DAA'AANGW 1:7 - Biblía Axweesantá Hhohho' ar Mungú 2004

⁷ Aá sla'aarusmooeé' oo muuná, áx axweesáng, amór bee/aangók kway tles a amá? Dír tlaatla/ango kway tlahhas a diimá? Ahaá asma aníng ma har adór heé tawo hi'iimiít, dír bihhaá bee/ángw mulqeeroge?

DAA'AANGW 1:7 Iomraidhean Croise

IIMU/UUNGW 37:16

Yosefu iri oó', «Hhaee'eé' in leelehhiít. Na'ás, dír iwa de'ena' ooang.»

WARA'AMI 116:1

Aníng AAKOÓ MUNGÚ un slaá' asma afor'eé' ga iiárií qamín, inós firor'eé' gaa axaás.

WARA'AMI 18:1

AAKOÓ MUNGÚ, án kuúng u slaá'. Kuúng a /uuruueé'.

WARA'AMI 28:1

AAKOÓ MUNGÚ, án kuúng u i /aa/amiím, kuúng a dír guway'eé'. Iiárií qaasáng ma xasliitaar. Bira mu/aywatsiká, aníng a slaqás, nee mukdá' aa qaatl iri /eét baraá gi'i.

WARA'AMI 80:1

Kuúngusuú de'eemusmoó múk Israeli, iia qaaseek, múk Yosefu geeraharaahareek adór daqooroó bee/aangw. Kuúngudá' aga gáwtí iwit dír malaykeero, xirfuuwók gwa/atiseek.

DAA'AANGW 2:16

Sla'aarusmooeé' a kwe'eé', aníng a tós, inós bee/aangós gun de'én baraá /ayór wa alé,

DAA'AANGW 2:3

Sla'aarusmooeé' baraá tla/ángw daaqaywo a adór xa'anoó tofaá'a oo baraá tla/ángw darma, aníng a qwalalaá/ niwa huungu/uus dír mahhtirós, nee mamuuwós bira tsaáq i ló'wa tsuuiyá'.

DAA'AANGW 5:10

Sla'aarusmooeé' ku ló'wa hhoohhoó' nee in /uuruú kón. Inós ku iia tleér tla/ángw hhawaataá kumér mibaango.

DAA'AANGW 5:16

Afkós aa haáts axweesantá tsuua. Ar ló', ku hhoohhoó', Naagáy adoorí an adór sla'aarusmooeé' i dirii'i, aá /ameenár Yerusalemu.

DAA'AANGW 5:8

Aníng kuungá' /ameenár Yerusalemu nu firiím, sla'aarusmooeé' burngwa aandé' ádbawaak adór sla'aari ira slahh'és.

DAA'AANGW 6:2

Sla'aarusmooeé' aa baraá asalmoowós káy. Didaádá' /ayór ta bay rihaáni ki dahaás. Inós i bee/aangós de'én nee i /ayór waariídír burumburín.

DAA'AANGW 6:3

Aníng ar sla'aarusmooeé', nee sla'aarusmooeé' a kwe'eé', Inós i bee/aangós de'én dír /ayór waariídír wa ale.

DAA'AANGW 8:13

Kiíngadá' baraá qaymoórí dirii', mulqer'eé' afoorók gaa axás áx gimáy na'ás aníng sleeme a axaás.

ISAYA 13:20

Múk baraadí hotaá áw kureeriwo i kaahh, tam baraá qari sleémeero heé baraadá' wa hoót i kaahh. Ma/arabumoó heémaarós ga baraadií siíhh i kaahh, tam de'eemuusér bee/angw'ín gu baraadií deeliis i káhh.

ISAYA 26:9

Baraá muunaáeene kuúng una islaasláw looa ngari fiíq, nee baraá qeerueene kuúng una tseewa leelehhtuú áw ar tsáp. Asma bál bar yaamu iga sakwasleemút, yaamuloouusér baraá yaamu hotaá ganaa'á' gi intsaatsáhh.

ISAYA 40:11

Daqtós gan /aymiis adór de'eemusmoó wa ale, nee deeloó bee/aangw gun gawaá dabaawósií oh, giri gawaá da/eewawósár loohiis, bee/ángw du'umiís idaahharo gun tseegiis.

ISAYA 5:1

Aníng sla'aarusmooeé' u i daá'. Daa'ángw sla'aari daanduú qaymoorós ar sabiíbu. Sla'aarusmooeé' qaymór sabiíbu ga kón, gawaá sákw tloomár hhapér hhó' koom.

YEREMIA 33:12

AAKOÓ MUNGÚ Aleesleemusmo i kaahi, «Diirír xaanxaay ar múk koomaaká laqaá makaay nee baraá gixsaduín sleémeerowo, diirí an qawtantá de'eemuuse daqooray'ín oo bee/aangw nguwa de'een.

MIKA 5:4

Inós in sihhiit nee daqtós gari de'én ar /uuruú AAKOÓ MUNGÚ nee ar aleesleemuú waawuti'iimár umuú AAKOÓ MUNGÚ, Munguúwós. Mukós iri saxareemár hoot, asma inós uraay guri sláy baraá yaamu sleémeero.

Matayo 10:37

«Heé baabuúwós nee aayo gi slaá' ta aninge, i aníng wa harinká. Slám heé garmaawós gu slaá' laqaá dasiirós, ta aninge, i aníng wa harinká.

Yohana 10:11

«Aníng a de'eemusmoó hhoó'. De'eemusmoó hhoó' slafiingós gun duux as daanduú bee/aangw.

Yohana 21:17

Yesu iri malé oó' sagaáwa tame, «Símon, garmoó Yohane, án kuúng i slá'a?» Petro iri gurhaamuút asma adoodá' kuwa yaahaás sagaáwa tame, nguwa báy, «Án kuúng i slá'a?» Petro iri oó', «Aáko, kuúng mura' sleémeero u xú', nee kuúng aga tsáhh adór án kuúng ur slaá'.» Yesu iri oó', «Bee/angw'eé' /aymiiseek.

1 Petro 1:8

Kuungá' inós u sla'á' tam ugwa aandi'iikahe. Slám inós u haratlintaatiá' tam hamí u ara'aanda'aakahe. Kuungá' u sageeqwalaala/á' ar qwal/uú xirfuú koóm, kudá' alki/ituuwo ta aleesleera'aaká,

1 Petro 2:7

Gawaá adoorihe inós i xirif tleehhiit dír kuungaásingá' aga haratlinti'ii'i. Ala dír kudá' naa haratlinti'ii'ikahe a adór «tlaa/aadá' qwatsiiruuse aa sí' aa tlaa/ár ur tleehhít ar do' ir gawduy.»

1 Yohana 2:19

Mukwí ina dirén wa tláy, ala asma inooín awa bartareneká. Inooín geera bar awa bartarén, geeraawo nee atén aga alhootaán. Ala tana tláy as kiwa tsaahha hhe'eesaan adór tar awa bartareneká.

Geehhoeemaá 7:17

Asma Deelmoó bee/i kwí tla/ángw kitángw aleesleemuú i dirií', inós inooín gi de'én, giri geeraharahaar didár kutloó ma'aá slafíngw koóm i dirii'i. Nee Mungú hhirhheeri'ín sleémeero gi fiits baraá ilaaine.»

RUTI 2:21

Nee Ruti, dasír xoorór Moabu iri ó', «Eeít, inós aníng ina báy, diirí wa kumiiteek, dír bihhaá sagadiyuuser'eé' ay dír bu'ungw'eé' sleémeero ngway faakiya'.»