DAA'AANGW 3:1 - Biblía Axweesantá Hhohho' ar Mungú 2004

¹ Xweeraawo niwa gawaá qatanir'eé' i dirii' ana tlatitiím, heedaádá' muunaáeé' i slai un leelehhahhiít. Una leelehhiít ala ugwa slawiiká, una ateetiím, ala aa ooinká.

DAA'AANGW 3:1 Iomraidhean Croise

WARA'AMI 22:2

Xáy, Munguúeé', án a /aa/amiím tlaatla/aango, ala kuúng iga mu/aywatská, nee qoomár xweeraawo a /aa/amiím ala amohhooa a slaslawaaká.

WARA'AMI 4:4

Kuungá' bara buhhabuhhé', ti harmagahhe' tlakweema mi tleehhara', tí aldakuutaak qoomár bar aga xaslté' gawaá qateenoohúngí ale,

WARA'AMI 6:6

Gurhaamir'eé' iga slaaqatís. Daqisleém xweeraawo hhirhheerieé' nin ku'umamitiyá' gawaá qatanir'eé' ale. Hhaftuueé' iri naá/ as hhirhheeraá /aa/ee'eé'.

DAA'AANGW 1:7

Aá sla'aarusmooeé' oo muuná, áx axweesáng, amór bee/aangók kway tles a amá? Dír tlaatla/ango kway tlahhas a diimá? Ahaá asma aníng ma har adór heé tawo hi'iimiít, dír bihhaá bee/ángw mulqeeroge?

DAA'AANGW 5:6

Sla'aarusmooeé' nguri dó' i gweér, ala laatí sla'aarusmooeé' aa qaroó diya/aát. Muunaáeé' ina qwalaá/ qoomár iwa axweesi. Una leeleéhh ala ugwa slawiiká, una ateét ala aa ooinká.

DAA'AANGW 5:8

Aníng kuungá' /ameenár Yerusalemu nu firiím, sla'aarusmooeé' burngwa aandé' ádbawaak adór sla'aari ira slahh'és.

ISAYA 26:9

Baraá muunaáeene kuúng una islaasláw looa ngari fiíq, nee baraá qeerueene kuúng una tseewa leelehhtuú áw ar tsáp. Asma bál bar yaamu iga sakwasleemút, yaamuloouusér baraá yaamu hotaá ganaa'á' gi intsaatsáhh.

ISAYA 55:6

AAKOÓ MUNGÚ leelehhitaak qoomaarí iwa deér firirimaak qoomaarí kuwa tseéw.

Luka 13:24

«Ilakaaharu tleehhaak tawa data' ar afkú iiraákw. Asma án a kah, awa yaariir dahmu ngu leelehhiyá', ala ngu aleeslay'aaká.

Yohana 11:29

Maria adoorí ngiwa axás, iri tleér ar gaanslaay, iri hardát amór Yesu.

Yohana 21:17

Yesu iri malé oó' sagaáwa tame, «Símon, garmoó Yohane, án kuúng i slá'a?» Petro iri gurhaamuút asma adoodá' kuwa yaahaás sagaáwa tame, nguwa báy, «Án kuúng i slá'a?» Petro iri oó', «Aáko, kuúng mura' sleémeero u xú', nee kuúng aga tsáhh adór án kuúng ur slaá'.» Yesu iri oó', «Bee/angw'eé' /aymiiseek.

1 Petro 1:8

Kuungá' inós u sla'á' tam ugwa aandi'iikahe. Slám inós u haratlintaatiá' tam hamí u ara'aanda'aakahe. Kuungá' u sageeqwalaala/á' ar qwal/uú xirfuú koóm, kudá' alki/ituuwo ta aleesleera'aaká,