DAA'AANGW 1:4 - Biblía Axweesantá Hhohho' ar Mungú 2004

⁴ Aníng ar tlawáng, góh ar gaanslaay, Waawutmo aníng iga dahaás baraá do'ós, Atén kuúng uri saqwalaala/aán nee uri sa bara/aán, sla'aarirók kari alki/itaán tam difaái ba/a. /Ameena kuúng uwa sla' i hariín.

DAA'AANGW 1:4 Iomraidhean Croise

WARA'AMI 111:4

Inós aleesleemu guna haniís oo tlehhmi'iiwós kudá' waa/oo/amo kiwa inslasláy. AAKOÓ MUNGÚ i hhooeemaá kón nee gurtleemuwo.

WARA'AMI 119:32

Hara'ayarók an eehár, asma fuqurangw'eé' ngu dogít.

WARA'AMI 119:60

An gaansluút, a tligaaká hara'ayaarók ngiwa oh.

WARA'AMI 149:2

Israeli tleehharusmooín ngu saqwalaala/iye', na/aá Siyoni Waawutmooín ngu sa baraa/iye'.

WARA'AMI 42:4

Qoomár bar muruú aáng ugwa insláw, muunaáeé' in gurhaamuut. Asma qoomaadae tina alkoomakoomaán nee boo/oó úr, ngiri geerahaár tawa hardahaan amór Doó Mungú, boo/oó úr oo muu oo hi'imiít ar afór bara/ nee daa'ángw ilahhooa.

WARA'AMI 48:9

Xáy Mungú, sla'aarirók ar warqawaaká atén an aldakwaán, baraá Do'ók oo hhoohhoó' wa ale.

WARA'AMI 63:5

Aníng a qwalalaá/ adór heé wahhna nee waeemo gaa /aay, afkwe'eene kuúng u xirfayeemiís ar qwala/.

DAA'AANGW 3:4

Qoomár niwa dir'ín wa tláw heedaádá' muunaáeé' i slai nguri ár. Nguri dawa óh, ugwa baloó geemawiiká as miwa tláy. Nguri huúw amór doó aayor'eé', ay baraá tla/afír aayoodá' aníng iga laqwal.

DAA'AANGW 4:10

Hho'or'eé', sla'aaruso'or'eé' ar ni duxuut, sla'aarirók i ló'wa tsú', ka afhhamít ta difaáiro. Maraáshirók i mooyángw tsuú' koón ta mooyaangw sleémeerowo.

ISAYA 25:8

Aakoó MUNGÚ gwa'ara gan hingees ay kureeraá kureér. Inós hhirhheeri gin fiits gawaá ilaá muu sleémeerowo, nee mureekeesoó mukós gun hingees baraá yaamu sleémeerowo. Asma AAKOÓ MUNGÚ adoorí gaa oó'.

ISAYA 45:25

Xwaylár Israeli baali ga sleér nee xirfuuwo dír AAKOÓ MUNGÚ wa aleeró.

ISAYA 61:3

Kudá' tsuunqumiisá' baraá Siyoniro. Slamángw /ayo nguwa slaya' kitángw da/araro. Di/tá qwala/ ngiwa haniis kitángw tawa tsuunqumiisi. Tlabaá xirif ngiwa haniis kitángw muneesi'imaawo. Daqaní inooín kin bay «Ti'itaawér hota ganaa'. Dahaasíngw AAKOÓ MUNGÚ, as kahhó' inós kuwa xirfayeesi.»

ISAYA 63:7

Sla'aarír warqawaaká ar AAKOÓ MUNGÚ an alki/iít, xirfuú AAKOÓ MUNGÚ un oiím, ar har qoomoó muruudá' AAKOÓ MUNGÚ naa atén i tlehhiít, nee hhooeemadá' yaariir aa tlehhaahhiít dír múk Israeli, kudá' a tleehhaahhiít ar harqoomoó gurtleemuuwós, ar harqoomoó yaareemaá sla'aarírós ar warqawaaká.

