a diimá? Ahaá asma aníng ma har adór heé tawo hi'iimiít, dír bihhaá bee/ángw mulqeeroge?

DAA'AANGW 5:7

Xuumuusér gixsár xuum ina aán qoomár tawa gixsár harwediiti. Iri muxiyé' nee iri gweehhiné'. Xuumuusedár afkú gixsa iri sheela hayót.

ISAYA 56:10

Asma xuumuusér Israeli a taampu, sleémeero i fuqreeraá kon'aaká, sleémeero a adór seeaawér afe waslen ar hhuheelimaaká, kudá' tawo guá' nee tlatitimá', in tawo gufmisiyá'.

ISAYA 62:6

«Aá Yerusalemu, aníng xuumuuse aga qaás gawaá koo/irók, tlaatla/aangw nee xweeraawo i baloó xasliitiaaká.» Kuungaásingá' AAKOÓ MUNGÚ inslawtimisá' ma baloó lakiitara'.

ESEKIELI 3:17

«Heewí, aníng kuúng ugwa xuumusmoó múk Israelír wa qaás. Aníng gaa birnga oó' dirók, kuúng mukwí ku naanáq kitangw'eé' wa aleeró.

Yohana 20:15

Yesu gari báy, «Aáyo, ma /aa/amiín? Heé ta leelehhit a heemá?» Inós geera ngi xu', a heé asalmoó amohhe'eemamiís, iri ó', «Aáko, barnaxes kuúng una hingés, amór kway qás ooang, aníng daqaní u leéhh.»

Ebrania 13:17

Kuungá' geeraharuuserhúng ilaiwawa/aak, nee adoodá' inooín ta kaahi tlehhiitaak. Asma inooín munerhúng ngin ga/aayá' xweera nee tlaatla/aango. Asma faarór gadiyér'ín ngi ooiyá' dír Mungú i alé. Kuungá' bar iga ilaiwawa/é', inooín daqaní gadiyér'ín ngi tleehhiyá' ar qwala/, ala ar gurhaamirooká. Ala barnaxes kan tleehh ar gurhaami gadiyér'ín daqaní gár dirhunge i bu' i káhh.