DAA'AANGW 2:14 - Biblía Axweesantá Hhohho' ar Mungú 2004

¹⁴ Aá hhookir'eé', tidá' aa nahhat baraá mar'ír tlaa/a, baraá lu/aroó mar'i, qwaláng aníng gitsee/aawók i ár, nee afoorók ngi axaás, asma afoorók i natsaatsá' nee gitse/aawók i sla'atimisiyá'.

DAA'AANGW 2:14 Iomraidhean Croise

YOBU 9:16

Tam u ateeta inós iri ooín a haratlintiaaká adór inós ir axamiís.

WARA'AMI 110:3

Mukók ni fi'iit bál bar nee wakuuseerók taa eeré', masoombarók ni hardát gawaá tloomadá' hhoohhoo', adór har'uú matlaatle.

WARA'AMI 22:3

Ala kuúng aqo kudá' hhoohhoó', kuúng a waawutmoó ta xirfayeemisi nee múk Israeli.

WARA'AMI 45:11

as waawutmo daqaní hhoohho'ariirók gay waatlakwees. Asma inós a aakoowók, kiíng na i tumbarara'ateek.

WARA'AMI 45:12

Múk yaamaá Tiro ilahhooar'ín ngi huuw, daqaare ila' giri dirók i hhe'eemís.

WARA'AMI 50:23

Kudá' aníng i ilahhooár sluufáy duxuúm, an kudá' aníng i xirfayeemiís. Heé digir waketiingós gwaa qoomees aníng u ba/amís!»

WARA'AMI 68:13

Ala tam muu bahh'alé ta áykwí meeti deeloodár slaqwaraaro, ala murslaaqatuduú hhooki oo hhampe'eeriwós taa tleéhh ar sahaábu, i gwa/aat.

WARA'AMI 74:19

Hhintluú hhookirók mu dír makiito'ór xaraáslí haniisaar, mukók kudá' taa slahh'eemiís mu gunqareesaar!

TI'INAANGW 3:6

Mungú iri malé oó', «Aníng a Munguú baabuúwók, Munguú Abrahamu, nee Munguú Isaka nee Munguú Yakobo.» Mose ilaawós giri luú/ asma qaytsitár amór Mungú gana da'ayuút.

AXWEESANOÓ SAGALOOA 15:8

Ilahhooár muruú ta tsu/i ar heé tlaákw AAKOÓ MUNGÚ ga waak, Ala firór heé hhoó' gun qwal/atimís.

DAA'AANGW 1:15

Aá sla'aaruso'or'eé', kiíng ti ló'wa hhoohhoó', ti ló'wa hhoohhoó', ilaawók a adór kuqaá hhooki.

DAA'AANGW 1:5

Aá /ameenár Yerusalemu, aníng ti ló'wa boó/ ala ti hhoohhoó'. Ti hhoohhoó' adór heemadaá Kedari, adór inqwaruú Solomon.

DAA'AANGW 1:8

Aá sla'aarusó'o, kiíngadá' hhoohhoo' baraá /ameenaaro, amo bar xu'uká, loohi ooheek, ya/atír bee/aangw eehareek. Aaraawók de'eemeek bihhaá heemadaá de'eemuusér wa alé.

DAA'AANGW 5:2

Ana guú', ala muunaáeé' aa guiiká. Naxés afór sla'aarusmooeé' i afkú do' wa ateetiín. Afkú do' gweereek, hho'or'eé', sla'aaruso'or'eé', hhookir'eé' ar dakuús wasl, sagw'eé' aa naá/ har'uuwo, se'engw'eé' aa naá/ har'uú xweeraawo.

DAA'AANGW 8:13

Kiíngadá' baraá qaymoórí dirii', mulqer'eé' afoorók gaa axás áx gimáy na'ás aníng sleeme a axaás.

ISAYA 2:21

Inooín nin dahiyá' baraá guruú mar'ór tla/u, nee baraá pa/eeraá tla/u, geeraá dae tlaquú AAKOÓ MUNGÚ nira hardihiiká, nee xirfuú waawuti'iimarose, qoomár birna tláy as yaamu ngiwa dae tsati.

ISAYA 51:3

Asma AAKOÓ MUNGÚ Siyoni ga gurkwa/as, wa/angwdá' sleémeero a hhiturumiit un amohhe'eés. Darmuuwós un adór Edeni tleéhh, xaanxaywós un adór asalmoó AAKOÓ MUNGÚ tleéhh, qwala/ nee bara/uuwo niri deerutiyá' baraawose sluufaay nee afór daa'aangw kari baraawósí axaas.

ISAYA 6:5

Aluuwo aníng niri oó', «Tsaxwaaeé', asma aníng aga qwaár, aníng a heé afa slasla/aár, nee an hoót tla/ángw múk afe slasla/arén wa ale, nee ilaaeé' waawutmo ngwaa ariyé', AAKOÓ MUNGÚ Aleesleemusmo.»

