DAA'AANGW 2:3 - Biblía Axweesantá Hhohho' ar Mungú 2004

³ Sla'aarusmooeé' baraá tla/ángw daaqaywo a adór xa'anoó tofaá'a oo baraá tla/ángw darma, aníng a qwalalaá/ niwa huungu/uus dír mahhtirós, nee mamuuwós bira tsaáq i ló'wa tsuuiyá'.

DAA'AANGW 2:3 Iomraidhean Croise

WARA'AMI 45:2

Kuúng tu ló'wa hhoohhoó' ta múk hatlae. Ar afkoge axweesanoó tsuuqaá huwahuúw un kát. Gawaá adoorihe Mungú kuúng ugwa tsuúq ay alhhe'eesay wasle.

WARA'AMI 45:3

Lawaalaarók qaaseek gawaá suuma, kuúnguusuú ilakaahaár, xirif a kók nee uraywo!

WARA'AMI 57:1

Án gurtlawáng, Mungú, aníng gurtlawáng! Asma aníng kuúng ugwa i goów, naa goów baraá mahhatuú hhampe'eeriwók, ay dír tlaftá tlaakw i waarahh.

WARA'AMI 89:6

Xáy, a heemá heé nee AAKOÓ MUNGÚ qoomá' gawaá dooriwo? I kaahh tam oo wák baraá dooriwo oo nee kuúng qoomá'.

WARA'AMI 91:1

Kudá' taa baáq nee Munguúdá' gáwtí dirií', kudá' aa iwiit baraá mahhtuú Munguú Aleesleemusmo,

DAA'AANGW 1:16

Sla'aarusmooeé', kuúng tu ló'wa hhoohhoó', kuúng tu ló'wa hhoohhoó'. Qatanirén a gitsór hiririi'.

DAA'AANGW 2:5

Aníng /aymisáng ar sabiíbuú kaaharén, nee qwal/atisáng ar mamaá tofaá'a, asma sla'aari iga tiqís.

DAA'AANGW 4:13

Harma/tók adór asalmoó komamaánga dinkwa nee mamaá ló'wa hhohho' sleémeero kudá' ta bay hína nee nárdo.

DAA'AANGW 4:16

Fur'ár bihhaá /iikú daahh, fukuku'uutáng. Qwaláng, fur'ár bihhaá basa, fukukuú' ar gawaá asalmooeé'. Mooyángw tsuú' yaamuuká' ngi aleetsati. Sla'aarusmooeé' ni hardihi baraá asalmoowós i aleeró, mamuuwós kudá' hho' ngi /aymár ay.

DAA'AANGW 5:16

Afkós aa haáts axweesantá tsuua. Ar ló', ku hhoohhoó', Naagáy adoorí an adór sla'aarusmooeé' i dirii'i, aá /ameenár Yerusalemu.

DAA'AANGW 7:13

Mooyángw xa'anoó ta bay tunguúja i tlatláy, dír afkú doorene umuú xa'anoowo i deer oo mamaá hhohho' gi koóm. Aníng xaa'aá qaren nee awa /abene iga amohhe'eés as kuúng sla'aarusmooeé'.

DAA'AANGW 8:11

Solomon i qaymór sabiíbuú kón dír yaamaá ta babay Ba'al-hamoni, nee gana koomaauús dír xuumuuse, umuú heewo gár aa buú' a parhheemaá peésa awa kumuú wák.

DAA'AANGW 8:12

Qaymor'eé' ar sabiíbu a te'ér kilá'. Eeít, a te'ér kilá'. Gimáy kuúng Solomon, iwiít ar peésarók ar kumuú wák, nee umuú xumusmoó mamuuwo i iwiiti ar peésaaro ar tsiire tsár.

DAA'AANGW 8:5

A heemá heewí baraá darmuú daáhh? Slám aa tlintií' gawaá sla'aaruso'oorós. Dír gamuú xa'anoó tofá'aro, aníng kuúng una tleés, didá' handá' aayoorók asltá xwayla ngiwa eér. Eeít, didá' handá' aayoorók uwa laqwál.

ISAYA 25:4

Asma kuúng ana dír guwaay tleehhít dír narkutmoowo, ana koo/ír gawit tleehhít dír heé aa aleni oo baraá slahh'amu, ana dír guway tleehhít qoomár bambaaór xaraasla, nee ana mahhtí tleehhít qoomár siree/iro. Asma slahhtá múk tlákw i xarásl adór bambaaór fukukuú' gawaá koo/i.

ISAYA 32:2

Umuúqo heewo tari adór dír tay gogoowi qoomár fur'aaro. Tari adór dír tay nahhat qoomár tluwoó dukto. Umuú heewo tari adór yaaér ma'aá koom ar baraá yaamaá kaahaar, tari adór mahhatír tlaa/ár yaangariir ar baraá xaanxaay.

ISAYA 4:2

Baalaadae harma/itá AAKOÓ MUNGÚ i hhoohhoouúr iri xirfút, nee panaydá' aa meet oo múk Israeli mamaá yaamu kin ar daara/án nee tiri diidi'iimisiyá'.

ISAYA 4:6

Xirfuuwós dir'ine a adór mahhtír gi tuuntuuk qoomár siree/ír tlaatla/aango, nee an dír guwaay nee gaamboót qoomár bambaao nee tluwaywo.

ESEKIELI 47:12

Naagáy dír bihhér yaaeerihe xaa'aá /aymár wa hariimá' ni ti'iitiyá'. Loo/or'ín i baloó katká, laqaá mamu laqwaliingo ngi may'aaká. Mamaá /aben umuú slahhaango ngin laqwaliná', asma ma'aydá' amór Doó Mungú wa wa/amimá' gin slaslayá'. Mamuuín a muruú /ayma nee loo/or'ín a maasoó tiqti hungu/uumis.»

Yoeli 1:12

Sabiíbu aa /oóts, /antsí aa kamaa/arút. Xaa'aá ta bay komamaánga nee slaansla nee tofá'a, nee xaai sleémeero awa baraá qamu naa kahiyé', qwal/uú muu iri qwaár.

Ebrania 12:2

Atén gár tiwa hariím masók a Yesu un ga/aawaán umuúqo siiwaro. Asma inós an iimu/úngw haratlintaaoorén, nee slám inós haratlintaaoorén ga boo/ees. Inós qwal/uudá' gu daamaaraám guna ár. Gawaá adoorihe gwa'arár msalaába gari qiqtlín, tam murér gwa'arár adoorí ga gaárií xuiiká. Nee hamí aa iwiít bihhaá dákw doó /iyáy oo kitangwduú aleesleemu oo Mungú.

HAR'OHUUSE 9:15

Xa'anoó laqeelo iri oó', ‹Aníng birqo waawutmoó wa sla'á', qwalaasé' iwiité' baraá mahhtír'eé'. Ala bar adoorí a sla'a'aaká, masók asla nin baraá laqeeloeé' wa ti'ít miereésír Lebanoni gari qororo'ós.› »