DAA'AANGW 1:5 - Biblía Axweesantá Hhohho' ar Mungú 2004

⁵ Aá /ameenár Yerusalemu, aníng ti ló'wa boó/ ala ti hhoohhoó'. Ti hhoohhoó' adór heemadaá Kedari, adór inqwaruú Solomon.

DAA'AANGW 1:5 Iomraidhean Croise

WARA'AMI 120:5

Hhintlueé' ku gawít asma hotángw dirhúng a adór heé baraá hoomár Mesheki, laqaá adór heé baraá hoomár Kedárír i dirií'.

WARA'AMI 149:4

Asma AAKOÓ MUNGÚ mukós gu sa qwalalaa/. Múk tsaén gun parootuus ar arba/ati.

WARA'AMI 45:9

Dasuú waawitá i baraá tla/ángw amami'iiwók kudá' ilaiwa/uuse, bihhaá dakók oo doó /iyayhe waawuto'o aa sihhít, tsiitaywós a tsiitoó sahaábuú yaamaá Ofirír daáhh.

WARA'AMI 90:17

AAKOÓ MUNGÚ, Munguúrén, masók hhohhoaarirók i gawaarén i dirí', gadiyér dabaarén ya/ameek, kuúng gadiyér dabaarén ka kwa/ás.

DAA'AANGW 2:14

Aá hhookir'eé', tidá' aa nahhat baraá mar'ír tlaa/a, baraá lu/aroó mar'i, qwaláng aníng gitsee/aawók i ár, nee afoorók ngi axaás, asma afoorók i natsaatsá' nee gitse/aawók i sla'atimisiyá'.

DAA'AANGW 2:7

Aá dasuú Yerusalemu, nu harhheehhe'eés, adoodár saaraga laqaá tsagna ira xaslmít baraá sla/a, sla'aari sleeme ma gwarangwarimara' laqaá ma dukuumara' ay dír qoomaarós i xeer.

DAA'AANGW 3:10

Uheemiwós kina tleéhh ar muqslír peésa. Daanduuwós a sahaábu. Didá' ti iwiiti kaa tuuntuúk ar tlabaá sirda/aten kudá' /ameenár Yerusalemu aa hirít as sla'aari.

DAA'AANGW 3:5

Aá dasuú Yerusalemu, aníng kuungá' nu harhheehhe'eés, adoodár saaraga laqaá tsagna ira xaslmít baraá sla/a. Sla'aari sleeme ma gwarangwariimara' laqaá ma dukuumara', ay dír qoomaarós ni xeer.

DAA'AANGW 4:3

Slufoowók a adór hhutlmoó daa/aát. Afkók u ló'wa slaá'. /Uuntle'eeriiwók baraá sheélaroge a adór kaeemaá tsár awa mamito'ór komamaánga.

DAA'AANGW 5:16

Afkós aa haáts axweesantá tsuua. Ar ló', ku hhoohhoó', Naagáy adoorí an adór sla'aarusmooeé' i dirii'i, aá /ameenár Yerusalemu.

DAA'AANGW 5:8

Aníng kuungá' /ameenár Yerusalemu nu firiím, sla'aarusmooeé' burngwa aandé' ádbawaak adór sla'aari ira slahh'és.

DAA'AANGW 6:4

Sla'aaruso'or'eé', kiíng ti ló'wa hhoohhoó' adór gixsár Tirsa. Ti hhoohhoó' adór Yerusalemu. An dae tláq adór slaqwaruusér bendeéra gaa gáwtí tles.

DAA'AANGW 8:4

Aá dasuú Yerusalemu, aníng kuungá' nu harhheehhe'eés sla'aari ma gwarangwariimara', laqaá ma dukuumara', ay dír qoomaarós i xeer.

ISAYA 21:16

Asma Aako aníng ina báy, «Baraá guruú kurkú wake, u /aaresaaká, nee u harwaarahhasaaká, adór kuquú heé ta bu'un tlaatla/ángw wake, xirfuú múk Kedari u qwaareés.