ISAYA 60:8

Muruuwí aa /akumiit adór huunkáy a milá? Adór hhookár harakikii/ amór maray'ín.

YEREMIA 48:28

Kuungá' yaamuloouusér Moabu baraá gixsaduhunge ti'iité', hota awaak baraá tla/u. Adór hhooki tleehhité' tidá' do'ós gwaa tlehh dír afaá duxa.

YEREMIA 49:16

Dae tlaqa nee daara/aangók kudá' ta tlehhit ugwa al/ayiyé', kuúdá' hotaatiím baraá mar'ór tla/uú wa alé nee gawaá sagér tlom'i. Tam do'ók ugwa adór gwareesír wa gáwtí tlehhi, aníng kuúng un gawaasíng wa /arara'aás. Anuú AAKOÓ MUNGÚ tí ngina oó'.

ESEKIELI 7:16

Múk aa kotsqoot bir deer, ta ta'aaín gawaá tlom'i, adór hhookár tinda baraá xatstá wa naáxw, umuú hee iri tsuunqumiis as tlakweemaawós.

DANIELI 9:7

Aá Aáko, diroge gan'amu i deer, ala atén umuú deeloro mure taa fák. Kaangwí sleémeero a ló' dír ateéká' Yudeár hootá' nee yaamuloouusér Yerusalemuro, nee múk Israeli sleémeero kudá' taa diyá/ baraá yaamaá saawá' nee awa tsewene, asma inkihhimu nguwa dakuusiyé' diroge.

OBADIA 1:3

Daara/ángw muunaáwók ina al/agín. Kiíngadá' hotaatiim baraá mar'ór tlaa/é wa alé, kiíngadá' do'ók ugwa tlehh gawaá tlooma, hanoosáy a baraá muunaáwók i kat, «Heé aníng aweeriisaro i asláw a heemá?»

Matayo 10:16

«Qaytsité', án kuungá' nu adór bee/ángw wa ya/aáw baraá tla/ángw tawer, gawaá adoorihe masók tundun sageloén adór dayshe, slám masók tundun tsaén adór hhooka.

Matayo 3:16

Yesu baatisaro kuwa hhe'eés, hamtidár kilae iri baraá yaaér wa ti'iít. Doori nay gweeritiyé', Qeeruú Mungú guri ár iwa gawaawós i awdiiti adór hhookír wa ale.

Efeso 5:27

Asma inós gár i slai a múk hhohhó' gun sláy, oo dakuús wásl, kudá' gár slasla/aar ga koomaaká, laqaá muruú tlákw oo dimbadimbé oo adór kwí, masók an múk hhohhó' oo xaslxaanslír koomaaká.

Kolosai 1:22

Ala hám daxta kuungá' sleeme naa amoorósií haraki/ís ar Garmaawós. Asma Garmaawós ina hoót iri gwaá' as kuungá' nuwa amohhe'eesi, tawa sihhita' dír geeraawós i alé, tawa múk hhohhó' oo xaslxaanslír koomaaká, tam oo hhasaám wásl.

Ebrania 10:22

Tlakweemaá muneerén kaa hamaátl, nee muneerén kaa hhoohhooeés. Slám slaqoorén kaa hamaátl ar ma'aá hhohho'. Gawaá adoorihe atén Mungú ku haratseewuwaán ar haratlintaaór ló', ar xure wasl.

Ebrania 4:16

Gawaá adoorihe atén masók an tseewuwaán ar pihh'uuma dír kitángw Mungú, didá' tsuuqaá Mungú kiwa slay, as tíwa gurtleemuú i haniisi, nee /uuru kuwa slawaan, kudá' atén ti alee/iimiís qoomár hariima.

1 Petro 3:4

Ala hhohhoaarirhúng masók a hhohhoaaridár baraá muuná, tidá' geetlaakw, slám i hhitirutaká. A hhohhoaaridár muunuú tsatsa'aár nee amohhoa. An tidá' ló'wa afhhamít dír geeraá Munguhe.

Yuda 1:24

Mungú kuungá' nu aleesláy nuwa de'en as dukuutsmo munduwa tuú', slám nuri sihhitis dír geeraá xirfuuwós tawa múk xaslxaansli wásl, nee tawa múk baraá qwal/uú úr.

Geehhoeemaá 5:8

Qoomár kitaábuudá' nguwa taataáhh, muruudá' tsiyáhh oo slaáf nee bariiseedá' mibeeri tsár nee tsiyáhh tari tumbarara'aát dír geeraá Deelmoó bee/i. Umuúqo heewo baraine i marímbár úr kón, nee slooqa'aá sahaábu awa muruú mooyángw tsuú' koomá' oo ta da/a/an ilahhooár wa ale. Muruuwí mooyángw tsuú' koóm an firór múk hhohhó' oo Mungú.