DAA'AANGW 2:5 - Biblía Axweesantá Hhohho' ar Mungú 2004

⁵ Aníng /aymisáng ar sabiíbuú kaaharén, nee qwal/atisáng ar mamaá tofaá'a, asma sla'aari iga tiqís.

DAA'AANGW 2:5 Iomraidhean Croise

2 SAMUELI 6:19

Daudi múk Israeli sleémeero, hhawaate nee /ameenaaro, umuúqo heewo guna qáy ar mukaatmo, /aarmoó fu'uni nee mukaatmoó sabiíbu. Alaá tihe muu sleémeero iri tláy, umuú heewo iri waátl amór do'ós.

1 QOM'I 16:3

Múk Israeli sleémeero guri muruú /aymár i qasimiís, hhawaate nee /ameenaaro, umuú heewo guna qáy ar mukaatmo nee fu'uniro nee mukaatmoó taa tleéhh ar sabiíbuú kaaharén.

WARA'AMI 63:8

Aníng kuúng un i naga'aát, aníng in ót ar dakók kudá' /uuruú koóm.

DAA'AANGW 5:8

Aníng kuungá' /ameenár Yerusalemu nu firiím, sla'aarusmooeé' burngwa aandé' ádbawaak adór sla'aari ira slahh'és.

DAA'AANGW 7:8

Aníng ana oó' slaansli a i tsa/ám nee mamuuwós ngiri bu'uúm. Dir'eene iseemaawók a adór na/aá xa'anoó sabiíbu. Hiinsluwók dir'eene a adór mamaá tofaá'a.

HOSEA 3:1

AAKOÓ MUNGÚ ina báy, «Tláw malé ale, /ameenír hhawaatuú hatlá' i slai slaeek, inós a fuquso'o, asma adoorí an adór AAKOÓ MUNGÚ múk Israeli ngura slaá', inooín tam ngwaa geexay'i munguaá' hatlá' ngiri i warqayé', nee ngiri mikaátér sabiíbuú kaaharén i hanmiisiyé', aluuwo inooín mikaáteedá' ngiri haayusiyé'.»

Luka 24:32

Tiri kilooín yaahamisiyé' tari káh, «Ahaá, muneerén kaa kwatimiítiíke, qoomár loohiro iwa amoorén i axweesi, nee Gooi ngiwa xu'utimiisi?»

Filipi 1:23

Aníng a baraá waatsaraárí dirií'. Aníng a ló'wa slaá' niwa tlaw, niwa hotángw aw amór Kristo, asma adoorí a tsiní kángw kilá' wa ale.