ISAYA 53:2

Inós ina dír geeraá AAKOÓ MUNGÚ wa uraaráy adór xa'anoó dutlutluú/. Adór dee/aarmoó xa'ano oo baraá yaamaá kaahaar. Ga/aawaak, inós slaqsoó hhoohhoó' laqaá gitsee/aá hhoohhoo' gi konká as kahhó' kuwa iiqaytsit. Hhohhoaari tam ar niiná ar kuwa waatlakwes i káhh.

ISAYA 60:7

Daqoroó bee/aangw oo Kedari kungu diróg i burumbuur. Gwaandaawér Nebayoti kari ilahhooár da/tá wa hanís, gwaandaweedá' kari ya/án gawaá kitangw'eé' oo ilahhooaro. Nee dooeé' kudá' xiríf nguri xirfayeés.

ISAYA 61:10

Aníng an ló'wa qwalalaá/ baraá AAKOÓ MUNGÚ wá ale. Muunaáeé' i baraa/ as Munguúeé', asma inós aníng iga uuntsuús ar tlabaá ba/ama, iga hotaá ganaa'ár tsiitiís adór hiyaay. Adoodá' garmoó duxuxuúm tir parootumamisi ar slamángw /ayo, nee adór dasír ta duxuuti tir parootumaamis, ar kwaslaá tlaxo gawden.

ESEKIELI 16:14

Xirfuuwók iri dalaá/ ay hhapeemo sleémeero nee hhohhoaariroge, asma hhohhoaarirók ina bu'út as xirfuudá' aníng naa kiíng i haniís. Anuú Aakoó MUNGÚ tí aga oó'.

ESEKIELI 27:21

Múk Ma/araábu nee geeraharuusér yaamaá Kedari sleémeero an múk halaanu'uumár deeloó bee/aangw, nee gwaandaawe nee ar aaraawo aga ló'wa tlehhte'.

Matayo 10:25

Ala i ya/aán eeharusmo tawa adór intsaahhatusmoowós, tam lawaalmo tawa adór aakoowós sleeme. Bar heé do' loó' kuna ateetín ar Be'elsebuli, xáy dír ta harqaasi dír mukdá' do'ós hoota.»

Matayo 22:11

«Waawutmo iri dáh baraá do', as dahaayeerós ngiwa taaqweesi. Heeko guri ár baraadae oo tlabaá duuxo gi koomaaká.

Luka 13:34

«Yerusalému, Yerusalému, kiíngadá' aaruusér tsu/a/iim, nee kudá' tinda amoorók ya/aáw kiwa tlaqwaqut ar tlaa/e. A sagaáwa magá' án mukók nguwa burumburtá wa slaa', adoodár koonki tsiioorós ngir burumburariin baraá hhaampi'iiwós, ala kuungá' aga ya/aandi'iiká.

Luka 15:22

Ala baabá lawaaleerós gari báy, ‹Inqwaarír hhoo' huwaare' ar gaanslaay, tsiitisaak, dakós mungáy qaasaak, ya'a' ya/atáy dahaasaak.

Rumi 13:14

Ala kuungá' Aako Yesu Kristo na oohaak tawa baqamorhúng, nee slám ma kumiitara' ilatleerír slaqoohúng kawa tleemisa'.

2 korinto 5:21

Heedaádá' tlakweemaá xuaaká, Mungú heedaádá' guna tlakweema tleéhh as atén, as atén tiwa gan'amií harafaari dír geeraá Munguhe ar loohír inós.

Galatia 4:26

Ala /ameenidár hatlá' an adór gixsár Yerusalemu tidár gawaá doorí dirii'. Inós an lawaalo'oorooká, nee an aayoorén.

Efeso 5:26

Adoorí gana tleéhh as mukós nguwa hhoohhooeesi nee nguwa hamaatli ar ma'aay ar /uuruú axweesantós.

1 Yohana 3:1

Sla'aarír Baabá adór kar úr áx ga/aawaak, tí atén tiwa na/aá Mungú ar ateetin, anqo adór hamí tay diriiaan. Gaarí an gár múk aa haratlintii'iiká atén tis tsatsahhanká, asma Baabá sleeme kwa tsaahhiiká.