AXWEESANOÓ SAGALOOA 4:2 - Biblía Axweesantá Hhohho' ar Mungú 2004

² Asma aníng intsaahhatisár hho' ngi oó', hara'ayar'eé' ma siaara'.

AXWEESANOÓ SAGALOOA 4:2 Iomraidhean Croise

1 QOM'I 28:9

Daudi Solomon guri báy, «Kuúng garmaaeé' Solomon, Munguú baabuúwók xueek, inós sagadiyuuseek ar muunaáwók sleémeero nee ar tsáp. Asma AAKOÓ MUNGÚ inslawoó muu sleémeero gun tsee/aarín, nee umuúqo gár ta qoomeemesi gan tsatsahhán. Barnaxes kuúng inós ugwa leeléhh u sleér, ala bar ugwa sí', inós un geexáy ay alhhe'eesay wasle.

2 QOM'I 7:19

Ala barnaxés kuungá' aníng iga geexeeré', kaahir'eé' kari sié' nee hara'ayar'eene, nee munguaá hatlá' kiri sluufmisuú eeré',

YOBU 11:4

Kuúng a kat, ‹Gár án ni kah a ló', eeít, dír geeraá Munguhe án ti hhoohhoó'.›

YOBU 33:3

Aníng qomtir'eé' an káh, nee tidá' ni xuu' an káh ar inkihhimu.

WARA'AMI 119:87

Iga nak/aasiyé' gaasaro, ala án hara'ayaarók aga mawiiká.

AXWEESANOÓ SAGALOOA 3:1

Garmaaeé', intsaahhatisar'eé' ma gunqaresaar, ala hara'ayduueé' ooheek ar muunaáwók.

YEREMIA 35:8

Atén afór Yonadabu baabuúrén, ana ilaiwawa/aán, tidá' sleémeero atén tiwa hara'ayín, ar difaái ngiwa wahaanaaká baraá slafingwrén sleémeero, ateénaá kilá', nee tlaawayrene, nee daaqayrene, laqaá tam dasuurén.

DABE 32:2

Intsaahhasar'eé' masók i tlúp adór tluwaay, axweesante'eé' i páhh, adór har'uú wa ale, adór tluwoó baáf baraá gitso, adór ilaá tluwaay awa paahhá' baraá loo/ór dutlutluu/.

1 Timoteo 4:6

Intsaahhatisarí sleémeero alki/iiteek dír hhae. Daqaní kuúng a sagadiyusmoó hhoó' tleehhít oo Kristo Yesu. Asma kuúng qeeruuwók un /aymís axweesantá haratlintaaooro nee intsaahhasadár ló', tidá' kuúng taa eehát.

Tito 1:9

Inós masók a heé axweesantá haratlintaao gaa oh, adoodá' kura intsaahhatimís, as muu nguwa aleeslay gurbu'ungo ar axweesantadár ló', nee múk axweesantadá' ga siaasií' nguwa ar ba/i.