YEREMIA 31:3

AAKOÓ MUNGÚ tina amór saáwá laqán i kaahi, Aníng kuúng una ló'wa slaá' ar sla'aarír alhhe'eesay wasl. Gawaá adoorihe aníng an kumamiít tiwa inkihhím diroge.

HOSEA 11:4

Aníng ina geerahaár ar gurtleemu, ngiri uuruúx ar sla'aari, taaqwantadár gawaá isooín ngiri hingeés, aníng ana xupuú' ngiri /aymiís.

SEFANIA 3:14

Aá múk gixsár Siyoni, daaé' ar afór ur, kuungaá múk Israeli tsimaahhuusé', Kuungaá múk gixsár Yerusalemu, qwalaala/é' nee baraa/é' ar mune sleémeero.

SEKARIA 9:9

Kuungaá múk gixsár Siyoni qwalaala/é', kuungaá múk gixsár Yerusalemu baraa/é'. Ga/aawaak waawutmoohúng ni amorhúng i hardah, nin hardah ar bara/ nee arba/ati, ku tsatsa'aár, aa tsa/án gawaá daqwaay, gawaá gwarendmoó daqwaay, na/oó daqwaay.

Matayo 25:10

Inooín tawa tláy, tawa di/tá tlaxór áy, heedá' duuxuuxuúm nay hardáh. Nee kudá' taa amohhe'eesiye' nee inós tari al dáh baraá doó duuxór i alé. Piindo kari qaás.

Luka 2:10

Ala malaykamo giri báy, «Ma da'ayumiitaara', asma án kuungá' nuna Ya/abtór hhó' i huúw ar qwal/amaayér ur dír muu sleémeero.

Luka 22:19

Aluuwo mukatmo guri óh, iri sluufiís, guri parhhamiís, guri dir'ín i haniís iri oó', «Gaarí a slaqwte'eé' [ar tinda haniís as kuungá'. Adoorí tlehhiitaak as inslaslangw'eé'.»

Yohana 12:32

Aníng birta gáwtí tleés, muu sleémeero u amor'eé' uuruúx.»

Yohana 6:44

Heé hardahamuú amor'eé' gu aleesláw i kaahh, barnaxes kunga uuruuxiiká nee Baabuúdá' aníng iga ya/aaw. Nee aníng heedaádá' nguri waasle/atís bál deelór alhhe'eesaywo.

Efeso 2:6

Tina waaslee/atís dinkwa nee inós, nee tina iwiitiís gawaá doori dinkwa nee inós, ar baraá Yesu Kristo.

Efeso 6:24

Tsuuqaá Mungú masók i dír muu sleémeero, kudá' Aakoorén Yesu ngu sla'á' ar sla'aarír faakaaká.

Filipi 3:3

Ala múk taa al/utlín a atén, ar al/utloodár ló'. Qeeruú Mungú atén ti gan'aamiis baraá sluufayrene. Atén tin xirfayeemisaán as Kristo Yesu kilós. Gár hatlá' ar ta haraxuaan i káhh ar tlehhema'aá tawo.

Filipi 4:4

Qwalaala/é' daqisleém baraá Aakoó wa ale, slám nun malé baw, qwalaala/é'.

Ebrania 12:1

Asma atén taa harweér nee lamabu'uuseerí yaariir adór huunkár alé. Gawaá adoorihe atén sleeme gár tiwa hariím a muruudá' sleémeero atén ti iilooeemiís un kwahhaán, nee tin paraatlaán nee tlakweemaadá' sleémeero atén taa oohiye', nee slám atén tawa geerií ta'aimaan ar qitla baraá qwaatloodá' taa dír geeraarén i qaasi.

1 Petro 1:8

Kuungá' inós u sla'á' tam ugwa aandi'iikahe. Slám inós u haratlintaatiá' tam hamí u ara'aanda'aakahe. Kuungá' u sageeqwalaala/á' ar qwal/uú xirfuú koóm, kudá' alki/ituuwo ta aleesleera'aaká,