DAA'AANGW 2:9 - Biblía Axweesantá Hhohho' ar Mungú 2004

⁹ Sla'aarusmooeé' a adór saaragi, a adór tsagnír batliito'o. Ga/aaweek, inós aa sihhiít dír bihhaá koo/irén, i pa/ángwár xumiis i amor'eéní xumiis ar pa/eeraá koo/i.

DAA'AANGW 2:9 Iomraidhean Croise

2 SAMUELI 2:18

Seruya daaqaay ngu kon tám, Yoabu, nee Abishai nee Asaheli. Inooín ta baraádá'. Asaheli i /akumamiit ti'iingo, a adór saaragi.

AXWEESANOÓ SAGALOOA 5:19

Inós ka hhoohhoo' adór tlaaqati, i sla'atamís adór saaragi; kuúng deelo sleémeero masók a dirós wa bu'umít, nee masók umuú daqto an amoorós i bará/ as kuúng uwa sla'.

AXWEESANOÓ SAGALOOA 6:5

Ti kilók tu/ baraá tsaaxweelisinge, adór saaragi ir kotsqomaamit dír slakaatusmoowo, nee adór tsir/i ir kotsqomaamit dír naqfihe.

AXWEESANOÓ SAGALOOA 7:6

Baalarka wake ana qaytsiít ar gawaá pa/ángw dooeé'; ana tsee/áy qaytsiít ar baraá pa/eeriwós.

DAA'AANGW 1:16

Sla'aarusmooeé', kuúng tu ló'wa hhoohhoó', kuúng tu ló'wa hhoohhoó'. Qatanirén a gitsór hiririi'.

DAA'AANGW 2:17

ay dír tsee/ama i axwaanuy nee mahheeto nay guwiyá', sla'aarusmooeé', ki/áng, kuúng a adór saaragi, kuúng a adór tsagnír batliito'o ar gawaá tloomár Betéri.

DAA'AANGW 2:7

Aá dasuú Yerusalemu, nu harhheehhe'eés, adoodár saaraga laqaá tsagna ira xaslmít baraá sla/a, sla'aari sleeme ma gwarangwarimara' laqaá ma dukuumara' ay dír qoomaarós i xeer.

DAA'AANGW 3:5

Aá dasuú Yerusalemu, aníng kuungá' nu harhheehhe'eés, adoodár saaraga laqaá tsagna ira xaslmít baraá sla/a. Sla'aari sleeme ma gwarangwariimara' laqaá ma dukuumara', ay dír qoomaarós ni xeer.

DAA'AANGW 8:14

Sla'aarusmooeé', xaáweek gaanslár ale, adór saaragi laqaá tsagnír batliito'o, tidá' gawaá tloomár mooyángw koóm i dirii'.

Luka 24:35

Kudá' tsár sleeme kangwdá' aa tleehharuut loohiro nguri kaahiyé', nee adór Aako kura tsaáhh, qoomár mukatmo nguwa parhhamiís.

Yohana 12:41

Axweesanaywí aarusmo Isaya guna oó', asma inós xirfuú Yesu guna ár, nee kangós guri axweés.

Yohana 5:39

Kuungá' tidá' taa gooín baraá Gooiro a mak tsee/ariindá', asma kawa xua', kuungá' slafíngw alhhe'eesay wásl u koondá' baraawose. Nee Gooisíng an tidá' aníng i lamabu'uum.

Yohana 5:46

Asma kuungá' geera Mose bura haratlintié', aníng sleeme geera iga haratlintié'. Asma inós kángw daanduueé' guna gooín.

1 Korinto 13:12

Asma qoomaarihe atén an ga/aawaán ar baraá looa ar slaqsi'i. Ala qoomaadá' binda xeér, atén an ga/aawaán ar ilaarén awa kilá'. Qoomaarihe xu'utir'eé' i harqoomoó koón, ala qoomaadá' binda hardát, aníng a xu'uti hhe'eés, adoodá' tira xu'uti hhe'eés nee Mungú.

Kolosai 2:17

Asma mura' sleémeero oo adór kwí a geehhaantamoó tawo oo kudá' hardáh. Ala gár kilá' an Kristo.

Ebrania 10:1

Hara'ayár Mose a geehhaantamoó tawo oo muruudá' hhó' oo hardáh, ala a muruudá' oo kil'eeká. Asma hikwaá ilahhooa kin adoodár tsu/aa/ín umuúqo kurko. Ala gawaá loohír adoorihe hara'ayár Mose muu boo/eesaro gu aleesleeraaká, kudá' ilahhooadá' ga hanmamiís.

Geehhoeemaá 19:10

Aníng niri tumbarara'aát dír ya'aawós i alé as inós nguwa sluufmiis. Ala inós aníng iri báy, «Adoosíng ma tlehhiitaar. Asma aníng sleeme a sagadiyusmo dinkwa nee kuúng nee hhaeewoge, kudá' sleémeero awa lamabu'úngw Yesu ngu koomá'. Ala kuúng Mungú na sluufmiiseek.» Asma lamabu'úngw Yesu an qeeruú aaru'uuma.

HAR'OHUUSE 5:28

Aayór Sisera ina pa/aángwár harqaytsít, ina harqaytsimít iwa kat, ‹Ahaá waáy gaárirós misinda tlík? Ahaá baré ka/ka/eelíngw farsuuwós naa adaá/?›